Accomodation 真係教得好亂，左教d右教d。
明明教緊Slide 3，跳跳下去左書既P.433，之後又跳左去書P.187，
講講下，份Notes都無既，就要自己drop notes~~
教到Slide12既時候，就勁飛，飛有左去Slide17，話之前Slide4果到講左............
好難跟.......完全唔跟次序教，亂晒大龍..........
最重要你都要話比我地聽你講緊邊到呀..........成本書咁厚，一時就話講緊P.187，轉過頭又講P.433，
之後又跳左去P.140.......你有你講，我地有我地搵.......= ="
總之今日份Notes就比我寫到花晒啦！唔執過，肯定溫唔到書。
Lunch~~
好凍呀！好彩今日出門口既時候，戴左頸巾，暖笠笠！
但Mui就好凍啦，所以留左係學校食。
食完就去左CILL執返份Notes，Mui就做英文。
我都唔明，點解自己熟果行，你唔做，係要做旅遊者。
你問我我鬼識答你咩..........明明做好晒交埋既功課，你又覺得唔滿意，要做過........
唔係我地唔做呀，我只不過真係唔熟旅遊，你想我點做........
其實之前大家一齊做個份講餐廳，咪幾好o羅，做返自己果行，先最好麻。
我都唔明點解你會話多人做，唔好..........我地要做既，其實唔係改題目，而係要將之前果份野改好d，
更加強烈d problem.........要改題目，實在係太大工程啦，所有功課都要做過晒的。
攪到好似我唔做野咁..........但確實呢份功課我之前做完，交左架麻。
之前我地傾既時候，你又唔提出有咩唔好，現在我跟據我地傾既野做左份出黎交埋，你先話要改過晒個題目wo~~
咁份功課我做黎做乜，真係得閒過頭咩！就算係呀，Miss肯唔肯收過第二份功課，都成問題啦！Deadline都過左咁耐lu~~
去左Library還返本書比Ling，之後找左陣資料就去上堂lu~~
劈出品味 第五回！今日教Champagne & Sparking Wine，正呀！
試左咁多次，最好飲就係今日呢隻，重有得添飲。
連阿sir都問我地有無睇《我愛葡萄園》，簡直係岩晒時候播，同我地溫書咁。
死啦，Mr. Chu又催我地溫書啦，佢話呢科死亡率極高的.........開始驚驚地了。
Accomodation Seminar~~無端端話補堂就補堂，好彩大家都無野做者。
我地真係覺得佢教書d次序好有問題，都上到 Seminar 5 啦，無端端叫我地拿 Seminar 1 既Notes出黎........
又唔預先叫我地帶，邊有帶到呀........我地唔係堂堂都會帶晒所有Notes返黎的........
之後又派左張 Seminar 2 既 Worksheet，叫我地自己填左佢，成張得一個大表，空空如也，都唔知攪乜。
話想我地清晰d，咁你唔係諗住同我地做的嗎？派左比我地就算.......咁其實呢張紙有咩用呢？
我地 Seminar 2 既時候，都自己 dorp 低晒d野啦，你 Seminar 5 先派呢張野，會唔會遲左dd呢？
派左上次個Test，17.5/30，普普通通啦。
Joyce係我地班最高分，有20分；但A班最高有26分~~好勁！
無端端上堂要我地隔開坐，話個位細，隔多張凳比我地放袋，呆左。
要小測就小測啦，咁多藉口做咩者..........直接d啦。
嚇死我，睇返同學仔改完比返我既小測，只岩左15/30~~
後來再對過，先發覺佢比少左6分比我，應該係21/30，真人嚇死我啦。
已經3月頭啦，3月尾d Test, project, Exam就殺到埋身架啦，要努力溫書、做功課了。
Mui 仲問我地個個做乜咁緊張，暗寸我地個人既功課就咁緊張，組既功課就唔緊張。
真係無佢咁好氣呀，你知唔知English果做功課人吹出黎架，無料搵的。
而且我地唔係無做，只是做完你自己話唔滿意者，Miss肯唔肯收過第二份都未知啦，咁為咩我都放咁多時間、心機落去。
F & B project 就唔同，我抽到既係荷蘭+澳洲呀，吹唔到的，一定要找資料。
我找過好多圖書館都找不到，唔緊張就奇啦！
到3月尾，我地唔止要趕 project的，仲要溫書，現在唔做，仲等幾時........
明天約左Ling去香港中央搵料，希望搵到啦。 | 
