Dayoff 啦！
真的很累，睡到日上三竿。
睡醒了，病亦無咁嚴重！
做 Log book again~~
再係咁樣做 Log book，我會癲的！

昨晚3點訓，6點起身，超唔想起身，眼訓到我死.........
一起身，先發覺自己唔係好掂。
好似有d發燒，但搵成屋都搵唔到一支探熱針。
唔理咁多啦，我仲未預備我今日個普通話presentation~~
搵極都搵唔到d令我可以開懷大笑既笑話，可能係同我心情唔好有關啦。
最後只好再去 e-mail 睇下有無d咩野可以用，
最後選左果篇「有錢仔的作文」........

勁驚，因為掛住做 Log book，我普通話無預備過。
而且因為掛住整普通話d野，遲左出門。
但今日我要 presentation，超左後果不堪設想。
最嚴重既後果係當我無返，0分............
唔會掛，越諗越驚！
返到去，坐低，咩都唔知.........諗住死緊。
點知到落堂前15 mins，先 presentation~~
謝謝上帝呀！之前堂堂都係一上堂就 presentation的。
唉.........不過，我係4個中最後一個，Miss返住落堂，
佢完全係無專心聽我講野..........
肯定超低分..........灰...........

之後上英文，其他組既Speaking Assissment~~
Lunch之後，上Tasting堂，入廚房。
Joyce話無咩做，叫我去訓下。
但真係唔係幾好意思，只好死撐！
原來大牌檔既廚房係超得閒的，做左半個鐘唔夠，
就無野做。結果要周圍 hea.........
d同學去晒餐樓傾計，有幾個去左Changing room傾電話，
我真係頂唔順啦，病到無左半條人命！
結果都係去左Changing room訓覺，訓左15 mins！
好少少啦，唔好得幾多..........
其實我咁鍾意煮野食，又點會放過呢堂呀。
病到死下死下，都想出去睇下有咩學。
等呀、等呀...........仲未夠鐘煮.........
係到睇人煲粥...........
Dessert Section 勁得閒，原來今次d芝麻卷、砵仔糕係外賣的。
負責既同學仔，只需要蒸返熱佢.........

食野..........d野超鹹呀！
係唔可以跟個食譜煮的........
我覺得最好味係個白粥，好綿呀！正！
病人既奇怪口味...........食左3杯耶！

放學........仲要留係學校，傾 Log book.....
今次條要分 form 打..........
返到屋企，又繼續做 Log book........
真係頂唔順啦，做完既刻食藥訓覺。
累死我了............

心情一日比一日差........不停流鼻水.........
今個星期，我好像從哪一方面看，都是打敗仗的一方.........
普通話presentation如是，事奉如是，就連健康都係.........
失敗、失敗、失敗！

今日係屋企..........
心情低落.........勁作 Log Book........
我一個人作10頁呀，全英文，不包圖、表，想做死人咩。
作到的話，係破左我自己紀錄！
今日之內係做唔完架，完全無可能做得完.........
仲要預備明天既普通話既presentation，玩野......講笑話。
去邊到搵笑話呀，又要花時間上網搵d一點也不好笑既笑話。
唉............只好繼續努力...........

好似有少少病...........
媽媽豬、老豆仔明天出門，去日本玩耶！

今日一早約左Res-team同學仔傾 A&E~~
大家都不在狀態，昨天真的很累。
一面傾，下面做Account.........
唔識做呢！點算.........

上堂，沒什麼特別。

只是放學，又要繼續傾 A&E......
等了很久，還是沒有人...........
趕住返永光整攤位呢！結果還是要走先。
約左仔仔一整返永光，她剛剛在柴灣放工呢。

整攤位.........不停咁整，不停咁整..........
結果有飯食，但大家都整完先食。
噢.....我同仔仔都食得慢，要其他人等，唔好意思呢。
返到屋企，成12點~~

今日返9:30，其實應該係9:30換好晒廚房衫的，
但遲到了，9:30先返到學校。
不過我返到去既時候，我先見到Joe Chan都係剛剛返到學校。
連ar sir都咁遲，我就唔駛驚啦！
真係一個比一個遲，Venus比我仲遲............

去到廚房，霞姐話Lesagne昨晚做左lu，
我可以幫手做其他野。
結果去幫Vegetable section~~
切野+Blanching..........
之後整整下，又去整左薯蓉。
哈哈！好好玩咁！
等我下次係屋企試下整先！
出餐啦！
聽聞今日班guest係VTC既高層，所以個個教呢科既ar sir/miss都黎晒。
Dominic, Jennifer都過左黎！
哈哈！我地有d section做唔切，結果Dominic係隔離班Year 1到，
搵左2個過黎幫手。
果2個Year 1都幾慘，佢地班落左堂，
都要攪埋我地d野，先可以放學。
不過可以過Year 2到幫手，會學多好多野。

哈哈！我個section無乜野做，就去其他section到，睇下其他野點整。
因為出要係buffet，又要搵人出去換野。
哈哈！結果我都出左去2次，好玩耶，可以睇下出面發生緊d咩事。
點知有一次一出到去，就班個guest捉住問野。
佢仲要係用英文問........嚇得我呀！
好彩我都識答，哈哈！
好野，今日呢班客，好乖乖，好準時走。
差唔多，Res-team就放人去食lunch~~
我地班完左operation，竟然同ar sir係出要開枱----食野！
又慳返餐，有汽水飯添！

食飽飽，就返入廚房執野，準備夜晚果餐。
無人幫手洗野.............得幾個人係到洗..........
中途Joe Chan唔知去左邊，Dominic留左係到。
比佢發現我落野既次序錯了，佢既刻指出我既錯處。
講真初頭真係有d唔服，因為上次我都係咁，都煮到。
不過之後諗返，連我都覺得，我地全部人對Dominic有偏見。
其實真係我錯，佢都係教返我之麻。
不過可以肯完既就係，Dominic比Joe Chan有料。
時間過得好快，話咁快就6點。
我地班好叻呀！所有野都做得切。

之後有人買左袋公仔麵返黎，我地係到煮公仔麵食，哈哈！←好曳曳耶
若果比Dominic見到，實激死佢。
估唔到Joe Chan見到，竟然問我地仲乜唔用熱水煮。
哈哈！這就是2個ar sir見到既唔同反應了............
我整既Lesagne賣晒呢！一個都無剩，自己無得試食..........
但operation完左，真係好多野食，好好味呢！

放學！
有同學仔偷偷地早走，無同Res-team/ar sir講，可惡！
大家都得累了，連續返左14個鐘頭學......
返到屋企已經12:30了~~