一早起身，睇下個蛋糕，嚇左一跳。
點解同尋晚唔同有樣既，樣衰咁多既。
不過唔理啦，無時間比我慢慢攪啦，袋左落袋就走人。
今次可謂整得最失敗的一次，原因不明~~
返到永光放低左就走lu，要返工麻。
今日係我最後一次返Trackside的日馬........
多謝Connie的朱古力，好味！
上到去1B做謂仙U，無人羅，攪到要行返過M檔果邊。
今次同坤姐一齊做，完來佢唔識路架。
去到又好快手，一take過，好快就走得。
但坤姐就.........要做多幾次，因為佢好多場無返，唔記得左點做。
初頭諗住慢慢行，等埋佢啦。
但等極都等唔到，咪自己返檔先羅。
返到去好快手就整曬d野，因為今日唔駛整熱啡，上場用剩好多。
仲同Connie係到走黎走去，落左1B羅朱古力，熊貓、康、豪、貍貓都有份。
一落到1B，ar 清就話今日無，要自己入。
因為上場雙邊，熊貓無幫佢入。
上到去唔理啦，將d朱古力放曬落熊貓個o急到，等佢地自己羅啦！
跟住就問熊貓，佢做乜無幫ar 清入呀！
但熊貓又話有入到wo，唔理啦，你地自己攪掂。
Connie上黎的時候，撞親個頭呀，熊貓即刻拆左個箱佢wo~
Michelle返黎的時候，睇都無睇就去左整淡奶，我整左啦！
之後就去食飯，上返黎又去1B羅野！
之後開檔，我見無乜蠔油，咪同Michelle講，
唔好羅咁多羅，蠔油係for撈麵架麻。
咁佢果邊賣飯，我果邊賣麵，就緊係放近d啦！
佢羅咁多，到最後咪又係要放返過黎。
點知原來自己無留意，我個邊放左羅wo，咪比返佢羅。
開檔的時候無乜人，咪同熊貓、冼姐吹水羅。
冼姐：星期三好凍呀，成11度，又要派茶。
Natalie：唔關我事！
冼姐：點解唔關你事呀，個個都要派架啦！
熊貓：佢做飯堂，緊係唔駛啦。
Natalie：係wo，飯堂無乜野做。
熊貓：飯堂無乜野做？信唔信我要史提芬調你上黎1B~
Natalie：唔得wo，下面得我一個(有段時間)。
熊貓：無乜野做呀！
Natalie：不過無乜野做，當然係同2B相比啦！
不過後來諗下諗下，調上1B玩下都好呀！
總之對住熊貓，點都好過對住史提芬呀！
不過，機會過左lu..........
今日又好好好忙啦，勁多人。
又有個ar 姐上黎做support，不過都係唔留心。
d野要我重覆幾次先聽到，好彩有坤姐係到咋。
係中途上次讚我果位先生又出現，佢又係黎買啤酒。
佢問我，我收唔收得Tips，我因為好忙，
所以無花時間諗，就答唔收得。
最後問返supervisor，原來係收得架，激死。
算啦，唔好貪心。
到最後收檔，因為最後一次關係，
所以好多野都無乜特別fill，又係Michelle自己話，
呢d野係下一場返黎果個fill架麻，咪者係我。
所以平時唔多唔少，都會fill少少，
但下一場開始，我會調去F & B lu~
咁咪如你所願，下一場你返黎fill羅！
我入倉點數lu~
唉！都唔明呀！
點數的時候，個ar 姐話黎幫我，
你又係要扯走人，同你去回布。
回布者，駛唔駛2個人呀！
唉！算啦~
話你知，你今日咁攪法，連呢個新黎的ar 姐都唔鍾意你啦！
貍貓好好wo，唔知去邊到羅左個忌廉湯比我wo~
好味，得一碗咋，就比左我lu~多謝！
放工的時候，
Natalie：最後一場比高分d啦！
supervisor：早d講麻，比左lu~
Natalie：高分d啦！
~點知佢真係比高左wo，不過只係高左1分咁多~
要走lu，今日等埋豪、貍貓、康，先搭電梯走。
無意中發現，原來全個檔大陪分人，都唔鍾意Michelle~
話佢懶wo，但佢d成績又真係好好wo~
講開又講，Michelle今日又唔肯洗垃圾筒啦！
個ar 姐都廢事理佢，自己羅左去洗。
Thank you！
點知係中途比熊貓聽到wo~
熊貓：我下場一定要捉住佢洗
Natalie：喔！
熊貓：你都係呀！(無端端做乜燒到我果度wo~)
Natalie：我之前有洗架，係到Michelle先唔洗咋。
貍貓：佢咁多野做點洗wo，得佢一個入箱咋，緊係比Michelle洗啦！
都係貍貓講返句公道說話。
最後一日返2B，有d唔捨得添！
好"支力"呀，最後連晚飯都無食就訓左lu~~
唉！星期三真係有d想上1B添！
 | 
