今日黎左好多貨，

因為尼排做優惠呀，

搞到我SET完貨都攰爆，

睇下黎幾多貨先，

↑未SET貨前D貨排到出大堂。

↓SET左貨之後既大雪房。

↑中雪房都SET滿晒，企只有兩三個人位置。

SET完我都攰爆呀，

而且搵到成身都濕晒，

要換衫喔。

←我個訓練員[J神]都SET到攰,訓陣先啦。

 今日有優惠劵來啦，
我地又要忙一餐啦，
不過過左一兩點都無客囉，
靜得好緊要，
可能聽日係星期六，
個個返屋企訓大覺，
所以我都係舖到訓左陣，
訓醒先再整埋D野，
靜到7點半後開始有客黎囉，
但比其他日子唔忙，
唔忙仲好，
每過一分鐘，
又賺返少少錢。

 我唸今晚都唔使我洗野，
因為琴晚有個員工做收銀就會忙唔停，
所以大家都叫佢去洗野，
免得又忙一餐，
最後真係無忙到囉，
直至6點都唔係好忙，
我都準時放工囉，
好耐都未試過咁準時啦。

 今日上午11點先訓左兩個鐘，
起身先食午飯，
之後對住部電腦打機，
打到唔想訓，
9點幾落街同網友開團打機，
順便睇下M記多唔多客先。
時間過得好快呀。

 今日有兩個放完假既同事返黎啦，
我唔使洗野啦，
太好啦，
我都係執好廚房，
之後有幾個清潔公司黎，
幫我地地面清潔一下，
好彩都清潔得幾快，
我地又準備轉更，
點知無乜客黎，
去到6點幾先有多D客黎，
去到7點已經係忙到排晒隊，
我就做夾肉果個，
所以都幾瘋狂夾黎夾去，
但係放工果陣又唔覺得累，
就同成班通燒更同事食早餐，
但琴日有個早更同事放假又唔知醒，
所以佢要埋單，
所以要學識放飛機係咁慘。