今日有3隻小豬一齊去踩單車，結果曬到變左3隻燒膿豬！
一早見到出面仲有少少雨，就打電話去嘈醒2隻爛訓豬先。
哈哈，最後我地都係決定去到落雨先算啦。
無計啦，機會實左係太難得啦，今日唔踩，都唔知幾時可以再踩。
不過P實在係太眼訓啦，要訓多陣，所以我就同仔仔去大圍食個早餐先。
食完之後，P黎join返我地，就係咁開始我地既單車之旅！
上帝對我地真好，全程都無落過雨！
就係因為我地似住個天係陰天，所以無塗防曬。
咁就出事啦，就咁變左3隻燒膿豬。
入大埔既中途，食左舊透心涼的菠蘿冰，熱氣通通驅走。
哈哈，好人既阿姐，仲比埋冰涼既冰水我地洗手，真係勁舒服呀！
好白癡既我，見架車咁重，就細number啦，點知踩得好慢。
係大埔匆匆食過Lunch之後，就回程了。
哈哈，我竟然認得路，真是難得喲！^^"
因為 P & 仔仔 5點要返到新堂，所以我地就怒衝返大圍還車。
今次我醒左啦，發覺原來較大d number架單車係快好多的。
不過我都仍然係，3個裡面踩得最慢既一個，不要緊啦。
破記錄地，只用了一小時，就返到大圍，勁呀！
之後行過，買埋冰凍既豆腐花，食完真係好滿足呀！
下次我地一定要踩到大尾篤！~^^~
沿途真的非常感謝 P & 仔仔，載我個背囊2程，否則真係會熱死我。
我呢個白癡婆，熱死辣辣，竟然著黑衫、長褲去踩單車。
仲要咩埋個背囊，又帶埋褸，真係熱到死左......
返到新堂，無野做，就睇佢地團契Rehearsal啦。
晚上返同工班~~
「耶穌唔將自己交比群眾......」，好耐好耐之前，Only都教過我 & 煒濤的。
但我聽左2次，都只係明左80%，此終有少少野諗唔通。
真係要好好查下呢段經文先得！
| 
