今日又係dayoff了，返2日放2日，再返半日又放2日。

Marketing Siminar真係唔明點解要上2個鐘，基本上1個鐘都有多。
今日成堂係到討論一張Worksheet，唔駛幾個字就討論完lu~~
結果係到hea，hea到我地連break都唔放，寧願早d落堂好過。

Lunch，都左食扒王之王，又幾好味播。
學生餐都唔算太貴，$30左右。

今晚又無返永光上魏天威堂，事關到阿公生日。
放學又未夠鐘去食飯，結果就去左圖書館睇書。
Hehe，借左本《魔戒首步曲》，同埋《宮崎駿動畫鋼琴作品集》。
仲睇左一整套《幽靈公主》既漫畫，哈哈！

差唔多時間，就去越秀廣場食飯lu~~公公生日！

今個Sem，第一次係Canteen食Lunch~~
總結係之後果間都已經唔係好，但呢一間仲差......
個肉醬意粉，好似無肉得醬咁。

堂堂都好好，除了催眠的E-Tourism......

7:40am先起身......第一件事又係大嗌......
幸好平日唔咁早打黎既阿珊，突然間打黎，感謝上帝！
8:43am入Hall，差點遲到......嚇死我啦。
崇拜，聖樂真係好勁。咁好，下個月有壓力添，哈哈！=v="

團會只是報告了，就Cell聚lu~~
查經......有史以來最趕急的查經......只有半小時......
趕到好似急口令咁，中間已經skip左好多野無講。
早知係咁，昨晚就唔係預備咁多資料啦......
就當增進下自己既聖經知識啦！^u^

不過今日查經既主題真係好好，《作門徒的代價》。
要作主忠心的門徒，並不是說就可以，還要加上行動。
若然連一丁點時間、努力，都不願意擺上，我們又有多愛主耶穌呢？

「我為基督捨棄了一切，我得到什麼呢？我在基督裡得著了一切。」加爾文

下午，培談員訓練班，竟然見到燒雞家姐，原來是史提反的。
完左之後，班男同工、小羊閃得勁快......
等我仲係Canteen到等，周圍望睇下Cell去左邊......
原來佢地一落到黎，就已經衝左去打波。= ="
剩返自己一個無野做......咁早返屋企又無野做。
最後坐埋一邊，同Katray、祺祺、嘉莉傾計。
差唔多時間，見小怪走，就一齊閃lu~~

夜晚，食媽媽豬煮既美味牛扒，好滿足呀！