今天是受難節~~
好開心nana真係返左黎，可惜見唔到佢呀。
真的感覺自己係不配，太多罪，太多埋怨了 ，但我都唔知可以點做。
又做左喊包添......緊排真係咩都喊一餐。
受苦節筵席，食無酵餅既時候，好似咬緊舊麵粉落肚咁。
無計啦，第一次自己整無酵餅，真係厚過頭啦。
哈哈，不過大家都係食晒d無酵餅，最叻係連果大碗既苦瓜都食晒。
之後就去雷達山行苦路~~
今次都係我返左教會咁耐，第一次去雷達山，亦係我第一次行苦路。
苦路中途，要孭起一個弟兄姊妹。我同阿珊一組，一定重死佢啦。
好攪笑，通常孭人果個，會紮定個馬，比另一個人跳上黎架麻。
咁我孭阿珊先啦，都無咩果wo~~
到阿珊孭我既時候，我叫佢唔好紮馬啦，佢紮到咁低，我驚我一跳上去會壓死佢。
不過呢個活動，真係好大感受。越黎越覺得自己，對唔住身邊既弟兄姊妹了。 | 
