今日真係玩到癲左！
一早約左敏欣、志豐、仔仔，8:30am金鐘MTR見。
我 & 仔仔 又遲到了..........
首先當然要吃個豐富既早餐先啦，麥噹噹順理成章是我們的首選。
點知去到太古坊，竟然找不到麥噹噹。
最後要問路才找到，原來就是在去海洋分園的巴士站對面。

食飽飽，就出發了！
搭巴士途中，經過一個泳池，個泳池名竟然叫「包玉剛游泳池」~~
多奇怪的名字噢！

到達啦！我整整6年無黎過啦，好興奮呀！
我發覺，我今日原來係同3個「男人」去海洋公園wo，哈哈！
再唔係就係同「爛gag王」、「爛gag后」、「催化劑」去海洋公園！

今日海洋公園行程：

大樹灣的入口 --> 太空摩天輪x1 --> 滑浪飛船x2 --> 越礦飛車x2 --> 太平洋海岸(海獅、海豹)
--> 水母萬花筒 --> 鯊魚館 --> 海洋館 --> 飛天鞦韆x3 --> Lunch(金香雞) --> 摩天巨輪x1
--> 瘋狂過山車x2 --> 沖天搖擺船(海盜船)x2 --> 極速之旅(跳樓機)x1 --> 翻天飛鷹x1
--> 沖天搖擺船(海盜船)x1 --> 纜車 --> 超動感影院 --> 大熊貓園 -->正門離開

一入到去海洋公園，其實有少少毛毛雨，不過我地一於好少理！
一支箭衝左去玩最近既太空摩天輪，好恐怖耶~~
成個人玩到360度打橫打直咁轉，我12歲既時候玩過一次。
果次驚到我死.........原本唔敢再玩。
不過係其他人慫恿之下，見都玩過一次，今次就玩多次啦！
之後就走左去玩滑浪飛船，玩完一次唔夠，再玩多次。
第一次儀仔仔坐前面，第二次志豐坐前面。
原本雨越落越大，大家都已經濕濕地，玩完之後，簡直係濕上加濕。
我隻左腳係濕晒law~~ ^^"

之後佢地就急急腳咁，衝左去玩越礦飛車。
未玩之前，我係諗住唔玩的.......
但個個都玩，無理由我唔玩架麻。
而且佢地話瘋狂過山車係恐怖過越礦飛車的，既然瘋狂過山車我都玩過咁多次，
今次就試下玩埋越礦飛車啦！
我好白癡咁，叫足全程，哈哈！
玩一次唔夠，又玩多次！
又真係瘋狂過山車刺激d wo！

跟住就去左睇海獅、海象、海狗，"陳敏娣"你d friend呀！
直掃落去睇水母、鯊魚，之後仲有其他大魚、中魚、細魚、海星、海龜......
第一次見到咁多水母，有大大隻既，又有細細粒既。配合埋燈光，好靚呀！
睇鯊魚BB，仲有好鬼騎呢既魔鬼魚。
嘩！d魚都好得意，有d似姆明谷入面d白色一條條既野！
之後仲有好細組粒既天使魚，好似有對翼咁。

睇完呢d館，當然又係大玩特玩啦！
見飛天鞦韆無人排隊，志豐、敏欣玩左成3次，我同仔仔就玩左2次。
其任玩鞦韆，真係好舒服。好消遙自在！
係唔知點解平時係公園，我會唔識打之麻.........
係陳敏欣、志豐玩緊鞦韆既時候，諗住幫佢地影相啦。
點知比我較較下部相機，比我發現左我部相機仲有其他特別功能呢！
越黎越愛呢部相機呀！遲下會唔會唔舒得換呢？
哈哈！好白癡呀！>u<"
係時候填飽個肚先！但海洋公園d食物真係好唔抵食。
成$40一個雞餐呀.........

