今日返學真係非常無奈..........點解會咁架！
Michelle Leeanna 唔上堂，又唔講聲，攪到我地咁是返到去，都唔知做乜。
9:30呀........咁鬼早，返到去，見到張紙先知.........
Miss呀..........第二次啦，你可唔可以打個電話比班長，叫班長通知我地唔駛返架！
我地咁多個Miss, 阿 Sir，係得你一個會咁樣，唔通知我地架咋！
昨天C班都係咁，又係Michelle堂，可惡！
C班昨天，都話返下午呀，我都係9:30呀..........
好彩我地2班都仲有堂上者。
再係咁攪落去，我地會越黎越唔鍾意上Michelle堂的！
我地都認為，Semester 2咁多堂，呢堂係我地最唔鍾意既一堂。
因為上個Sem，上親呢堂，時間表寫上2個鐘，Michelle永遠都上唔多過1.5個鐘，有時1個鐘就比我地hea.........

唉........9:30-12:30，3粒鐘呀！晨早流流，有咩地方好去........
去行街，d鋪頭又未開；去食早餐，食完咪又係無野做；去唱K，咁早騎騎呢呢。
結果，3人行去左稻香飲早茶！
好攪笑呀，去同d公公婆婆一整等位........=v="
坐左2粒鐘，之後就係杏花新城週圍行下，差唔多就返學校lu~~

上Dominic堂~~灰~~~~~~
我地話上完佢堂，係灰晒........今日都唔知返黎仲乜...........
聽完都唔係好知佢教左乜，都係返屋企睇Notes算啦..........

回家~~

傍晚，返左新堂同工祈禱。

今日返2:30pm~~
上Heigance Foo 既 Marketing Seminar，嚇死人啦！
一上堂就問我地Lecture d 野明唔明，問我地有無野問。
我地無野問，點知佢突然話，我地無野問，就到佢問...........= ="
大家上Lecture幾專心先得架.........一黎就問書.........仲要係點名起身答.........
嚇壞了........
後半堂Discussion~~
阿sir條題目唔解釋，我真係睇唔明佢問乜，好彩佢有解者。
真大獲，考試睇下點死！
不過都好呀，每堂問下書，可以加深我地記憶。
但佢講到本書，好似好有用咁o羅，不過大家一致應同唔買。
買左，上堂都未必會用；返到屋企就更加唔會睇啦。

4:30pm F & B~~
新阿sir，Ken Chow，幾有性格。
教得算唔錯，但又未去到好wo~~不過不失啦。

放學~~
將軍澳圖書館去也。
終於借到一本我想借既書啦！《戴德生小傳》
講真，我對佢既認識唔多，真係要認真睇睇先！

P.S. 原來我病左果日，朱sir比左佢個xanga比我地班。
今日上去一睇，超爆笑。同平時我地認識既佢，完全係2個人來的。
初頭仲懷疑，呢個xanga係咪佢架。但睇返之前果d，又真係佢wo！
好爆笑呀！
不過佢個xanga，有好多野食相，又見識到多d野啦！哈哈！
教飲食既阿sir，個個都是識飲就食之人來的！

今日dayoff，係屋企休息左成個上午。
傍晚，出左Kowloon City，同Ella去九龍寨城整團既野。
太早出到走，結果自己去左鳳城買野食，好味！
見無野做，就去左九龍城廣場週團行下.......
之前唔記得聽邊個講，九龍城廣場改左名，叫Kowloon City Plaze，
改到好似APM咁。果時真係唔明架，不過而家明lu~~
怪怪的KCP......改左名，唔好以為高級d wo.........= ="
一樣係無咩行，無咩人，無咩食.........

行行行.........走馬看花.........無咩心情行街。
差唔多，就去找Ella了。
天黑啦.......成個九龍寨城黑漆漆的。
週圍行，諗下有咩好玩。
7:00pm Ella趕住走，所以拿拿臨攪掂，就閃lu~~

搭車去寶琳，本來諗住去圖書館一趟的，可惜架車左兜右兜，落車都7:55了。
圖書館關8:00pm呢......所以白行一趟。
回家啦！