今朝約左Emily、仔仔係彩虹等。
難得我早到，事關架van仔好似識飛咁，用左10mins就到了彩虹。
等左陣，就見到Emily啦！行先~
返到書院，時間剛剛好，仔仔亦都好快到埋。
早餐，吃月餅！哈哈，有傳統月餅，又有冰皮月餅。
崇拜，突然諗到邊到有認信既英文版，上年既祝聖禮咪有o羅。

崇拜後，上左去7/F photocopy 歌詞，竟然按制。=="
後來才知道，新翼原來有速印的，真的不知道。=="
團會，返小學遊戲，倒數50-1，每人可數1-3個數字，最後數到1的要分享。
之後就到導師助導分享了~~
次序是：吉昌、Fax、我、仔仔、波波、Panda
好正耶，是大家親身既經歷！
大家都超時，成1:30先放Lunch~~

趕去大快活買野食，大家真的好快手。
返到書院，見到牙刷、鋼牙、Panda仲排緊隊買野食。
哨牙則在我地差不多食完既時候，先買完外買返黎。
上去召集日lu~~
睇Film，關於德蘭修女。
其實都好好睇呀，不知為何這麼多人會睡著的..........
同之後睇過既一本書差不多，都係講德蘭修女既一生。
《仁愛之師－德蘭修女》，是以前助導借比我睇的。
以前秀雯睇過呢本書之後，就比左好多有關德蘭修女既野比我地睇。
其中一樣，就係呢本書啦！

之後就整家同工祈禱會~~
竟然有西餅，慶祝10月份生日既同工。
還有導師們帶回來既手信呢，很多野食呀。
之後就祈禱會~~
完了，大板牙同工聚左係到唔散，
最後竟然等等下，大家一齊唱歌送比波波！
哈哈，一連唱左好幾首，其中一首係無助導就唱，真的是得久以前的歌呢。
唱唱下，連Panda都攪掂lu~~
豆豆問我，有無 send card 比 Wai To~~
哈哈，我咁醒，星期五晚已經 send左啦！我又點會漏左佢呀！^u^
散啦！回家~~

打邊爐，好味道！
婆婆佢地又黎左打麻雀呢！

P.S 1. 大隻妙約左我禮拜二食飯，好開心呀！
      2. 之後團同工都有約，不過我明天唔得，要陪屋企人，日期待定。
      3. 激光聚約左咁耐，終於約到啦！16/10 7:00 旺角MTR見。

今日cell約左12:30~~
點知個個唔得閒又唔出聲，結果.........
上左 7/F 找仔仔~~

開Cell，嚴重既預備不足。
真的不可以再有下次.........
團契，玩猜燈迷，New牙、牙刷贏了。
大家都很聰明噢~~
不過我地真係完全聽唔到，贏左獎咩.........
主席好細聲，我地都唔係好知道做乜..........
最後問左一陣，竟然都無人知道，只好大大聲問主席。
原來是獎嗌口號！

與仔仔找Pauline傾野。
之後就出發去Emily屋企lu~~
去到彩虹，仔仔話要買d野，叫我地去先。
好大，去左佢阿哥間房到玩。
Emily屋企，竟然有drum set！
原來Emily打鼓好叻架，我地個個做晒佢 fans 啦，哈哈！
沒多久，仔仔佢地到啦，Emily出去接佢地。
我地則一面玩影子戲，一面等。之後又玩左?棉胎。

到齊啦！玩左陣，就去吃晚飯了。
等呀等呀，等左好耐先有野食..........
返到去，以經無乜時間。
Emily & Tina 落左樓下，點知Tina無端端走返上黎，
講同Emily鬧左交..........
所以仔仔就落去找Emily，我則留低陪Tina~~
點知.........點知原來被騙了！
仔仔落去找Emily是o羅蛋糕呢！
好開心呀，謝謝各位！

之後就落左樓下食蛋糕~~
中途還落左碼頭一陣，係屋企裡，竟然有碼頭........
有好多魚仔呀，星空亦都很美，可惜影唔到相呀.........
差不多就回家了！
因為Emily有2架單車要踩返屋企，所以我、仔仔就留低，
送返Emily返家，再出來。
最後，我地帶來既月餅、螢光棒還未玩過、食過..........
哈哈！同仔仔出返黎既時候，一人2支螢光棒玩，好攪笑。

