昨晚溫到2點，就訓著左啦。
不過中途係醒下、訓下咁，訓又訓得唔安樂，溫又溫唔入腦。
完全估唔到佢會出咩Long Question~~
Ling係側魚涌等埋我，一齊搭MTR返學校。
聽聞好多同學仔，都tips佢出Credit Control~~
所以襯最後呢幾個字，溫一溫先。
背既野，仲少過HR，不過呢科易吹d~~
好驚呀，昨晚溫過既野，仲亂過HR，都唔知點算好........
開考~~
Section A 40%
M.C.
Section B 60%
3選2
1. Establishing Room Rates (要計Traditional Rate Calculations Hubbart Formula)
2. Walking Guest
3. Yield Management
Section A，應該最少有一半岩的。
Section B，選了1 & 3，但我諗我選錯了。
我唔選2，係因為我唔明佢條問題裡面，最重要果個字點解，
唔敢亂吹。但後來問返同學，我先知我係應該估岩左條題目點解的。
雖然同學仔佢地都係唔肯定，因為大家都係唔識解果個字，但大家都估同一個解釋。
結果第一條，a估中左！b都好肯定係計岩，c唔識。
第三條，咩都吹唔到......事關我唔係好知佢想問乜。
而且果課我無乜溫到，因為無諗過佢會番炒的........
再加上，係好眼訓既狀態下考試，個腦係實晒架。
放學，原本Elena約晒我地去食自助餐的。
但佢昨晚先發現，星期一至五係無得食的。
所以最後同Ling & Elena去左太古食Lunch~~
太古 Food Court d野食好貴，又唔包野飲，可惡。
又係果句，食完野，精神好多。
之後就決定去溜冰，不過睇下幾多錢先。
哈哈！今日特價$45，扺好多。
之後去左UNY買野飲，先再入去溜冰。
Elena唔識溜，我 & Ling 教佢。
不過Elena溜左幾個圈，就話唔想溜。
之後既時間，佢就一半用左黎溜冰，一半坐左係到。
佢話溜到隻腳掌好痛，一定是用錯力了。
我 & Ling 則繼續，不過攪到我地好似好衰咁添......
明天Elena仲要返馬會Placement，我地好似攪到佢痛上加痛添.......
結果我 &Ling 都唔好意思，溜左2個鐘左右，就走lu.........
之後去M記買雪糕，做完運動，有少少肚餓麻。
送Elena搭地鐵，再與Ling行吉之島。
太古間吉之島，d野食既種類，多過樂富果間好多。
Ling買完野食，就一齊返屋企了。
地鐵上，大家都好攰，大家一坐低，就打蓋睡了。
回到家，大覺訓！
我發覺，我同陸家健讀果科，又真係幾相似。
我有一半要讀既科目，佢都有wo~~
睇下！下面果d科，係我地2個都要讀的！
Year 1
Customer Service Management for the Hospitality Industry
Law & Ethics for the Hospitality Industry
Accommodation Systems & Operations
Year 2
Fundamental Marketing for the Hospitality Industry
Human Resources Operations for the Hospitality Industry
Service Management
Accounting for the Hospitality Industry
Year 3
Managerial Accounting and Finance
Human Resources Management
Marketing Mgt for the Hospitality
Service Management II
e-Commerce & the Hospitality Industry
P.S 星期四Ling, Elena, Jenny, Dicky果堆人會去環球，問我去唔去。
但我諗我都係唔去居多了.........成120蚊咁貴
而且去到都只係同Ling, Elena玩之麻，但佢地2個都話唔玩機動遊戲.......
另外咁多人，全部都隔離班既，有d都唔熟........會玩得唔夠盡興的........ | 
