今日約左2仔、6+2、楊國偉都睇戲，《超時空的少女》。
約10點，不過唔知醒，真係比儀仔講中左。
晚上，睇埋左《地海傳說》既VCD，宮崎駿個仔畫的。
整體上，都係覺得宮崎駿動畫(唔包括地海傳說)，好睇D！
加上宮崎駿動畫既音樂，真係首首都好好聽！
《地海傳說》好像好多野，都無交代清楚。
不論內容、主題曲，至愛都係宮崎駿動畫。
初頭諗住睇完戲，要去買埋d書，點知今早媽媽豬話幫我買，好野！
睇完戲鹹；已經成點鐘，楊國偉就走先，去Join班男同工lu。
無野做，所以最後都係去左馬鞍山踩單車。(Ling佢地都開始左，所以無去到。)^^"
好威，係唔知果個咩商場入面，竟然有旋轉木馬，哈哈！
仲有大陣仗車車，上面有長頸鹿 & King Kong！
食完野，成3點先開始踩，由馬鞍山去西貢。
恆安無得租車，結果要行去大水坑，中途竟然見到子樂。
勁抵，$8就可以租一日，不過我地租左$15果d，硬淨d。
第一次係馬鞍山踩單車，成為了「危險駕駛者」！
足足炒了5次車，其中一次仲要撞親個頭......唔比笑^^"
有一次炒到個前輪剎車移位了~~
不過我又好叻wo，比我發現到係咩問題。
大家夾手夾腳整返好，不過攪到仔仔隻手好污糟。Thanks！
好感謝神，全部傷都只不過係瘀左，無流血。
好騎呢，全部都係係條單車徑到炒，入到西貢反而無事。
不過西貢d行人路真係好窄，左面係山坡，右面係車路，任炒一面都死緊。
 
 
謝謝6+2、仔仔等埋我，無厭我拖慢晒，唔會比人撇下。
跟我後面果個，落斜一定好唔爽，上斜一定比我攪到不能一氣呵成。
也許不是因為我，應該可以入到西貢市中心的！
呢條路，真係辛苦過大埔果面好多，勁上斜落斜。
不過回程又真係幾爽，唔駛踩乜際。
凹凹凸凸既路，好像越野單車咁，哈哈！
中途遇到班男同工，吉昌、楊國偉、李國樑、羅記。
佢地竟然已經入完西貢，食埋糖水，行埋海旁回程了，快我地好多。
最後5:57pm返到大水坑還車，時間剛剛好。
約埋朱大大、李國樑、羅記，一齊搭車回書院、新堂。
晚上，崇拜獻詩訓練班，魏天威教。
高至High G，低至再低八度既F~~
學左4首歌，2首聽過，2首未聽過。
《拉夫》、《悟》、《今天愛歌高唱》、《寒雨飛雪》
經過上次之後，今次終於跟得到啦，上次真係唔係好知佢唱緊邊。
原本個班應該有70人的，不過只有30人到左。
4堂8個小時，會學到d咩呢？
就真係要完左先知啦，希望唔會係走馬看花，唱過晒d歌就算啦。
搭地鐵回家，遇上Re完崇拜既Dia~~
P.S. 今天既戰跡...... 希望快d消瘀啦......唔制呀！
  | 
