今日返學，大家都諗住要上3堂，
但最後返到去，大家才知道有2堂都唔駛上。
1:30就放學lu~~
去左食lunch，然後自己一個去左旺角行左一陣。
之後就去土瓜灣探爺爺。

6:00返到新堂，大家都係到練急救。
原本話要book BBQ既野食，個因為沒時間所以無去到。
考急救``
好淺，但最少錯左2條............
CPR抽到Ann，好野！
包紮，都好易者，應該pass啦！

Cin姐考完，竟然走左先...............

01*傳俾你既人係邊個?   游聲波(應承左你好多日啦，而家先填，sorry！) / 娜娜
02*佢同你既關係?    好好同工 / 乖乖小羊
03*寫出你對佢既5個好印象?　柔順、攪笑、有愛心、可愛(傻)、斯文 / 乖乖、有愛心、可愛(傻)、關心人
04*佢同你講過最深刻的說話?  集齊10個叻，有禮物(你話d人成日唔記得麻，咁我記住囉！) / 你究竟明唔明架！
05*咁佢有咩野要改改?   唔好經常病 / 幾困難也快樂，瘋狂快樂(這句話是從前我導師贈我的)
06*如果佢變成你既敵人,你會對佢做咩?  愛佢地更多，因為上帝要我地愛仇敵麻！
07*咁佢咩野令你咁憎佢?   就係因為無，所以更加愛佢地，哈哈！
08*你覺得佢有咩長處?   柔順 / 有愛心
09*依家你最想佢對你做既1件事?  同我補急救(因為我補唔到急救，你答應教返我架！哈哈！) / 幫我做返一份啦
10*對傳這份卷給你的人的印象?   柔順 / 可愛
11*你覺得周圍的人認為你是怎樣的人?   經常遲到.........
12*自己喜歡的個性是?   做事有條理, 開朗
13*相反的,討厭的個性是?   粗心大意
14*自己想成為的理想類型是?  每樣事都能兼顧(包括事奉, 工作, 學業)
15*給關心自己,喜歡自己的人大喊1句吧?  你地個個都好可愛呀, 我好愛你地!上帝都好愛你地架!
16*把這份問卷傳給你最想知佢地對你咩感覺的15個人? Katray， Savio， Nana， Boey， Gini，星雅，Ben大佬，玉清，遙，美雁，＋莉，美尊，頌欣，吹蚊　^u^

今日，終於到我地果組Food Production Presentation~~
唔知Dominic會唔會不停咁問，死都唔放過我地呢？
好緊張，一朝早，就好努力係到背稿。
背到癲呀！有成大半張紙要背，全英文。
話咁快，就開始，好緊張！
講到完全唔跟稿講添，仲要講到好窒。
哈哈..........Dominic，我地做足準備功替架麻，
點會咁易比你問到口啞啞，掂呀！
你有無聽架，我講左架啦。
我諗都係因為，我無照稿讀，所以講得唔夠清楚。
個腦完全係轉唔切，好彩我地都好謹慎咁估過Dominic會問我地d乜者！
比我地估中左，佢真係問果條，哈哈！
無難度，過關！
之後到其他組員，Plus好厲害，解決到Dominic的問題。
Good ar，Food Production Presentation順利過關！
Joyce話睇到我地d分，Joyce、Me、Plus 7分，Lok、Genie 6分~~
Make-up class：Customer Service
3 hours break
去左柴灣椰林閣，就咁度過左2 hours 多dd~~

4:30上Law & Ethics
開始教Ethics啦，好難明~~
放學後，回家lu~~
真的很難得，咁早可以返屋企，太好啦！

母親節快到了，真係要諗下點同媽咪過！
想請佢飲茶，但要看看時間啦！

今日終於到了交通告的死線了！
Year 2 Placement，真係做又唔係，唔做又唔係。
最後選擇，都係唔做！
若做Placement，下年就要星期一至五返學，禮拜六、日返工。
第一，一定返唔到教會
第二，會超辛苦，無時間溫書
但另一方面的好處
第一，只需一個月返8-9日，但人工可有$2000右左
第二，對於第二時搵工，一定很有好處
第三，要入酒店做，無人介紹，就一定要靠學校

說真的，若果不是因為要返星期六、日，可能我會做的。
所以，Year 2我就要自己搵工做啦！
唉...........呢一行，要搵唔駛返星期六、日的，都幾難。
但............我相信上帝會為我安排架！
我係唔信，做呢行的人，都唔返教會！
要返，上帝唔會唔比你返架！
真的要為這呢件事認真祈下禱啦！