今日好乖乖咁，成日係屋企溫書書~~
Front Office，努力呀！

今日返工，返4:30~~
4:10返到去，已經無Locker la~~
唯有搵人孖Locker啦，好彩見到 kiki~~
大家做埋同一層，可以一齊放。
到時就唔駛話，邊個等邊個啦！

同師姐Natalie做埋同一間房，好野！
仲有個男仔架，唔知叫乜名。
佢成日都走左去唔知邊到，唔做野............
後來我地先知佢走左去09，一講，個個都估到咩事。
唔理佢啦，還掂平時都係得我同師姐架啦！
初頭大家都以為亞傑無返，中途先見到佢。
原來佢比人調左上8/F，中途落黎偷野，哈哈。

今日轉左個Organizer，今日果個好好多。
有講有笑，終於明白點解佢地個個都咁懷念呢個Organizer啦！
真係煩，都唔知點解次次見親果個客，都會有問題出現架。
今次係無佢既Booking，我地唯有當佢walk-in啦！
之後又有一枱客話，佢地有證明，話係包紅酒。
都唔知做乜，由師姐攪掂佢地。
另一枱客一入黎就好無禮貌，又話唔滿意坐角落位。
唔關我地事，果邊係你地個Organizer編架。
都唔明點解話果個位唔好...........
從來都未聽過有人話果個位唔好架！
Oh..........係背後聽都有其他客細細聲串佢地果班人。
中途果班客其中一個自己走左過另一面，叫個仔同佢D Friend講，
叫埋佢地過黎。
我地彩佢都傻，叫個仔同佢講唔得。
明明間房分開左2半，另一面係第二個會架麻，
你點可以聲都唔聲，就咁走左過去架。
況且你係熟客我地都講諗下，當睇唔到呀！
但你地又咁無禮貌，唔得呀。
仲有呀，你地食左一半先話轉枱，我地又要做多好多野。
唔可以，費時一陣captain話我地亂咁比你地轉枱。

好彩咋，原來IVE Year 1係可以選擇性OT架！
佢地話下一場跑馬地，要清晒D野。
快則OT到12:30，慢則要1:00a.m.
唔係掛，無車返屋企呀！咪攪！
原來下年，我地呢班IVE，就會轉$47/hour~~
唔錯，下年返黎抄夜馬都唔錯，不過到時再算啦！

超快既速度返到屋企，12:35~~
今晚最衰要返工，上唔到查經班.........
唔緊要，我有好同工，會教返我既！
hehe，太好啦！

今日原本唔駛返學架，D野係可以上網做。
但點知個webct唔聽話，Miss整極都整唔返D野上網，
結果我、Ling、Daniel，就要返學校做果份Front Office Online Test啦！

岩左39/50，可以啦！
國為有預備，所以用左超快既速度做完。
若果考試，都可以有咁既成績，咁就Very good啦！
唉........不過機會好微，對自己無乜信心。
努力呀！

Lunch，約左大隻妙導師食飯。
哈哈，太好啦！咁近我屋企！
我就黎放假，等我多D陪下你食飯啦！
好野，佢都想游水wo~~
咁睇黎，遲下有人陪我游水啦！
之前搵極都搵唔到伴，好慘架麻！
等我練好D水，左約小羊你地啦。
我驚我游得咁差，導師會唔批呀！
此終游水有一定危險麻..............

又慳返$7，行返屋企。
好熱呀，我真係受唔住啦！
走左去隔離個泳池游水~~
哈哈，成個泳池得我一個人咋！
而家先發覺，原來我游水真係好差...........
係到諗，如果有一日，我遇到海難，我一定係第一個浸死.........
哈哈，係咪諗埋D無聊野呢？我都覺得自己係傻架！

返到屋企，洗個靚白白，好舒服呀！
溫下書，睇下炸彈人。
感覺好似，成日無乜溫過書一樣。
由下午至晚上，都是電話不離手...........
簡直係馬拉松式地傾報告+報數.............
不過唔緊要架，我相信黎緊一定會好精彩架！
真係落左好多好多心機架！

今日一早，要返學校考試。
唉，尋晚溫到3點幾，撐唔住，訓著左。
今日一路做，就一路打搕睡，真係大獲！

我竟然將Teleology & Deontology兩個Theory攪亂左！
慘啦！都唔知要扣幾多分！
希望佢扣一、兩分好了。
因為除左個Theory名錯左，下面D野全部都岩架！
唉！真係覺得自己傻，竟然走去溫呢個Ethics...........
主要溫Contract 或者 Law of Tort 咪好囉。
算啦！唔理啦，呢科都考完啦！
這科只求合格............
但Front Office唔同，我想成績好少少。
Customer Service就更加想啦！

考完試，同左Ling, Rachel, Jenny, Germaine, Daniel, Lok, 大Wing，
去果間唔記左乜名的餐廳，食咖喱。
差左，D咖喱無以前咁好食，D service都差左好多好多！
加2蚊有TCBY雪糕食，好味！
我地差唔多食完，Anita, Brian, Elena都黎啦！
咦！仲有一班Miss, Sir wo~~

食野既時候，大家竟然童心未憫。
係到講返以前細個D卡通片，哈哈！
有美少女戰士啦、休遊白書(我未睇過)、男兒當入樽(都未睇過)。
Daniel提出，婚紗小天使，對對，好睇呀！
只是無諗過男仔都鍾竟睇。
討論得最耐既，就係叮噹。
大家都最喜愛叮噹的隨意門，哈哈！
到時就話去旅行就去，泰國、日本，哈哈！
還討論叮噹的結局，對都係得一個結局令人滿意。
另外2個結局，簡直係將我地一路的幻想打沉.........

