情人節，佳人有約，哈哈！約左麗霞，返賽官Open day~~
原本約左1:30pm，但後來改左3:00pm~~
好耐無返過賽官lu，見返好多Miss & Sir。麗霞遲我一年走的，但我記得既Miss & Sir竟然多過佢。
不得不承應佢既無記性了.........連麗怡都認同！走左3-4年之麻.........
見到Miss Ng, 戴 Sir, 肥李, Miss Yu, Miss 翁, PE Miss.........
普遍黎講，大部份都仲認得我地！
哼！見到張Sir，一早同麗霞約定，要向佢示威呀！可惡！睇死永光！
話當年，佢成日同我地講永光點唔好，叫我地唔好返。
係另一個同學口中，又聽過佢話張Sir都話過佢間教會唔好。
間間教會都唔好既，淨係佢果間好晒！但佢教出黎既基督少年軍，唔見得係基督既精兵呀。
成隊基督少年軍20幾人，得果3個係基督徒(已包括麗霞)........何謂基督既精兵呀？
所以我非常認同的，當年帶左麗霞返教會，之後因為返教會&基督少年軍既時間撞晒，
麗霞就選擇離隊係一個非常明智既選擇！唔係我地提起的，初頭大家諗住唔理佢，點知佢自己走埋黎，
同我地講佢聽聞永光都有隊基督少年軍，問麗霞有無去做導師。無播，我地做緊少年團既助導！
我地要證明比佢睇，邊個話永光唔好的，我地不知幾成長！
好無聊，下面d攤位，年年都差唔多的，無咩睇。結果上左教員室門口企，睇下撞到d咩Miss & Sir~~
見到面既，就講2句，say 個 hi~~企企下，係變左我地2個傾計。
等等下，見到有學生㩒鐘，原來現在教員家咁先進，要按鐘找Miss的。
點知果個學生找的，就是麗怡。麗怡出到黎，就同個學生去左Music Room，完全見唔到我地2個。
所以我地就直接落埋Music Room找她啦！哈哈！返到黎，傾得最得最耐果個就係麗怡。
5月預產期，好期待BB出世呀。到時一定要約埋麗霞, Cindy，去探BB！
肥李 & 麗怡都問我地，點解唔約埋其他同學仔.........
我地根本無乜聯絡.........麗怡講得無錯，返親教會，出面都無乜朋友架啦。
約第一次你話唔得，第二次仲搵你咩。不過我地又唔介意wo，有得返教會係我地福氣。
唔敢同麗怡傾咁耐啦，企咁耐，佢會好攰的。
4點多，就走人lu，實在是大無聊了。還有這麼多時間，就去左世紀書樓行啦。
以前成日放學黎，但現在很久沒來過了。之後就返左樂富吉之島食下午茶。
乜都做晒，都只係6:00pm，所以就決定去$10店，再過埋摩士行年宵。
無野睇既.......得果10多個檔口.......不需10分鐘，就行完年宵了.......
返新堂~~
見到波波做份英文功課，竟然要整Broad~~佢同麗霞係到爭㘭，真係好好笑。
祈禱會~~
收到好多朱古力，謝謝！麗霞果個，仲要係自己整的。
Ben Lung問係唔係Brownie，攪到我又有少少心郁郁，想整Brownie添。
晚上，去左椰林閣。很貴........女同工們都唔肚餓，所以就share食左2份扒餐啦。
情人節有扒食wo！返到屋企先知，原來今晚屋企都係鋸扒。 | 
