今日好開心呀！
一早約左人，溫英文，我遲到.........
點知有人仲遲過我，算啦！自己溫........
之後游波波返到黎啦！
陸陸續續3 cell都有人返黎！
結果11:45 New 牙終於等齊人啦！
大家都要接受第一關大測試...........背New 牙Cell歌！
考官--Ben
考生--Natalie, 敏欣, 星雅, Pauline
點知第一名係...........陳敏欣wo~~哈哈！
不過都好，唱多幾次，大家終於都識背啦！

諗Cell舞，真係好攪笑。
D動作笑到我地，唱唔到！
尾二個動作，真係好核突，兼攪鬼者！哈哈！
New 牙Cell有Cell舞啦！好野！
同哨牙一齊開cell~~
哈哈，比我偷拍左你地戴口罩個樣啦！哈哈！
今日，Tony帶左個新人返黎呀！
團契........眾裡尋"他"？
哈哈，估唔到我眼力都幾好播！

栽培班........
Cell聚..........
嘉莉.......對唔住呀..........
蛋蛋好慘呀！我點解會變成殺蛋兇手架...........

無時間lu~~
聲波、吉昌+Noel過去新堂先，我就要等Panda羅張邀請咭呀！
點知Panda無帶........記住呀，星期一............
否則................ 人家等住請假的.............
去竹園接細佬，之後返新堂。

上到去，好攪笑。
佢唔肯入，要亞豆叫佢入。
入到去，一坐入果個死角位，比牛牛叫佢坐出黎羅。
唔知牛牛黎咪對細路對得多呢，咁都比佢隨口講，都講到理由。
可惜，我細佬都唔弱！
唉，算啦！就係咁，見到自己團留左位，都唔坐得.........

一排位，波子就走過去！困住左佢~~
仲有婉玲、席，哈哈！
都好，仲記得婉玲！
唔知佢仲記得邊個呢？Dia？謙？簫翰林？煒濤？亞細？
比子樂話我困住我細佬囉，唔係呀！係波子呀！
睇左陣，就同婉玲走lu~~
明天也是婉玲的重要日子喲！記得影相喲，哈哈！

走的時候，好奇怪！
做乜咁引人著目架！個個都係到Bye Bye...........Natalie個細佬，哈哈！
Cindy走左出左黎，問我細佬記唔記得佢係邊個！
哈哈，呢2個紅豆團導師，真係好得意！
咁又係.......果陣時，係紅豆團裡面，有邊個唔識我細佬呀...........
係曳到個個都識佢！
以前秀雯話，未做我果Cell的助導之前，係唔識我架，但識我細佬.........
唉！我諗而家只有踏單車、游泳，先可以吸引佢返。
星期六，佢唔係學呢樣，就果學樣..........
哈哈，出到去果時，仲見到Dia, 經緯, 蘇文亮呀！
喂喂！細佬仲記唔記得Dia，果時你成日同你玩個播！

同婉玲Confirm左lu~~
今年激光聚，係我同Mr. Siu負責~~17/7
..........我諗還在仰望的，我就可以搵。
但其他...........我真係無佢地電話囉！
嘩！激光出左好多導師、助導呀！
數下數下，仰望仲有10個囉。仲未計上返青年團果d~~
真係連最後果批，都做埋助導啦，好野！
仲有呀！婉玲話仲要定蛋糕聚的邀請名單喲！

把聲好沙呀....................

尋晚好似又黑雨啦！
可惜今早又是轉回黃雨..........
返10:30，好準時返到，如果唔係遲到唔比入。
昨天羅左Lab clothes，果然好d！
今早好大雨！多謝媽咪，車我去坑口地鐵站，唔駛淋到濕曬！
下次Menu 5，都係做waitress~~
第3次啦！可唔可以比我做下receptiontist, bartender or cashier~~

Lunch, Genie & Ling 都無返，得我同Elena~~
食完上左316 hea~~3 hours break...........
部電腦好慢，慢到我好眼訓呀！
3:30上Front Office，溫書~~
發覺自己好多字唔識串............=.="
IS & Ops 講返上次份卷，我有68/100~~
不太滿意，應該可以更好..........要更加努力！
我想呢科...........over average...........會唔會有少少大想頭呢？ 
放學lu~~