回到家中，竟然又有蛋糕。
爸爸、媽媽既朋友佢，歷史性地買有個蛋糕，
慶祝10月份生日既人，有5個呢！
切完蛋糕之後，我真的吃不下了，還是留返比其他人吃吧！

祝 阿芷、煒濤、柏年 生日快樂！主恩滿溢！

今日返學，上1:30 Account~~
不太難，只是有些快，不過呢個miss，教得好過阿sir~~
上HR，寫Objective，沒有教過什麼。
FO，去了print notes，但左Webct上找不到，原來係Lecture份Notes.......
放學，做埋Account功課，走得。
去左009蓋印，交八達通張野。
之後見到Jenny、Plus，打比Ling，原來佢地買緊Name Tag~~
叫佢幫我買多個，左去埋3/F拿 Yum Sic Association 既 Form~~
同Ling、Elena一整走，又聽左好多Benjamin既事...........
好得人驚耶，真的不知過他的問題在那...........
竟然問我地d同學仔，可唔可比佢錫............超有問題...........
唉.......算罷！我諗佢都好難升到year 2，機會係低於10%...........
回家~~

晚上去了和爺爺吃飯~~
好味道，回家！
婆婆來了打麻雀呢！
整晚也沒玩過燈籠、螢光棒，連月餅也沒吃過！
真的一點也不像中秋節。
不過我相信明天Cell聚，一定會好開心的！

今日係最後一次返馬會啦！
去到銅鑼灣，搵埋Ling，就一齊返工。
返到去，發覺d枱好麻煩，迫住晒.........
間房好Full，又係全層最忙果間房啦...........
之後又要分dish card and silverware~~全部我+Winnie做晒.......
5:30 食飯，11/F太多人啦，所以比人叫落7/F食。
點知芳芳講去羅野，唔見左人，最後當然係個仔去搵佢啦。
Busy at the begining，所以比左個仔過黎幫我地手。
阿傑過左黎，就唔願返去。
佢話果邊好悶，呢邊就唔同，大家會傾下計。
哈哈，所以我地有時就裝作好忙咁，咁個仔就唔駛返過去啦！
今日開左7支酒，其實整體唔算好忙。
其實大家抹銀器都算好快架啦，但唔知點解都放12:40~~
歸跟究底，應該係廚房個阿姐，洗得慢左..........

今日返9:30~~
原本諗住早d返去，借LabTop的，
不過遲了，好彩Mui借左。
上堂Miss話下堂開始，9:40就會點名，遲到的唔點............
超無奈...........遲到好過無到呀麻..........
咁豈不是，遲到唔返好過，特別係普通話呢堂..........
普通話由下堂開始，就會有個唔知咩presentation"講笑話"。
都唔知咩黎架？？？好彩31/10先到我。
之後就2個鐘既英文，無乜特別。
教complain letter~~

1:30，Sawasdee Dish Testing~~
我幫手個Section無乜野做，好得閒，其他Section都差唔多。
我幫手整Veg. & Dessert，都係行行企企咋。
我地廚房 Res Team 真係無咩做.........
以下就係我地班既傑作啦，慢慢欣賞下啦！

 
↑Pork Neck with Chilli Sauce                                                   ↑Green Papaya Salad (青木瓜沙律)

 
↑Spring Rolls                                                                                   ↑Sour and Spicy Shrimps Soup (冬陰公湯)

         
↑Steamed Gray Mullet with Sour and Spicy Sauce                    ↑King Prawn with Lime Curry Sauce

        
↑Roasted Duck with Lychees in Red Curry Sauce                    ↑Sticky Rice with Mango (中間舊糯米飯，加左椰汁超好味！)

5:30就 FO Assessment~~
大家做到發癲了！
係果間房係上唔網的........
但佢有d位又得wo，激死我地啦！
無電腦，只好發晒狂咁打電話比人幫手啦！
今日5:30-6:30，打過比你地既，唔好意思。
事關時間緊急，所以問你地問得好快，知道你地唔識，
就立刻掛線，找過第二個.........
唉..............鬼叫我地組得3個人，咁蝕扺咩！
結果，只有我地一組，奮戰到最後一分鐘，其他組已經走晒lu~~