今朝一早起身，羅家衫比聲波，再轉交比強。
點知因為等聲波，攪到差點兒遲到。
下次都係約早d啦！

今日返到去，無端端拉唔到咭。
跟住又無端端比人調左過中菜，真係完全唔知發生咩事。
後來先知，有好幾個都係咁比人調左過中菜。
上到去到10:37............
好彩無比人話咋，上到去完全唔知頭唔知路。
好彩見到芳芳姐！
其他人都幾好人呀！

食飯，拿拿臨食完，就搵Ben&敏欣。
交係2個新人電話，就要上返去啦！
原來諗住今日都係收下野，整下野飲咁啦！
點知開始不夠，就有個客舉行，我咪行過去羅。
一開口就話寫野呀唔該！
嚇死我啦！好彩都可以！
原來落單都唔係咁難者，哈哈！
今日，我總共落左3張單呀！
無落錯野，又寫得清楚，醒目！
係要半隻雞果到衰左，佢話半隻雞，咪寫半隻雞羅。
點知雞都有炸子雞、豉油雞............咁多者！

中途去左跑咖啡，好快咁度過一粒鐘。
原本briefing的時候，黑衫話我今日放5:30架，
但中途佢又話個ar 姐唔做野，所以將我同佢調左。
變左我放遲，佢放早...............

"支力"到我啦！
6:30竟然要OT，去左搬凳，好辛苦！
D凳超重呀！佢d車又唔似永光果d，一個人都可以起到d凳。
要2個人抬起d凳上車，到中途，我地已經抬唔郁啦！
好彩男仔幫手！
不過算好架啦，初頭，我地係無車，單單以人手抬。
我同另一個女仔，抬左2棟凳，就已經無力啦！

OT到7:00，走人！
我地新人比人"蝦"，黑衫明明話，我地唔駛羅野走架麻！
點知d ar 姐又要我地推布草車，好彩有個男仔同我地一齊走。
咁樣就2女1男一齊推啦！
否則，恐怕會撞車都似..........

一去到布草房，Ben就打黎啦！
New 牙：53人

P.S 1. 凍左呀今日，大家要小心身體！
      2. 今日果2個街佈新人，放左我飛機，跟左沙沙返.......
      3. 沈玉婷最後都返唔到.........等我搵日打比佢先！

今日一早起身，要返受苦節崇拜。
但係我又遲到呀...........
原來6:45要起身，但攪到7:05才起身。
7:15陳吉昌打黎，7:45游聲波打黎。
點解聲波係我地3個中，最遲起身，但可以最早到架。><

受苦節崇拜好好呀！上帝的愛，真係不能完全理解。
完左崇拜，我地上左天馬苑食飯。
都幾趕，食完就拿拿臨去接Ling~~
一去到地鐵站，就見到Ling剛剛到。
Ling好得意呀，係到問我，乜咁多人你都識架！
當然啦，佢地都係仰望之家的弟兄姊妹麻！
之後，佢又問我，乜我好趕咩，行咁快！
其實都唔算好趕的，只不過越早返到去越好！
之後就同佢去左大快活公園，睇下有無人係果到。
一個都無，咁就返書院排隊。
只不過係12:30，已經排到落地下.............=.="
好彩最後入到去，都坐到左前。
但係完全無得擇位，所以成cell分開左好多堆。

套劇不錯呀，特別鍾意跳舞果part，Ling都認同！
我同佢最鍾意係絲帶舞果到，第一平時少睇，第二好靚！
我都好想學呀！哈哈！
唔好睇少我，我都學過芭蕾舞架，不過係幼稚園的時候。
中三的時候，都學左少少中國舞既............^^"
哈哈哈.............

