今日崇拜好像不錯呢~~
起碼我次次入親咪都走音既「雨」字，今日2場都無走到。
其實我諗係我之前咬字既問題，咬錯左，所以好難發音。
今朝不停係到練呢一句「無論晴或雨」，練到唔走音為止。
結果終於無走啦，太好啦，要努力將最好既獻比上帝！
不過今日崇拜勁早完左，9:56am離開得Hall了。
組長吶喊~~
每一次都會有人立志既時候，嗌得好大聲。
希望每一個都係真係出自內心啦，次次好多人都係得個嗌字。
但嗌完之後，就從來唔會做......
Lunch買吉野家外賣，同華豬慶祝生日。
不過買唔切禮物，因為星期五既時候，
同麗霞行左陣唔夠20分鐘，就掛八號風球了。
d鋪頭都紛紛關門，咩都揀唔到。
食蛋糕lu~~吹完蠟燭，華豬就走左去舞台劇lu~~
個個去晒舞台劇Rehearsal，得返3個家員......
同白飯魚一齊玩，玩左好耐呀，亦玩到好癲，好耐無試過啦。
好好笑，就快笑到我肚痛啦。
癲起上黎，聲到就快沙啦......=v="
下次有機會再一齊玩過吧！印象中2Cell一齊星期日玩，好像是第一次呢。
玩到5:45pm，我就真係唔走唔得啦......
媽媽豬生日wo，點可以咁遲出現架。
去APM攞埋個雪糕蛋糕，就回家了。
途中，找了6個報紙攤、7仔、OK，才找到蘋果日報買。
做埋乖乖女，買埋報紙比老豆仔睇。Good！
晚上出左TST，食日本BBQ~~好好味，有點似韓燒。
撐著漲漲的肚了回家去，還有個雪糕蛋糕等緊我地。
哈哈哈，咁食法，想唔肥都幾難。只許放縱一日咁多啦！
我地3個送比媽媽豬既禮物，真係好鬼正！
低B好變態，將人地平時放係蛋糕上面，用糖粉做既裝飾雞仔，
成隻搶左去，5秒內就吞左落肚。= ="
低B呀，低B......你食呢d會嘔的，乖d啦，唔好咁餵食啦！ | 
