Natalieの日記
回憶......

 

 

137 days until my 21st birthday

 

 
hopenatalie : 個人主頁 - 相簿 - 訂閱  [ QOOZA - 論壇 - 登入 ]
 
hopenatalie

暱稱： Natalie
性別： 女
國家： 香港
MORE...

«‹ August 2026 ›»
SMTWTFS
1
2345678
9101112131415
16171819202122
23242526272829
3031

:: 最新日誌 ::
•崇拜Rehearsal
•Sunday
•Friday
•E-Tourism Assignment
•2007~ByeBye!


:: 訪客留言 ::
 
最近三個月尚無任何留言



:: 我的好友 ::
 

:: 日誌搜尋 ::
 
 
2007 年 5 月 8 日  星期二 晴天
山藝

今日上Accomodation，Mui & Venus都無返，Elena果面又無位坐，
所以只好坐佢地後面果行，自己一人坐，真係悶死我啦。
今堂教水管，悶......
好不容易終於落堂，同Ling佢地去食飯，又是蕃茄湯飯，正呀。
只是略嚴貴左少少，都係間唔中食下好啦。
Ling,  Elena & Dic佢地下午唔上堂，要去Ling屋企，拍普通話段片。
所以又只好自己一個行返學校，幸好返去Mui & Venus都返左黎啦。
去左CILL坐左一陣，就去Rm401補返上星期二果堂Accomodation。
上完之後，Miss就講預備左個talk，叫我地落018聽。
大家咪好聽話咁，落晒去o羅。
點知落到去，我地先發覺得20個位，其他比year 3坐晒。
我地最少都有50人啦，點坐呀？原來係career talks黎的，比佢騙左我地黎......
本來都無咩架，不過佢早d講麻。大家都諗住去聽，去到就無位......
結果大部份同學見得頭2行，就走左無聽。
我地選擇聽，就只好被迫坐頭2行了。
嘩！不過真係唔聽唔知，真係學識好多野。
話就話我地係讀Hotel and catering，但其實我地呢方面既知識都仍然係好少。

放學，無野做，所以去左鑽石山行左陣。
好放肆地，食左個雪糕+薯條，哈哈哈！勁好味呀！
行返永光，晚上上一級山藝。
意外地見到碧梅、伊莉，還有Elaine~~行山同黃麗華一組。

晚上回家，竟然遇上塞車，因為前面發生車禍。
咁夜，仲要塞車......不過幸好我有個好媽媽黎接我，哈哈哈！

發表時間︰2007-05-11 12:56 AM  [ 訪客留言(0) ] [ 編輯日誌 ] [ 分享至FACEBOOK ]


2007 年 5 月 7 日  星期一 晴天
普通話Interview

今日好比面個普通話Interview，一早起身化妝。
真係好熱鬼死呀，大熱天時要著Suit。
不過今日Interview，我覺得自己表現唔錯架啦。
只是Miss都唔係跟評分標準比分既，早知就唔化妝啦。

哈哈，著Suit入果個凍到好似雪房既Lecture room剛剛好。
Lunch，出左去吃KFC.......嗚嗚嗚.......瘡瘡呀，救你不要找著我吧！
Marketing，非常比心機聽書。
Service Management Seminar，我知道同學仔們個Presentation預備左好耐架啦。
不過真係有dd悶.......
哈哈哈，我地話下星期到我果組Presentation，無人會聽，因為Presentation完之後要MPCC Test~~

比心機呀，過埋呢2個星期，一切功課就結束架啦。
只餘下1份Assignment + 2個Presentation + 1個Test咋。

11/5 Marketing Assignment
14/5 Service Management Presentation
14/5 MPCC Test
18/5 English Presentation

竟然2個星期內，要著3次Suit......

發表時間︰2007-05-08 12:53 AM  [ 訪客留言(0) ] [ 編輯日誌 ] [ 分享至FACEBOOK ]


2007 年 5 月 6 日  星期日 晴天
Sunday

一早起身煮早餐，手腳慢左d，遲左少少。
搭地鐵又撞到惠君wo，好似個個星期都撞到佢咁既。
返到書院食美味既早餐，哈哈哈。
家祈，想起了她syy...
之後摺花for mother's day~~
Lunch，Jusco是也。
外賣去左康強園籃球場食，慶祝埋阿Sa生日。
Cell聚之後，好趕咁趕返書院，剛剛好3:59pm到。
家同工開會是也~~

又同怪獸公司主席-怪~~~~一齊走啦。
沒事幹，又是等電話，去左買魚丸子吃。
再過新堂買她至愛既Lemon Tea，閃人lu~~

屋企人自己去左睇蜘蛛俠3了，我無得睇......
要找日去睇先，有邊個想睇呀？
同屋企人去睇電話，我要換電話了....邊部好呢？
Sharp SX633 好唔好呢？
晚飯後回家，要匆匆預備明天既普通話Interview啦。

Sa 生日大大大快樂！

發表時間︰2007-05-08 12:51 AM  [ 訪客留言(0) ] [ 編輯日誌 ] [ 分享至FACEBOOK ]


2007 年 5 月 5 日  星期六 晴天
Saturday

中午返左去，幫豆豆手教摺花。
今日Cell多左寶珠個細佬 & 一個30多歲既親戚，返左黎。
佢Aunt係從大陸來港旅遊的，初頭佢話佢自己周圍行下。
佢咁大個人，就由得佢啦，我地都只係等緊新人者。
點知到上去團契，都唔見佢返黎，就開始擔心，因為佢無電話的。
係永光搵極都唔見，所以就出去找，原來佢去左隔離個公園........
上去團契，諗住企紹下d野比佢聽啦，點知佢掛住傾電話。
因為佢係傾左勁耐電話，傾足半場團契，最後我都係選擇睇返cell好過。
佢一傾完就話走lu~~咁就錯過左比佢認識耶穌既機會啦。

好攪笑，要砌橋放鞋，我地最後放左29隻鞋。
見到大家好投入玩，D鞋跌大家係擁埋去救d鞋，哈哈！好開心！
團契完左，就去拿袋啦，點知搵唔返把雨傘。
嗚嗚嗚，周圍找過，都找不到。
平時忘記攞，就找得返；今次明明記得攞，竟然唔見左。
開Cell，都攪笑。

之後去"搭"崇拜程序，今次係勁多張紙。
前前後後有成10張紙，唔係10頁，係10張！
整到7:00左右，就KO左啦。
之後等阿珊去買野，臨走時上去找幹事，問下見唔見我把遮啦。
點知又比我搵返，哈哈哈！次次都死好命！^^"

同阿珊去行突破+買早餐~~
忍唔住，買左本《耶穌迷》！

發表時間︰2007-05-08 12:49 AM  [ 訪客留言(0) ] [ 編輯日誌 ] [ 分享至FACEBOOK ]


2007 年 5 月 3 日  星期四 晴天
趕功課的日子2

趕呀趕呀，結果今日返學前，都係做唔晒。
不過唔駛驚，正常係明天先交既，只是大家說早一天完成佢，可以返學校combine埋份project佢者。
晚上又係繼續趕功課.......

發表時間︰2007-05-08 12:45 AM  [ 訪客留言(0) ] [ 編輯日誌 ] [ 分享至FACEBOOK ]


« | 33 | 34 | 35 | 36 | 37 | 38 | 39 | 40 | 41 | 42 | ... | 117 | »