近排經常溫書溫到好夜，成個人都好攰。今朝阿榮都打左黎叫醒我的了，點知又訓著返。
仲要好不幸地，咩車到滿坐，一定要等巴士，等左成大半小時，結果攪到d時期迫到死。
返到去都已經1:30pm，要趕住整Cell扇，一定要今日團契前出到。
非常幸運地，有2個新人返幫手，太好啦。若果真係得我一個做，一定整唔切者。
1小時之內，竟然整得晒20把扇。
不過因為要整Cell扇，無落去幫手組宣傳，阿珊唔好意思呀……
2:44pm飛奔落1/F投票，好彩仲趕得切。
由於昨晚，我完全忘記了要抄開Cell歌詞，所以要拿拿臨抄埋佢。
《賣懶歌》，我竟然忘記了最後2句……問左好多人都無人記得，幸好有豆豆。
結果時間剛剛好，抄完就快奔去團契，連買左既飯，都未有時間食……
團契，團無咩人嗌口號，d人上晒去做番茄、蘿蔔、冬茹，叫到把聲就快爛啦。
發覺近排d團契遊戲，都有點是鬥暴力的，一班男人衝晒過黎，好似暴民咁搶紙球，快被撞死了。
所以最後都係決定，自己keep仲安全，哈哈。
今日開Cell真的不錯，新人們都頗投入呢！
今日大家都好叻，帶多左新人返黎，Cell有17人呢。終於似返d暑假啦，大家要繼續努力呀！
整家聚公佈《一蚊．雲吞．婉君》，我地Cell無端端變左20個，比我地昨晚報既數，
多左一倍，發生咩事？既然係咁，將計就計，下星期我地就將這個變為事實吧，係要超越20人！
Cell聚，d人去晒家刊、團契聚，所以到最後都係聚唔到。
唯有所有野，留返明天講啦。早知就唔攞叠通告返黎啦，個袋好重呀。
唔聚就閃人，今晚阿爺生日大晒，唔比遲到，過金鐘食自助餐。
最後，結果當然是飽到唔郁得！哈哈，個個人見到嘉聲，都好好奇佢到低係咩人。
又講中文，又講英文，又有少少鬼鬼地，但又係中國人。
結果佢係成為左隔離枱，同埋個廚師討論既焦點。
哈哈，其實大家都錯晒啦，我呢個堂細佬係中國人，不過係瑞士長大。
主要語文係法文，但同佢爸爸溝通用中文，同婆婆溝通用葡萄牙文，係學校學德文、英文。
其實仲有2種語文的，不過我都唔係好記得清楚了。變態架，識7種語文……
嘉聲、玉清 生日大大大快樂！ | 