食飽飽，就到我地要攻陷機動城啦！
哈哈，剛剛食完野，唔好咁激住。就玩下摩天輪先啦。
一次過係高空，望晒下面d機動遊戲。
下一站是瘋狂過山車，開始多人了，要排隊耶。
係呢個時候，我又?部相機出黎玩啦！要試下佢仲有d咩功能，係我未知既！
瘋狂過山車我地都玩左2次~~
人生第一次玩海盜船，不過無時間比我考慮啦。
既然排到呢到，就試下玩啦！
不過真係唔係知佢會激成點，所以一擇就擇左中間坐。
玩完第一次，又唔夠。再玩第二次，今次大家都話坐出D。

玩到興起，就向最得人驚既跳樓機出發啦。
講真，排排下，真係好想縮。話晒都係人生第一次跳樓機麻！
原因好簡單，對於我未試過既野，我會好驚。所以我係唔係太鍾意試新野的。
好高呢......但個個都玩播.......無理由黎到呢步先縮架........
係到諗，好快過架咋！唔洗一分鐘，就跌返落黎啦！
好啦！係唔係到死，死就死啦！我真係無諗過自己會咁夠膽！！
睇住自己離地面越來越遠，我就越來越驚。
都未上到最頂，已經嗌定先。諗住實死緊啦.......
上到頂，個心真係驚到就黎飛埋出黎啦。來唔切反應，就跌左落黎lu~~
跌落黎既時候，係成個人飛起左，個patpat離開左張椅的！
正呀！←完全無諗過呢個就係我既反應......
落椅的時候，比張椅撞到我好痛.........太不小心了。
玩完，仲要係到叫玩多次，可惜條隊真的是太長了。所以只好轉移目標！
玩埋個飛鷹，再去玩海盜船。飛鷹比起之前果d，原來好濕碎。
海盜船，向難度挑戰！坐最出，正呀！
越玩越唔相信，呢個就係我?!!我竟然夠膽玩晒咁多樣野？哈哈！

搭纜車去也！中途見到個小丑，映相~~
哈哈！佢竟然比副牌我?wo！
之後等纜車既時候，見到佢表演另一個魔術。
佢竟然表演係個口到飛副牌出黎......
我見到，第一樣野係到諗，我剛才掂果副，唔會都係係個口到?出黎掛。= ="

趕去玩超動感影院~~
竟然要收每人10蚊.......以前都唔駛架，咁而家要架........
好似無以前咁好玩，可能係因為剛才刺激過頭，呢個變到無預期中咁好玩掛。
最後，點可以少左探Panda架！係香港第一次睇熊貓。
好像今日有很多人生第一次添，哈哈！
入到去，原來都好地地架，隻Panda都週圍行架。
睇多陣，隻Panda竟然痾臭臭.......= ="
佢舊臭臭睇落成舊石咁，一跌落地，就碌左落山。

臨走前，睇下有無手信買。睇唔岩，走人。
又唔知幾時先會再黎啦.....
今日係超級大大大開心呀！謝謝你們！
而且影左好多相相添！

晚上返讚美祈禱會~~

今日起身，做左陣家務。
中午與媽媽、妹妹出左apm食lunch~~
病完之後，唔知點解細食左好多..........
一碟我以前食得晒既飯，我今日竟然食淨半碟............
之後行左陣Muji，買左2支筆。

去了土瓜灣剪頭髮！
再去埋工聯會買海洋公園飛！
正呀！好祈待明天既海洋公園之旅！

可惜初頭諗住同埋其他大板牙同工去，但他們不是沒空，
就是有其他原因不去呀..........
仲諗住可以一齊玩添，唔緊要啦！
哈哈！之前一路都話一齊去捐血，都後來大家都係就唔到時間wo~~
看來大家真係好忙咁！

