今日1點鐘出左門口，落左將軍澳大眾攞新會員證，之後就逛左陣百佳。
時間差唔多，就出發去金鐘了。
應Noel邀約，去環球嘉年華呀！
好興奮！約左2:30pm，有好多人呀！
有儀仔、吉昌、Ken少、麗霞、高毛毛、羅記、華豬、Ca姐、強，
唔少得既當然仲有仰望大佬Noel啦。
之後仲有好多，有d遲黎，有d放工黎。
仲有健、Louis、Jason、Stella、珊、佩蓮、文仔、波子 & Panda Lo~~
好扺玩呢！120蚊，可以由上晝11點，玩到夜晚11點！
仲有25個代幣呢！
去到大家就來張大合照，就開始大玩特玩啦。
第一樣，就一齊衝左去玩果個船，同海洋公園的滑浪飛船有點相似。
不過呢到呢個好玩d，因為佢會衝2次，而且係比海洋公園果個斜的。
哈哈！我同麗霞、儀仔仔一條船，儀仔被迫坐最前。
好玩呀！之後就一直掃落去，玩果隻左右fing既船，不是海盜船。
海盜船是前後fing，呢隻係左右fing，而且係不規則咁fing。
無想象中咁好玩，都未嗌到盡，就玩完lu.......
之後就玩大風車，有d驚呢！
不過自從上次海洋公園之後，玩機動遊戲都大膽左。
哈哈！華豬坐我隔離，話我玩既時候不停咁踢佢o羅。
其實我掛住玩，真係唔係好覺wo.....哈哈！
正呀！全程開眼玩，真是越來越大膽了。
再掃過去，過山車！
好玩呀，隻腳係凌空的，坐係到好舒服。
當然再加上衝落黎果下，係好正架！
玩完就去搭靚靚摩天輪，上去睇靚景。
大家見鬼屋好多人排隊，大家咪去排o羅。
點知玩完之後，大家都覺得唔好玩，真係連叫都慳返。
都唔明，點解之之果d咁好玩，就唔駛排隊。
鬼屋咁悶，就咁多人排隊架。
鬼屋再掃過去，就已經係G force啦！
好驚，唔敢玩。哈哈，今次終於有其他志同道合之友啦！
Louis、健、羅記，已經排緊......
之後就衝左去玩跳樓機，正呀！
佢係由最高跌到落最低，唔會好似海洋公園咁，到中途彈返上去。
果一下衝力，成個人係飛起左架！
嗌得好爽，眨下眼，就已經到返地下lu！
哈哈！係呢個時候，儀仔仔、Ca姐、吉昌、高毛毛，返返轉頭玩G Force~~
怕怕呢，咁高衝落黎wo，上到去一定會勁驚.......
所以佢地去左排隊，我同他人就去玩果個青蛙跳。
我、麗霞 & Noel一卡，後面有Louis、健 & 羅記，再之後就有華豬 & Ken少。
笑死我啦！等左好耐，奇怪架機點解唔開啦。
點知見到有個職員，行左去羅記果卡到。
之後就見到Louis落左黎啦。原來是超重......果然好大隻播，哈哈！
玩完，就走左去玩毛毛蟲，既小朋友過山車。
一場黎到，強點都要玩d野既！所以我地就一齊去左玩毛毛蟲啦。
之後就去左搵仔仔佢地啦，初頭仲諗住睇佢地玩啦，點知咁快就玩完lu~~
佢地玩完話勁好玩，上到去上面，初頭係好驚。
但係上面，係開闊你既眼界，個景勁正wo......
有d心郁郁，想玩添........不過算啦，佢地都玩左lu~~
而且我對呢個G force，都真係仲係好驚！
見佢地去玩多次青蛙跳，所以跟埋去。
同長老一卡.......有d唔係咁好添.......= ="
係咁捉住側邊，唔想"扇"左落去，點知佢又叫我放手播.........
總之就唔知點咁啦！
玩鞦韆，好好玩呀！
佢係fing得高過海洋公園果個的，個feel係更加舒服！
一陣陣風吹埋黎，真係好舒服！
再去玩老鼠轉，d隊開始長啦，可能係因為d人開始放工啦。
轉轉轉，fing到我個袋都就黎跌啦，好彩係緊急關頭比我扯住左！
比我想象中剌激，真係fing到頭都甩啦。
玩左咁耐，玩下攤位遊戲先。
擲飛標，用左3個代幣，我都擲到 0, 14, 1 架！
距離中獎仲有27分之麻，哈哈！
玩彩虹滑梯，眨下眼，就滑左落去lu~~
之後再黎大風車，勁呀！夜晚係fing得勁過朝早好多。
個人好係就黎撞落地下咁！越fing越勁！
玩玩下，都唔敢開眼玩，哈哈。
好彩剛才玩左滑梯咋，因為開始有雨，滑梯關左。
玩左咁多樣，大家都未玩果舊太空船咁既野。
所以就決定去玩啦.........排隊既時候，見到舊野轉左勁耐.......
我 & 6熟都開始想"餚"底..........
但上左賊船，係走唔到架啦......只好奉陪到底啦.........
嘩！死啦，轉到我就死啦！
變態架，成個人倒吊hold住成好多秒，估計重覆左成20個圈。
玩呢個係好辛苦o羅，倒吊既時候，係用隻腳死夾住張凳，
咁當然係夾唔住啦，隻手又死抓住個柄。
果時係到諗，死啦、死啦，今次實死緊啦。
若果個安全扣鬆左，會點算呢！死定了。
嗌到唔想嗌了........只好合埋眼，等佢停啦.......
足足轉左成6分鐘咁耐，玩完d手手腳腦係好酸軟o羅。
一定是用力過渡所致啦！波子仲要不停係到笑..........= ="
珊玩完呢個唔舒服呢........好慘呀！佢黎到玩左無幾耐咋！
Louis好勁呀！玩碌乒乓波，碌到最高分，贏左隻超巨型Mickey Mouse！
我去玩得4分，不過都有支Well Done花架！
之後仲玩左好多攤位，不過係贏唔到公仔架！
但係玩得好開心，哈哈！
La姐、Jason都好勁呀！佢地贏左隻超巨型狼仔呀！
玩到差唔多，就同La姐、吉昌佢地去玩過山車。好玩耶！
之後就去玩碰碰車，波子成為眾矢之的。
撞！撞！撞！好玩呀！哈哈！
由細到大，無乜幾可有碰碰車玩！
細個既時候，都只係有得睇無得玩，今次就唔同呢！
最後玩埋剩下既金幣佢，閃人。
波子、華豬果堆去旺角食飯，好遠呢.......
結果同左文仔、佩蓮、Panda Lo、6熟 ~~
行行下、仔仔追上黎，佢最後都係決定跟呢邊食。
搭地鐵，去左灣仔食。
途中文仔、佩蓮.....好重火藥味耶........佢地實在係太攪笑啦.......
返歸lu~~
今日好開心呀！玩得盡興之餘，亦都嗌得盡興！
可以將所有開心、唔開心，都嗌晒出黎！正！ | 
