課程/學生組別:		81301 酒店及飲食業務高級文憑-2/ HOSTS-81301-2B
日期範圍 (綜合) :		29-01-2007[星期一] 至 09-09-2007[星期日] (週 21 - 週 52)
	星期一	星期二	星期三	星期四	星期五
08:30 - 09:30
09:30 - 10:30		Accommodation Operations II(L)/01			English
10:30 - 11:30	Putonghau
11:30 - 12:30	Service Management I(L)/01
12:30 - 13:30					Supervisory Food & Beverage Operations(Framework)/01
13:30 - 14:30		Supervisory Food & Beverage Operations(S)/02
14:30 - 15:30	Fundamental Marketing for the Hospitality Industry(L)/01	Accommodation Operations II(S)/02		Fundamental Marketing for the Hospitality Industry(S)/02
15:30 - 16:30				Week 30-32, 34-38 Supervisory Food & Beverage Operations(S-2)/02
16:30 - 17:30	Service Management I(S)/02			Supervisory Food & Beverage Operations(IBM/MPCC1)/01

聽聞下星期，個Timetable又會改，千祈唔好變到有天地堂就得架啦！
其實呢個Timetable算唔錯架啦，若果星期四d堂，可以調早D，就Prefect啦！

一早起床，發覺自己好唔掂........發燒.........
所以無返朝早9:30果堂.......
好似好衰添！Semester 2 一開始就好似唔返學咁，但真係返唔到。
中午，見自己好左少少，就返去上堂lu~~
但行到中途，先發覺自己都唔比今朝好好多咋........
死撐返到學校，見自己死下死下咁，加上又遲了4個字，
所以決定2:30既F & B都無上。
最後上了3:30既Accommodation~~
IVE成日叫人買書，但無幾多次本書係有用的。
Year 1，我買左3本，結果有一本頗經常用，一本好少用，
一本係連"揭"都未"揭"過，昨天先同同學講過，
佢地個個都係，本書好唔扺.......
所以自從果次之後，我地成班係唔會再買書的了！
點知，今日真騎騎呢呢，個Miss竟然叫我地帶返上年本書返黎上堂。
佢係連Powerpoint & Notes都慳返~~
哈哈！突然興幸我上年買左果本"揭"都未"揭"過既書！
果本書係要係學校Bookshop訂的，無買到既同學仔要買返，
唔係咁快會有，除非係自己出去出要買啦。
好多無買既人，都話去圖書館借，但成個圖書館，會有幾多本比你借呀？

放學，回家中休息.........
謝謝榮，晚上幫我報埋數。

P.S. 聽同學講返，今日堂F & B，試飲左好多種Beer。
可惜我無上到呀，但就算上左，我都飲唔到架啦。病到咁仲敢飲咩？
不過佢地話，Semester 2 上左咁多堂，呢堂係教得最多野的。
Chu sir 呢一堂，係用急口令既方式，先講得晒，但都遲左10mins落堂！

呢4種，係上堂試飲的Beer~~


好想試下最尾果隻Diamond black，個個都話好飲。而且我覺得佢個顏色好特別呢，唔似Beer！
好想知下，佢地邊隻麥味重d，邊隻清d，邊隻有咩特別呢。

今日係Semester 2既開始~~
10:30上普通話，今個Sem Miss要求係Lab上。
咁以後上堂，大家會無咁悶。
之後上Service Management (Lecture)~
同 E-tourism Year 3 一齊上堂，叉燒好似似讀呢科的?!!不過當然係Year 1啦。
個Miss好似好勁播，Show晒自己d勁野出黎。
係Hong Kong U，做過Part-time Lecturer的。
之後又做過生意，又好強調自己做過咩咩職位。
但教書就好唔好，就真係..........見人見志啦.........
一上堂，介紹完自己，就係到攪爛gag.........
係到教我地飲水?!!又教我地開聲，叫我地比個tone佢.........
叫我地放隻手係耳仔到，叫我地聽下自己從外面而黎既聲音，
聽到就代表聽話，聽唔到就代表唔聽話........= ="
結果係，無乜人彩佢........= =" 我地有好少部份比面佢，先聽佢講。
但都唔代表我地跟晒佢做，做d，唔做d啦。
Miss你第一堂教我地架咋........IVE學生，又點會咁聽話，
跟你做呀.........更何況是Lecture.........
大家係滴晒汗.......感覺好像是最後果10分鐘，先開始教書.........
個班房侷死人啦！成130幾個學生係到，個冷氣開到成25.9℃.........
政府都係建議開到25.5℃者，我地仲要係130人迫係一間房wo.......

Lunch~~
上Heigance Foo既Marketing~~
又去返上午果間侷死人房，大家入到去，
想較到無咁侷啦，點知最低只係較到25.3℃........
咩班房黎架，有無一次個中央，可以較得正常少少架！
之前夏天，就凍到好似雪房咁，個個都著晒Lab-clothe著，都凍到死。
現在冬天，就侷到死。可唔可以唔咁極端呀！！！