這個 Weekend，要完成果份Master TimePlan~~
仲要溫好Customer Service & HKCEE English
否則星期一，真係唔駛去玩架啦！
努力呀，努力呀！要玩，就要負出代價！
奸爸爹！

今天好多了！
只是時不時頭痛.........
左加上唔駛上Law and Ethics~~
返一點半，放3點半！正！
放學，到Ling去左canteen食下午茶，又是西多、雞脾、紅豆冰，好味道！
走lu，返蘇屋羅返張證書。

影左幅畫，係咪好靚呢！
係上年有個同學參加比賽，贏左！
可以張幅畫畫上牆，我有份油架！
由買油，到擒木梯揉油，我都有做過，好好玩架。
成幅畫有4呎 X 5呎，揉油真係好好玩。
咁大個人，第一次，羅住支天拿水，做油漆工人，哈哈！
只可惜，幅畫未完成！
若果我識畫，我一定畫埋佢。
但原創者不在，我又唔識，莫非呢幅畫就咁放係到，無人理.........
唉.........就係咁，直到現在都未完成啦.........
同學們，真的不可以這樣的.........
唔知，果時佢地有冇羅到獎品，$500萬零現金券呢？
唉！算啦，一畢左業，大家就各散東西..........
可能只是我無同你地聯絡啦！

返新堂，得楊永軒一個。
原來約左麗霞，學點用煒濤本書，寫祈禱會！
呢本書真係好好用架，我果時初學，都係用佢！
你有人教你就好啦，我同麗霞之前，都係自己慢慢學寫，周圍問人。~~
我果時就分開幾日黎寫，麗霞就嚴重d，一次過寫，足足寫左成10粒鐘~~

上堂lu~~今日最後一堂。
隔離家同左場地幹事講，要羅 ar Ann。
但為何全部坐曬係到既？
男仕們，動啦！^u^場地幹事一個人，點羅4個Ann+4個BB呀？
咁又係，次次都係我地家羅。
又難怪Lee Kwong Leung彈左句得佢一個男仔，哈哈！
當隔離家d男仔無到？佢指我地家者，哈哈！

今堂我發覺自己將人字、8字包紮，2個名攪亂左。
好彩只是名字，要包的時候，都沒包錯！
今日做左4個包紮+成人CPR+BB CPR~~
合格！好野！
我今堂要記實所有野啦，因為10/5果次補課，我要返工、返唔到呢！
好彩，我都幾醒，有九成，都記得點包！
為何會這樣的，次次病完，到差唔多好，就黎聲沙.........

幾天沒有check e-mail，慘啦........
收到好多Time Plan，點解又係我做架！
唉...........又是一個長長的Master Time Plan~~~
黎緊5月尾，仲要交多份epos的功課，成600-1000字！
問你死未.............

晚上上 急救班，要包下肢骨折，所以放低左個電話係個袋到，好多miss call.......
返到屋企又係咁，放低左個電話，又唔記得取消震機.........Sorry........

今日訓到日上三竿，起初以為訓左咁奈，應該好左好多啦！
點知出門口的時候，才發覺只是好左少少..........
唔想用百幾蚊去睇醫生請假，只好又再撐多日。

救命呀！師姐（即另一個Natalie）返6:30~~
得我一個開檔...........
點解之前得芳芳姐一個，你地就叫我幫佢。
而家得我一個，你地就無人幫我架！
好彩我都醒，自己攪得掂。

今日d客賭到忘曬形，走埋入黎食煙......
我同師姐當然係有咁遠啦，好彩佢唔係食"雪茄"！
佢地好似枱枱都有贏錢，個個都羅住一疊一千蚊係到數。
不過佢地贏唔贏，唔關我事，我只想快d放工。
點會咁架！點解我地果層，唯一一個男仔，會比人調走左架！
雖然有另外一個男仔黎，咁咪者係又係我推銀器...........
教完一個，又教一個，幾時先唔駛我推架！
好彩d男仔都做野，我多數帶路就得，去到直路都唔駛我推。
否則，著住對high heel shoes，都唔知點推.......