明天一定要玩得盡興呀！志豐仲有7日就要去英國啦..........
敏欣、志豐、仔仔，8:30金鐘見！

看來份"發展"仲有好多野要執，努力呀！
一定要比心機呀！

今日好開心！
中午去左煒濤屋企紅豆家員聚！
最開心係樹亮、麗怡都有黎，仲有帶埋小呈呈黎。

哈哈！去到玩左2盤非洲話事"pair"，之後就開餐lu~~
無耐，就齊人啦！

小呈呈真係好鬼可愛！
佢竟然拉左我、水、蚊、豆，同佢玩。
要我地扮做佢既學生，佢教我地唱歌、跳舞、講故仔、做體操，仲有食麵時間。
笑死我地啦！大家一面食，一面睇佢玩。
同佢唱左茶壺歌、大波波歌、聖保祿幼兒園校歌。
豆未食飽，一面同呈呈玩，一面食，但呈呈就唔比佢食，話要上堂。
之後又話放學，要帶我地去搵家長。
哈哈！水比佢帶左出露台，話等校車。
玩完水水入返黎，呈呈又帶返佢出去，我地話水水入唔返黎。
後來水水話Whisky係佢麻麻，呈呈先帶佢入返黎，比麻麻接放學。
真係笑死我地啦！

之後，我地就話畢業啦！拉埋呈呈影畢業照。
佢好威架，做老師坐中間架，哈哈！
唱左紅豆團既2首團歌，大家都仲記得動作，好勁呀！
仲要叫埋所有我地叫過既口號，哈哈！
不可少既當然係唱《紅人為神》啦！
哈！無端端叫晒所有紅人出黎hold~~
分享時段！
講下大家今年去邊 & 目標！
好開心！聽到好幾個小羊都講，來年要做助導！
紅豆團出既助導越黎越多啦！
樹亮、麗怡話好開心，見到我地好多人都仲係到。
真的，我地當中只係唔見左幾個。
而且佢話好開心見到以前重點栽培既紅人們，現在個個都仲係到，做助導的又有。
其實我地又何嘗唔係一樣，當天若果不是你們，叫我地做紅人，
我地今天也許還只是一個冷冰冰既人！
唔經唔覺，我地好幾個紅人，都成20歲lu~~
不過我要澄清，我係細過軍佬、麗霞、水水架！哈哈！
麗怡、樹亮就30幾啦....
佢地話10年後，到佢地40幾，我地30幾既時候，我地都要咁齊人。
我地要好好珍惜我地現在有既活力，到將來唔可以比自己後悔！

講講下，樹亮問左個問題，問我地最深刻係紅豆團經歷既係咩？
太多了，真的太多了！
坐豬欄、玩絲襪雞蛋、點蠟燭、吃團年飯、麗怡親手縫既紅豆公仔.........
最好笑係朱小小果件事！
記得有一次，紅豆團連續幾個星期，都是仰望最少人果團，
果次樹亮好褸咁鬧我地，佢又講左個故仔。
話有個兒子做得唔好，咁做爸爸既應該點。
朱小小第一句就答要"刮"佢，跟住樹亮就叫佢出去比佢"刮"。
點知朱小小又真係出去播，樹亮果次真係呆左。
講返出黎，仲有唔少人記得呢件事！
總之，我地係紅豆經歷既每一件事，我地仲記得清清楚楚。
點少得既係我地紅豆係睇住我地2個既團導師--樹亮、麗怡，結婚、大肚、小呈呈出世。
團團都無，唯獨係我地多左個紅豆妹--陳允呈！

哈哈！我地話黎緊，紅豆又會多一個成員啦！
因為麗怡又有左BB啦！
呈呈好攪笑咁係到講，佢做家姐啦，遲d佢就會多個妹妹！
樹亮、麗怡話未去過我家耶。咁呀，下次去我到啦！

散之前，大家係咁影相。
最受歡迎既，當然係小呈呈啦！哈哈！
行落Kowloon Tong MTR Station~~
同Fax傾左好多野，講晒呢幾日既感受，舒服晒。謝謝你！
回家lu~~