講講下，又講下6月13日我地班考完試之後，
去邊到燒野食，落雨點算。
之後，就到Jenny教游水，大家游乾水wo~~哈哈！
Jenny係到講話觀塘泳池D衰野，都係將軍O好d~~
再講下講下，又說到，我地班有6-7個人，
一齊報左團，去泰國玩，$2000幾，玩5日~~
大家都返實習，真係唔同D！

食飽飽，Ling, Elena & Me 就去搭地鐵返屋企lu~~
Elena唔好行咁出啦！
哈哈，我同Ling見到地鐵黎既時候，
都feel到Elena行得出過頭，以為Elena想做乜，
我地2個既刻扯住Elena，好攪笑！
上到地鐵，大家竟然即興話想睇海神號。
其實我都想睇，但現在考試wo~~
但現在唔睇，考完試我地都唔會約出黎睇，
因為大家住得太遠，一個西貢，一個觀塘，一個元朗~~
到時想睇既時候，就好難搵人倍自己睇。
所以，我地就好曳曳咁一齊去左睇戲啦！

去到太古2點，初頭我地都諗要等幾耐先有場，
點知剛剛好，2點10分有一場，正呀！
時候剛剛好！
好睇，好刺激！
成日將自己代入左入去，係到諗若果係我，
我當時會點呢，哈哈！
大自然的力量，真係驚人。
一下子，就可以死咁多人。
睇完戲，就返屋企lu~~
大家要乖D啦，仲有2科，努力呀！

去到坑口MTR，行返屋企，慳返$7~~
不過好熱，行到返到，已經出晒汗！
突然好想去游水，不過都係想睇叮噹多D~~
明天早上先啦，聽日又唔駛返學！

點知再上webct，做果個online test，
都係唔得。打比Lilian Yip，佢竟然問我地明天10點返去做得唔得。
唔係掛，特登返去就係為左做呢份野..........
沒有選擇的情況下，我們只好接受............
真係有D衝動想同佢講，我地已經羅晒料，
知道你份卷既問題，自己做晒答案架啦，
不如send比Lilian Yip~~
不過最後當然無咁講啦！
雖然佢都預左我地會Print Screen架啦！
唉..........看來要打消明天的游水大計了！

哈哈，昨天才與Gini說想搵Cindy導師~~
今天Cindy就打黎約我明天食Lunch，太好啦！
又可以與導師傾計計啦，哈哈！
暑假要約下人祈禱先至得，好耐無約過啦！
對上一次就已經係Cindy約我祈禱果次啦！

好眼訓，要一早起身返工。
今天要轉sky blue的眼影啦！

做30A，但食完飯，又比人轉左去34，
之後又有隻叫我幫35...............
又無我份放早.........
仲等我諗住，今日我應該有得放早添，
人家明天要考試呀！
China Box的人，食野真係好污遭.........
放工不錯，8898~~

回到家，諗住做Front office個online test啦！
點知上到webct，發覺唔見左！
點解會咁架...............
只好與Ling，一同send e-mail 問 Miss Yip 啦！
努力呀！明天要考Law and Ethics

今天，有人問左我一個問題。
點解有成日都可以咁開心？~~
點解呀？
開心又係咁過，唔開心又係咁過，咁我緊係擇開心啦！
係，每個人都有唔同的事要面對，但只是看你如何用喜樂的心去面對。
我都講，上年導師果一句，我仲記得好清楚，並且我要將它實行出來！
「瘋狂快樂，幾困難也快樂！」
將自己困在死胡同裡，事情是不會改變的！
上帝教我地，要有盼望麻！
我諗上年，我雖然過得艱難，但學懂了這個道理。
亦鍛煉了我成為個更堅強的人。

亦因為某些原因，所以我好仲意呢首歌

(在晴朗的天空下)      詞：林夕  Repeat * *

張開眼睛　—扇暖暖的窗　驅走這赤地裡的荒涼
從大地頭上　初昇的朝陽　照出一個永遠方向
懂得愛心　知道怎麼分享　不枉愛過活過這一場
誰亦是同樣　奔波於驕陽　人潮從來沒有築牆

* 合唱：  人和人年和月都太類似　無論怎麼都只活一次
晴朗的天空中找到生息的真義
人才能無悔舊時

合唱：在人潮和圍牆下只要願意 憑著一雙手總是可以
睛朗的天空中　跨過彼此的疆界　連潮流亦會轉移 *
一早決心　將我愛笑的心　感染世上愛哭的人
曾立下宏願　可不可都能　唱出真正壯闊聲音
關心眼光　彷似最美的燈　終於會照亮遠方的人
如未盡全力　怎麼可消沉　能抬頭凡事也可能

哈哈！雖然我是一個愛笑的人，但我也很愛哭。
我是個很眼淺的人來的~~
但還是可以用愛笑的心，感染其他愛哭的人！
所以........一早決定了！

唔知你地有無聽過呢首歌呢，我日記個音樂就是了。