放工超準時，好野！第一次咁早咋！
11:40已經換好衫，但可惜我同Ling孖Locker，要等埋佢。
佢成11:50先到changing room，等到即走。
點知落到去，落毛毛雨，行左十幾步，竟然突然落大雨。
無帶摭呀！唯有跑埋轉頭........
好彩無濕曬..........
幸好等左一陣，竟然比我見到細Wing有摭，好野！

返到屋企，又係有史以來咁早！
12:40就返到啦！

病到死下死下！
原來昨夜，落雨落到黑色暴雨警告，為什麼咁快變返黃色架.........
真係想唔返學，但今日一定唔可以唔返。
因為今日到我果組Food Production presentation，我仲要係Head Chef~~
呢科應該唔駛考試，唔返呢科就凍過水........

唉！Mr. Dominic Chan真係超煩，都唔知話佢蠢好，定煩好.........
人地隔離組Presentation緊，你就唔好次次都煩啦！
全班都明，但點解偏偏係佢，講極都唔明架！
人地得45 mins presentation，你一個人就用左人地15 mins~~
煩！跟本就2回事，無野講羅野黎講！
只不過係有2個客think that the pork is oily~
co-team's solution is suggest the guest to change the pork into fillet.
It's not change the menu.
Do you understand？
結果講到用中文講先明，又唔係人地用英文表達有問題。
若果唔係，我地又點會全班都明，分明係Mr. Dominic Chan的問題！
明左之後，又係到問，若果唔只2個客呢？
咁咪change menu law！
有問題，仲係到不停重覆咁問呢2個問題！就係超煩！
Ar sir，求下你放過我地啦！

之後到Mr. Dominic Chan 講 Menu 5 個 Menu~
明明今朝食既係無睡意幸福傷風素來的，為何也會這樣睏的.........
完全係佢有佢講，我有我打蓋睡.......
唔得架，我今次係做大廚架，一完要好留心，聽清楚個Menu架.......
好彩d重要既野，都mark到........

終於到我地Presentation啦！
唯有扮精神，死撐啦！
點解會咁架，完全唔記得左我之後，唔係即刻到Lok~~
係White Board System~~
好彩Joyce提返我..........
整體算唔錯，起碼無比Mr. Dominic Chan句句"質"住曬，
否則有排同佢嗌..........

落堂，完全係唔可以休息。
雖然有1 hour break，但之後就要測 Law and Ethics~~
有諗過走，但..........唉！
最後選擇繼續撐落去..........
果個鐘就係一面食，一面勁溫Notes~~
昨晚真的一點兒也記唔入腦...........
食左藥，已經夠眼訓架啦，重要對住d好難的英文............
話咁快就要測驗，都唔知自己答左d乜~~
一面做，就一面打蓋睡，點解好病唔病，呢個時候黎病架！
完全無信心可以合格...........
照咁野情況，考試要加倍努力..........

測完之後又係唔走得，5:30-7:00仲要上堂............
3 hours break，完全係病到死左..........
係Rm 316訓足3粒鐘，d同學就個個係到傾計、上網、玩...........
話咁快就5:30，上果個唔知叫乜名的堂。
今期教寫Resume+整Portfolio，再講講Interview要留意既野。
唉！講真Resume+Portfolio，我地上學期自己都整左啦！
而家先教，會唔會有少少遲左d呢........
算啦，教就照聽啦！
都好，做少份功課！
下期要交Resume+Portfolio，最煩係又要著suit+化妝。
仲要帶黑色皮袋~點解會咁架，黑色皮袋，我邊到有呀！
講真果句，要化妝，又真係配返對隱形眼鏡靚D！
心郁郁想配添，哈哈！女孩子都是天生貪靚的！

完左，就立刻趕返去急救班.........
有人問病到咁，仲返。算啦，都撐左成日，唔爭在果2個鐘啦！
如果唔係，到時考試唔識，就大獲.......
比 ar sir 話我遲到，ar sir 你想點呀，我病左仲要一放學就趕返黎........
算啦！ar sir 都係講下者，哈哈！
今天才發覺，原來比人綁住係咁舒服架！
真的差點兒睡著了，哈哈！
我同威士忌，被人形容為，不是傷者，似死者多d，哈哈！
考試考比人綁多次，就好啦！←我係咪病到有少少傻傻地呀？

終於可以返屋企啦！太好了！

今天是豆導師生日喲！