今日如堂返學，不過都係返遲左一個鐘........曳曳耶！
完全唔知阿 sir 講乜！
FO，Lilian見到我地不停係到抄，都唔覺得奇怪。
到我地叫佢慢d，未抄完，佢先問點解要抄。
原本到果時，佢先知道我地print唔到最重要果part既 note.........

放學，返左屋企。
晚上激光聚..........可惜很多人唔係要返工，就係病左黎唔到。
芷、細...病了！
華豬、Carol、Rebecca...返工！
寶珍...做功課！

最後只有婉玲、君、Manna、Fax、Mr. Siu、楊國偉、軍佬、Me~~
去左芝士屋食，男士們食唔飽。
之後去左許留山，再去M記..........
不停咁食，好恐怖呢！

回家lu~~

哈哈，今日約左大隻妙食飯。
不過我要做晒d功課先行得，所以遲左少少。
去到東港城，Cindy未到，等左陣就到啦。
去左和民食Lunch~~
叫左杯甘筍芒果汁，好好味呢！
呢餐又係Cindy請，真的有點過意不去。
點解好似佢次次約我食飯，都係佢請的？
下一次，我一定要請返佢食至得！
哈哈，遲多個月就到佢生日！
食完之後又收到禮物，謝謝導師！

↓係好靚靚既Kuromi月曆+大口仔咭咭！

導師，你真係好...........唔識形容。
次次見親你都係講果d野，就連張咭都唔例外！哈哈！
不過睇黎，你更加比我有需要，哈哈哈！

2007年都未到，就收到好多月曆。
我一個人都唔知點用........
不過真係個個都好靚！多謝晒！

↓呢個係我媽咪送的 My Melody月曆！

食完飯，連和民都有禮物送比我地，因為做緊promotion，
食Lunch就有野送。
佢竟然送左 2 set 野比我地，裡面有盒髮泥、洗面奶、潔面紙。
佢應該係for男仔用的！
得物無所用！送左比個女同學仔lu，佢話佢拿去送比佢d朋友。

返學，上HR~~
之後 1 hour break~~
我地用左黎傾 A & E~~
上Account~~今堂好易過！
不過又激死我啦，Venus竟然唔知要做功課，今日交........
上第一堂Account咪講過，每一堂都要交功課，一早話晒比我地聽做邊的。
今次已經係我地第3次交功課了，你都仲未知要做？
唉，結果佢就好似借左Mui果份，抄左份就交啦.........
無話可說..........
落堂派返上2堂既功課，佢 & Mui係知道的，
但竟然唔拿，話下星期先拿........走先！
差幾多呀，差果幾秒都唔拿..........你地又唔係趕時間。
又要班長幫你地keep住..........真的辛苦了班長！

【明報專訊】對於迷信的人，即將來臨的星期五將是「很可怕」的一天，
因為它除了是13號「黑色星期五」外，年、月、日每個數字加起來也等於13，可謂「雙黑」之日﹗

無論是13-10-2006或2006-10-13的日期排列法，數字相加都得出歐美迷信的13不祥字數。
而2006年亦是繼1411年以來，第13次一年兩度出現「黑色周五」﹕除了本周五外，另一日是2006年1月13日星期五。

德國亞琛科技大學物理教授黑默並不迷信，但他意外發現了這組日期數字的奧妙﹕
上次出現日期總和也是13的星期五，是1520年1月13日。到了2011年5月13日，剛好亦是「雙重」黑色星期五。

一篇頗特別既新聞，唔知你地知唔知點解外國人會覺得，13是不詳既數字呢？
我都係上個星期才知道，我個Miss仲要問我地，話基督徒/天主教徒應該知道的。
但我當時真的不知道為何！

原因係因為最後的晚餐時，耶穌+12門徒=13，之後耶穌就死了。
所以外國人會覺得13是不詳的數字。
當時我既反應係，就係因為我係基督徒先唔知。13=不詳是迷信呢！
又唔見d人話，13=好兆頭既？
因為最後的晚餐後，耶穌+12門徒=13，之後耶穌就死後再復活！
哈哈！耶穌係復活了，並不是死了呢！