之後又要上到一個鐘Service Management seminar~~
竟然係玩遊戲........paper tower........
初頭仲以為咩黎啦，大家都話未玩過。
原來係砌紙塔，不過不是用報紙，是用A4紙。
初頭仲諗住Easy啦，用番係教會到既方法咪得o羅。
但聽完其他意見，先發覺自己諗漏左一點好重要的。
就係報紙/A4紙，最唔同既，就係佢既硬度。
A4紙卷埋，係可以企到好穩鎮，但報紙唔得。
有5組，每組有1卷雙面膠、1卷膠紙、1把剪刀、4支鉛筆 & 20張A4紙。
勁呀！我果組都砌到160cm高架。
最高果組砌到238cm，厲害！佩服佢地既心思細密！
比佢地預算，高左8cm~~
首先佢地預算左個課室有幾高先，可以用盡佢。
之後就選左全個課堂，最矮既地方起塔，亦即是在入口既斜路。
結果佢地個塔個高度，係用到盡一盡！
有第二組，都起到差唔多到天花的，但就係輸左係佢地唔係於最矮既地方起。
今天才發覺砌報紙塔，是有咁多學問的！

放學~~

有點兒感冒..........頭痛...........
呢半年內已經病左4次啦..........身體好像弱了.........
看來要做返多d運動先得啦.........

老友

感激身邊同行的每一個你，冇計冇算分享我的憂與悲，
感激身邊有你這個好知己，灰心喪志時，仍有你擔起。
感激身邊同行中這一個你，有說有笑分享我的歡與喜，
感激身邊你這一世好知己，追趕愛與夢，同振翅高飛。
感激你每次代求、念記，不需開口，你會信任我，一聲一氣。
感激你笑著喊著也同謹守一起，難關中同出生入死！
感激你每遍責難、護庇，不管怎麼，你也撐住我，挺起雙臂。
感激作結伴歲月裡從不捨不棄，情與義藏心中，變出愛與基督的香氣。
感激基督——我此生遇到了你，既作老友怎麼也知己與彼，
不管今天或明天是否一起，基督愛裡面，一生都珍惜、感激你。

I Cell 歌

愛，能破碎冷冰枷鎖，連繫你我他每個，同結伴行哪怕險阻？
有愛，能暖透每顆心窩，塗抹你我的過錯，互相關顧哪會一個？
(齊來)真心的一起分擔，盡意去獻上不感孤單，體恤關心照顧不懶。
(一起去撐)忠心將初生肩擔，在愛裡締結永共患難，捉緊基督同行早晚，同高聲呼喊！
La..............La..............同高聲呼喊！I Cell充滿愛。

經過昨晚一番努力，指天椒衫衫終於出世啦！
好靚呀！不過因為昨晚，車車下，車斷左支針，
結果有一部份要用手縫。進度慢了很多.........很晚才睡！

一早起身，就收到Cindy既電話。
結果就週團找人彈結他，為什麼沒有人知道今日團契結他是誰的？
不是軒呢，他要做主席。結果就找左魏祺祺啦！
返書院前，去左觀塘廣場買野食，順便幫吉昌搵d野。
之後就返書院，In源盛~~
哈哈！估唔到家朗咁主動，著件指天椒衫呢！好開心呀！
團契~~講戴德生！
要做劇，不過我地團之前係完全唔記得左，星期四下午家朗打比小怪，先醒起。
好快手，果日佢地既日，就攪掂個初稿。
之後，我地助導完全無插過手。
今日先係第一次Rehearsal，家朗自己一個跟晒。
出黎個結果，又真係唔錯播！抵讚！
最近套劇大三仲攞左冠軍添呀！

之後玩遊戲，原本New牙領先30分的，
估唔到因為套劇，追返d分，同New牙雙冠軍！
儀仔上堂用個patpat撞開人wo，真係呀！
我撞返佢，先發覺陸家健係仔仔隔離，幾驚撞左6熟落台呀！佢果時就係台邊咋.........
好彩我夠斯文，輕輕力，不足為患。哈哈哈！

開Cell，開左一陣又要落去第二場團契總結。
好恐怖呢........我都估到我會走音架啦，首歌鬼咁高音.........
點知仲要甩bit添，真係嚇唔死人算偷笑。
魏祺祺第二場團契，最後攪到要逃亡。
事關今日團契原來無聖樂，結果我地要唱/彈埋家歌。
但魏祺祺竟然唔識背d chords，但無得選擇既情況下，被迫彈了。
彈彈下，中途拉登要背chords比魏祺祺。
一彈完，魏祺祺就立刻要逃亡了，佢驚比馬良發覺係佢彈錯，就大獲啦！
結果佢逃亡成功，哈哈！

上返去開Cell~~
哈哈！我寫果張大懲罰係咪好好呢！就係罰佢送禮物比Natalie啦！哈哈哈！
報告完，就過左去練祈禱會個故仔。
練完，就落Rm42 I Cell 練歌~~
我都已經遲左5分鐘落去，點知落到去，都係得豆豆。
忽然醒起，要去counter交歡送會$$，所以非常不好意思，剩下豆豆一個.......
上返黎練多一陣，就家開會lu~~

點解......我果團得波子係到既......
榮就話去探病者........咁其他人呢？原來去左買歡送會d食材......
最後接近7:20，先陸陸繼繼返番黎！
原來佢地攪咁耐，就係去左格價，找"又便宜、又扺買"既啫喱粉。
早d講麻，上次經陳敏欣介紹，黃大仙中心有檔好平的！
唔駛大家趕得咁辛苦！
最後證實了，連超市減左價，都唔夠果間雜貨店平！

馬良作果首歌真係好正呀！諗返起以前好多野！
真係好多謝，曾經係我身邊既每一個！
完左之後，I Cell 又練左一陣。
收到仔仔電話~~

晚上，打邊邊，好幸福呀！