昨晚一面做功課，一面流鼻水.......病了都無覺好份。
頂唔順，都係今朝訓醒再做了。
今朝一早起身做，走左堂普通話堂，無計啦功課又未做晒，呢堂又無聊。
Service Management 隔離班話唔駛上，者係我地班都唔駛啦。
所以就可以爭取多4個鐘頭做啦，馬不停蹄咁做，直至出門口，Lunch都未食。
返到去，上Marketing。好曳曳，無咩心機聽書。
聽左一半啦，大家不停係到研究同學仔既Assignment。
大家都話，從來都未試過好似今次咁，睇咁多英文資料架，竟然會借英文書且睇。= ="

放break，上左去 Rm339 print Assignment，好多人。
結果攪左超耐，一攪就攪左45分鐘了，堂都就快落啦。
終於KO左佢，安樂晒，今晚可以訓個靚覺了。

回家，頂唔順，個鼻仔不停流鼻水、喉嚨痛，所以走左去訓覺，哈哈！
晚上導師打黎才想起我未confirm，d 小羊交左通告未。
真係無鬼用呀，成日只係掛住份Assignment，竟然連通告咁重要既野都跟漏。
唉，要上心d呀，真的退步了很多很多..............

P.S. 1 昨天老豆仔幫我買左電腦啦，星期三會送黎，到時就有電腦用啦。
P.S. 2 明天氣溫急轉直下，氣溫會降到14℃，大家出街、返學、返工，記住著多件衫啦！^u^