晚上與屋企人去左坑口食晚飯。

新一年，新開始！
新年大大大快樂呀！

踏入新一年，第一樣做既野竟然係抽獎。
好攪笑，抽到「東、南、西、北、中、發、白」既人，可以進入Round 2~~
14人中，我家佔左4個人，不過我家抽最後。
但竟然我家4個人，分別抽到「東、南、西、北」，全部順利進入Round 2~~
之後就抽可以攞邊份禮物，我地又分別抽到1、3、5、7~~
點解大家好似咁夾咁既，哈哈！

Yeah！新一年，好開始！
我竟然抽到份大獎！現金獎300元正！Lucky！

今日我又曳曳啦！
早上又遲到.........
Cell約8:30am，但我竟然8:38am先到........
唉........改呀！我既決心去左邊.......
不過榮提出，Cell真係好多人遲到。
咁樣下個星期一於約早15min啦，講真我覺得8:30真係太邊邊啦。

崇拜~~
陳敏欣唔知醜，你又知把遮一定比你既。
不過又真係比你既，哈哈！係咪好靚呢！
傻敏欣，下午成個操場，一眼就望到你把遮啦。
團會~~
玩15/16，又黎多次。
今次係問大三既歷史~~
與上次"15/16 約伯好順服" 有d唔同。
個powerpoint家朗打錯好多錯別字，差唔多條條都有打錯。
真係非常嚴重耶...........
最好笑係打左「耶蘇同你say hi.......灘位」........笑到大家肚都痛埋。
哈哈，你估我同波子係呢個時候會諗起邊個？
係你啦！星雅！
呢個就係打錯字既後果啦，所以你唔好犯重覆既錯誤呀！
不過你d錯別字，近排好像都有改善了。哈哈！

中午，去左五十嵐食野。
12:45pm就，已經有下午茶了。
想不到，我竟然唔係食得最慢果個。
真是一山還有一山高~~

返書院~~
無Cell聚wo........有少少唔慣咁添。
結果有3個就係到學結他，珊&Me則無咩做，結果我係到東張西望.........
途中成份家刊比我前前後後睇過2次了。
看了Panda既分享，真的有點同感。
此終 Top1 變成 Top2，我地大家都有責任..........簡直係刻骨銘心！

嘩！謝謝仔仔既大嘴鳥指套，繡得好靚呀！
與榮上左7/F打電話紙........
原來仲有d團未打..........遲得很了.........
早於10日前，都已經send左..........

哈哈！終於送到對耳環比大隻妙啦！
好開心呀！佢即刻戴左佢！好靚呀！
哈哈！諗諗下呢份係唔止3為1體既禮物，係4為1體。
生日、畢業、感恩節、聖誕耶！
不過我仲欠你一餐飯架，總有一日我會約到你架！
謝謝Cindy既糖果！

時間差唔多，就與大三同工去食飯lu~~
肥波波一個等位，我地執發展執遲左耶..........
結果又係紅色車車.......
我地去左籽苗葉食，原來大板牙就在旁邊既小曼谷。
哈哈，與肥波波走左入去攞"生朱古力"吃，好味道呀！
呢幾日咩好味既野都無得食，今日曳一次食一粒咁多啦！
謝謝仔仔！

食飯，都係食d比較清既穩鎮。
好味道！係啦.........我認我係外星人啦...........= ="
咁下星期六，我會搭飛碟返永光架啦！哈哈！
差唔多食完既時候，大板牙同工既然帶埋佢既指套，入左黎同大嘴鳥相認！哈哈！
有大笨象--全全、猴子仔--吉吉、狗先生--熊熊，其他唔記得添..........
仲有無黎到既鹿先生--波波、豹小姐--麗霞！

食飽飽，就行返過新堂，我就回家了。
點知又比我遇上大板牙，仲有Ella呀！

P.S  頗期待明天既紅豆家員聚~~
        更更更期待星期三既海洋公園之旅！