今日好凍呀，起身的時候只得13-14度。
出門口的時候，又好好彩咁，搭到架紅van，
比平時早左15mins到彩虹。
係更衣室到，又遇到冼姐啦，咁咪一齊去做謂先U。
估唔到今日係歐生同我地做wo，勁快，又一take過攪掂。
上到去，開始set檔，先發覺上場d野用完，都未fill過。
唔怪得知上場得Michelle一個人收野，都收得咁快啦。
不過唔緊要啦，好快手咁就攪掂。
之後熊貓話，今日要整多d熱啡。
我心諗初三都係整100杯，今日整60杯都夠啦掛，
點知佢話要整200杯！
我第一個反應：「咩話，200杯？」
熊貓：「係呀，今日跑11場呀！」
咁多，有排整啦！
ar 豪黎幫手整，佢問幾多杯，我話200杯。
佢都唔信，再問一次熊貓，真係200杯。
ar 豪整左幾隻杯，就要去整其他野lu~~
結果整到10:55，先落去食飯。
但都係未整曬，整左170杯咋。
比熊貓勁催我地落去食飯，得返20mins食咋。
今日開檔無幾耐，又比人讚wo~~
聽到歐生同熊貓講，呢個妹妹好呀.......
淨係聽到e句，又唔係同我講，就無理佢啦！
佢走左之後，熊貓講返比我聽，但佢好似話任生讚，唔係歐生。
聽唔清楚添，不過唔緊要，總之就係有大粒讚啦！
原來係讚我夠大聲，講野夠清晰。
.........唔係掛，我係講野大聲，但說話清晰就差d啦！
我成日講野都講得好快，又無乜組織..........
而且，咬字又唔清晰，唱歌的時候，
經常將「國」和「過」、「各」撈亂。
仲有d「N」音同「L」音，之前都比Ellen同Jennifer話過。
之後返屋企勁練，都係好左dd咋，
不過都好開心，所以話我都係覺得把聲對我黎講好重要。
真係要好好保養把聲先至得！
比佢地笑羅，話我上個星期講唔到野........哈哈。
無幾耐又比個客讚，佢黎左幾次，幾次都有讚我。
今日終於有人黎代Ellen啦！
做左成日野，都未知佢叫咩名添。
我諗佢應該唔係第一次做啦。←我估咋
但唔知佢係唔慣咁忙呀，定唔識做啦，好慢。
全程都要搵人睇住佢，熊貓都忍唔住出黎教佢。
咁又難怪既，我地個檔真係忙到死羅.......
唔知之後係咪都係佢代Ellen個位呢？
佢今日個樣好似好不滿咁，我諗係因為佢想收飛掛。
之前Ellen都係架啦，做到一半，晶姐就會上黎幫手，
Ellen就做support，今日都一樣，只不過由佢做support。
到中途Ellen就會幫我地fill糖、牙簽，今日我地叫佢fill，
佢又係好慢，結果都係自己做返仲快。
好在歐生唔係到，如果唔係，佢又會叫我地唔好行開，
比support做.........
之後5點鐘，咪叫佢收定d水，入返箱。
佢又做做下，唔知走左去邊，出返黎個樣又係不滿.......
通常到5點，Ellen、Michelle就今Fill雪櫃，
執緊d野，我就繼續企counter(係supervisor叫架)。
但佢執執下野，又走過黎收飛。
攪到好似爭黎收咁，佢想收飛，咪比佢收羅，
但佢收完飛之後，又唔知去邊到羅野wo，
總之就要人跟佢手尾..........
都係我自己收返好d，而且e個原本就係我的工作黎架麻。
最後攪到今日Michelle都好不滿佢.......
唔知點解，今日好似無平時咁忙。←純粹感覺
但實質上，又好似唔係。
可能係因為今日無其他人上黎做support，
所以好多時熊貓都做左我個support掛。
收檔的時候，要洗埋個垃圾筒。
之前Michelle未黎的時候，就係我執出面(包括洗垃圾筒)，其他人點倉。
佢黎左之後，就我點倉，佢執出面。
但佢完全唔肯洗垃圾筒，我知之前唔關佢事，
因為垃圾筒係Ellen執，已經好幾個月無洗過。
但現在Ellen走左，佢就成日話唔關佢事..........
唉！算啦，又係自己做返。
貍貓就黎忍唔住架啦，上場應承左佢，
Michelle唔洗，就我洗。
貍貓都叫我叫Michelle洗，但Michelle唔肯，我都無計架........
好多時我點完倉，佢都已經食緊野，
而家仲要點完倉之後，執埋佢d手尾，佢就安安樂樂去食野..........
算啦！我此終認為，默默耕耘係有人知架！
結果，咪熊貓知羅，佢知道今次個垃圾筒，
幾個月無洗，好污糟，要刷。
今次就唔駛我洗，叫d清潔ar 姐幫我洗，
下次就我自己洗返架啦！
好野，熊貓真係好好人！
上帝對我真係好好，比我有個咁好的supervisor！
放工，好開心，我今天的收獲就係6787~~
平時次次同Michelle一樣，今日高過佢1分。
到最後170杯熱啡，只係賣有100杯左右.........
都話唔駛整咁多架啦，留返下次用，下場慳返，唔駛整咁多！^u^ | 