今日唔算太多人決志，所以培談員都算足夠。
初頭諗住去一樓比佢d決志禮物佢地先，然後再送Ling走。
點知一落到去，就比Jessica捉左去幫星雅lu~~
攪到Ling要自己走添，不過無所謂啦，佢唔介意既！
做完培談，就去快閃啦！
原來同Fex一齊，帶佢地上去天馬苑快閃。
但點知Fex行行下，停低左，初頭諗佢會跟上黎架啦！
點知佢同Jessica去左黃大仙..............=.="
好彩仲有Ben、祺峰幫睇住者。
如果唔係我就要周圍走架啦！

但天馬苑，真係靜到無可再靜，人影都唔多隻。
所以最後走返去樂富MTR做，成果當然好過天馬苑啦！
好耐未試過有新人既時應承我啦，仲要係2個，好開心！
可惜我明天要返工呀，所以即刻叫Ben過黎。
即刻介紹Ben比佢地識~~
做街佈的時候，竟然見到Pauline..........

之後就返書院，點下名，坐下，咁cell就散lu~
導師助導聚，之後又係去龍翔食野。
我地諗個老闆，就黎認得我地架啦！
哈哈，次次去到，都係不停咁講電話，野又唔叫。
食完野，就係時候走lu，一面行，就一面報數。
好乖wo~~今日個個都係我要求之下，要早d報數，而且個個都好準時wo~~

報完數，就同屋企人睇戲。
真係唔係好想睇，事關好支力，就算係羅d時間黎報數好過啦！
不過，細妹返左黎咁耐，我都好似未部過佢，算啦，唯有撐落去啦！
不過睇完，都覺得麻麻者。
都係佈道會正d，哈哈！

今朝激死我啦！
又話要一早8點起身，出去掃墓。
點知我起左身，你地又未起身。
最後仲要成11點先出門口，離曬譜架。
最唔鍾意就係咁，講明約左人架麻，你地仲慢慢黎！

終於返到永光啦！
哎喲，道門鎖左添！好彩比我見到關浩文係入面者。
上到去，佢地寫緊書簽。之後吉昌、聲波、Ben出左去買野食+糖。
敏欣、嘉莉去左點名，其他人就繼續寫書簽。
Ben佢地買完野食+糖返黎，我地就開始包禮物。
好攪笑，我地分左幾個部門。
分別有，塗顏色部、寫字部、包裝部、入袋部、執拾部。
仲會有人事調動添架，哈哈！
好快咁，我地就好有效率咁包左100包禮物啦！
但唔夠禮物袋，吉昌話人人有，咁咪自己走左出去人人買羅。
點知去到，個老闆話無。
結果上左吉之島$10店+日本城搵，好彩最後日本成都搵到。

返去，陳吉昌話可以試下剪波浪型wo~~
咪又係差唔多，無所謂啦，剪就剪啦！
又再一次好快手咁包曬。
好攪笑，返到去，見到祺峰、聲波訓左覺，其他人係到偷拍成功。
5時多攪掂，就叫小羊走先，返屋企搵新人。
同工就留低，繼續作戰，今次係整爆牙名牌。
大家一整下，又祈個禱，然後再搵新人，之後又再整下。
成晚就係咁渡過~~
9:30就要走，但都未整曬。
算啦，明天用住先啦！

去左龍翔食野~~
好攪笑，大家一去到，就不停咁報數。
野食都未叫，報到一半先叫野食。
但d野食到曬之後，大家都仍然係報緊數架。
當d野食無到，哈哈！
點知個staff行過黎，叫我地食完野先做。
話新一代，真係忙呀，哈哈！
結果，都係聲波最快攪掂，可以開始食野。
大家報完數，可以食飯啦，最後食到成11:00才回家。

為住佈道會忙，係值得架！努力、加油呀！

今日中午就出左去深水"土步"買Cell的野。
竟然一個星期內，去左2次，都係買cell的野。
不過果到真係好多野行，汝洲街、基隆福、福榮街......
不過我都係仲意行汝洲街多d，真係好多珠仔、布買架！
好彩事先問完麗霞，邊到平者。
"德祥"真係超平，我指的只係某些貨。
而且又有得零售咁買，我知汝洲街、基隆街果邊，
d人係唔會比零售架，只有批發。

