今日一早8:30am返到去，係唔見人o羅。
仲以為自己差點兒遲到，但原來係早左半個鐘返去，返9點.........
無鞋換，無Lab-clothe，我2條Locker鎖匙都唔係自己到。
一條條陸家健到，一條係Ling到。
是但係電錶房借左件Lab-clothe，點知係Jennifer的...........
好樣衰，唔想比人見到個名！哈哈，比我用個多牌遮住左。
Briefing完，都9:25am~~
我地同Chu sir講下面好凍，佢都著住件褸啦，比我地著埋Lab-clothe落去啦。
點知 Ar sir 真係比，哈哈！佢話Hamburger無所謂。
結果我地就著左果件紅色野，再著Lab-clothe，件紅色野幾乎睇唔到咁制。
9:35am先落到去派傳單，不過落雨。
我係李惠理樓果部 lift 到派，派到10:30先派晒，好開心呀！
不過中途一面派，係見到好多人滑到o羅，有d係滑到坐左係地下到。
大家落雨天，要小心d~~因為我都試過一次，滑到坐左係樓梯，果次真係痛到起唔到身..........
10:30陸家健終於返到黎啦，我終於拿回條鎖匙，謝謝。
原來我唔係第一個派晒d傳單，Joyce超快就派晒lu~~
不過Gigi & Kinky 都仲有好多未派。
派到11:00pm放Lunch，不過Cashier無得放.....要點左$$$先。
點完放Lunch，不過已經無左一半時間食。
食左件茄蛋治，就上Locker攞野lu~~
哈哈！終於換返對黑鞋lu~~
不過其實我著左我另一對鞋成朝，都無乜人覺我著錯鞋。
上到去，就同Joyce分$$$，每部收銀機一千蚊，Total $2000~~
Oh.........分完$，係完全無時間比我地練習點用部機。
Start operation 之前，已經收到 miss d 單，佢地托 ar sir 攞上黎。
Miss 呢2張單係超亂，個個都亂黎，好彩做下做下，大家開始上手。
不過都執左好耐，結果遲左 Start operation，出面d人又開始鼓噪啦。
D Miss 要走後門，否則 Chu sir 又會比其他系既學生鬧。
其實比我地，我地都會放班 Miss 入黎。
咁做雖然係有d唔岩，但我地次次出餐，佢地都黎撐我地。
我地都當左佢地係VIP架啦！
Start operation~~
微波爐 "lum"檔~~
見到佢地執包既時候好攪笑，大家快要搶包咁。
無計啦，Italian Burger & Mexican Burger "lum"檔。
我差d找少$1比人，好彩我醒，未找就已經發覺到。
嘩！大家真係未停過手，廚房超忙.......
未夠1點，出面已經排隊排到落2/F~~
仲勁過星期一，果日都只係排到去3/F者。
結果比Jennifer上黎話我地..........
出面d res-team 頂唔住，只好乖乖放人入黎。
d人入到黎，就到我地cashier做野，密密做。
因為已經排到落2/F，我地就要拿拿臨計下仲有幾多個包可以賣。
結果發覺，380個包，已經賣出左150幾個，只剩下不足130個。
所以就要開始截隊..........
排後面果d好慘.........比我地趕走左50人以上。
有幾個就話會繼續排，無包都會買French Fries~~
嘩！總之我地班今日個勢就超勁啦！
1:30pm所有包就售清了。Total賣了363個burger！勁呀！
不過原來Joe Chan收埋左10個左右，比我地班食！好野！
收檔！係時候埋數。
Yeah！好勁呀！
今日我 & Joyce 做 Cashier~~
我地係1毫子都無收多收少！係d咁忙既日子，都可以做到咁！
Chu Sir 話係破晒記錄，不停同人講話我地係一毫都無出錯！
哈哈！好開心呀！係破晒記錄呀！
Chu Sir都好開心！哈哈！
今日係覺得自己做到 Well Done 呀！
81301-2B 好勁呀！辛苦晒各位同學仔！
食大餐~~
 
↑未整熱既burger~~ ↑嘩！唔知邊個整既Super size burger~~
 
↑French Fries ↑你估下係乜？係比我地倒左出黎既 ice-cream~~
 
↑嘩！勁整96個雪糕....... ↑你睇下Cherry幾比心機整！
↑81301-2B 大合照！不過無左Dicky, Mui, Venus o羅，佢地唔肯影.........
出完餐，就趕做Account~~
之後就趕做Log Book~~
哈哈！趕到6點，終於完工啦！
Log Book 我都終於完成你啦！終於打敗你啦！
我地同你既長期戰爭，終於完結啦！
每次做你，大家都會做到病晒.........
終於有覺好訓啦！
160頁既Le Marquis Log Book 就此誕生！
勁呀！Res-team們，呢本野擇直係我地嘔心瀝血既傑作！
係160頁.........全英文！
其中最少有60頁係全文字，無圖表的！
Total有成唔知幾多萬字！終於KO左你！哈哈！
交野既時候，大家終於講左有人無乜做野比 Chu sir 聽。
我地都未講邊個，Chu sir 都估到係邊個。
講真，有時又真係爭唔落。
好似今日咁，大家搏晒命咁趕Log Book，好心你就幫下手啦。
叫你去問下Yanki有咩做，人地諗緊，都未答你，你就無端端走返過黎。
同我地講，佢地話無野做........跟住就走先！
最後同 Chu sir 傾左好耐，Joe Chan 又黎加入埋。
傾傾下，見到Debby，之後就同Debby傾。
大家又傾左好耐，問左d個Account project點做。
總之今日大家就係 Well Done 啦！^u^ | 