行行下就行到3:00，要返工啦！
真係唔係好想返跑馬地，但我無得擇。
沙田雖然忙，但人就好好多。

send左message比蚊蚊，Cin姐話咁快就打黎，果然高效率。
返工聽得電話，真係好！
終於發現沈玉婷的蹤跡，原來係我果cell到。←只屬猜測
應承左變色龍，又應承左New牙返佈道會。
好彩都仲有d機會，咁者係我同瑩英爭啦！
沒所謂啦，我地的目標都係想佢返黎者，就由她選擇啦！
沈玉婷係一個好可愛的小妹妹黎架，上年的音樂會都有返飛魚。
記得佢仲試過打電話黎問我功課添。
但係比我知道左，瑩英好耐無搵佢，
聽聞你好利害wo，目標原本15人，但自己要求加到20人。
你今次係咪又好似上年咁，要打成50-60個電話呢？
升左家員係唔同d播，果然無白費心機。
上個星期日，見到陳妙軒返崇拜，好開心呀！
上個星期Ray+洛文都返左黎，Cin姐、瑩英努力呀！

之後知道左沈玉婷的去向，當然打比星雅啦。
點知星雅發燒，我都察覺唔到，真失敗。
淨係識得不停咁講，sorry ar~~

返工，原本返08，後來比人調左去07~~
但比人調過去之前，係08到開左支red wine~~
開到，好野！不過都係有少少唔係好夠力。
下次要一次過就拉個塞出黎先得！
去左07，都唔算太忙。
又要回銀器羅，有問題架！
果廚房咁滑，d銀器又重，再加上女仔要穿高跟鞋。
幾大力都無用啦，隻鞋係咁滑的地方，係用唔到力架！
點解我個section無男仔架，下場快d調2個男仔黎推銀器啦！
今日又有人比佢捉到，佢仲要call埋佢上司落黎羅。
最後warning letter一封，好慘！當然果個唔係我啦！

今日返工返10:30，通常我都會成9:00先出門口。
但今朝為左整cell大食會的炒公仔麵，就要早d起身，同出門口。
好眼訓，原來想7:00起身，但因超眼訓，訓到7:30先起身。
好彩都整得切，8:30就出門口。
仲好少有地，食埋早餐先出門。
之後去到觀塘先打比聲波，我都估到佢未起身，
唔好意思，噪醒左你，不過我都係無辦法，先咁做。
去到黃大仙，等左陣，就見到游波波啦。
咁咪將盤炒麵交比佢啦！

返工，今日做624~~
始野係非吸煙的房，唔駛吸二手煙。
原來呢間房到幾忙，d碟一陣間就可以砌到好高。
好彩個洗碗地方，就係隔離者，否則..........
搏殺左一輪，到1:45先開始少d野收~~
有個外藉人士，話要Heineken，我竟然唔知係乜........
原來係"喜力"，上堂教過架，不過已經忘記了.........

跟住又有客問，有冇煙買。今次我醒左啦，知道有。
點知佢問有邊幾種，我心諗鬼知咩，我都唔食煙。
好彩，都識得答佢有"沙龍"、"萬寶路"。
跟住佢又再問，得呢2隻咋！
我諗，乜重有其他牌子架，咁煩架。不如你話我知，你想要邊種啦！
結果，真係嗌曬救命，搵長工去攪掂佢。
真係唔明，原來一包煙要成$30，咁貴都有人買。唉........

下午好肚餓呀，因為早上個早餐食到好飽，所以個lunch食唔落。
下次都係咪攪，返工，都係唔食早餐啦！
4點，比人叫左去抹銀器，心想抹銀器，我咪有可能早放。
咁可能返到永光，個cell都未散，好野。
點知.......抹完銀器之後，我無得cut鐘，但其他有d抹銀器的就cut左鐘........
我返呢到，都返左6場啦，都未試過cut鐘，都唔知係好彩定唔好彩！

放工後，即刻打比吉昌，問個cell幾多人。
16人~~~有點兒擔心敏欣，不過收到佢的回覆，都放心少少~~
之後同Ling搭89號巴士，返書院。
中途，再重覆邀請Ling返佈道會，但仍然係waiting~~
一返到書院，就見到波子wo~~
上到去I Cell，就結束祈禱~~~
好彩之後都仲有野傾！
之後就同珊、豆、吉、馬良、panda & katray食飯。
少有地，食到10:30才回家，hehe~~

柑桔+水=??←hehe，玩野！柑桔水，哈哈！