今日到返我洗野啦，
不過這星期都洗左幾日，
都唔介意洗埋今日既，
無計啦，
人手不足，
我又要洗得快就出廚房都快，
今日客都幾多下，
又要出下包呀，
不過今日D豬柳蛋扭扭粉都賣得幾多下，
差唔多8點幾D早更既人出晒黎，
我地成班通燒更同事一齊去餐廳到食早餐，
今餐由第二個訓練員俾錢。

 今日唔使洗野囉，
只係執返好個廚房，
我個訓練員要訓多一陣，
我就要自己一個執好去，
係差唔多黎貨果陣先起身，
佢執大雪房，
我執中雪房，
佢一執好大雪房叫我盡快執中雪房，
因為太阻路，
我好努力快快咁執，
執完又要執廚房，
執物D貨都2點，
再執廚房已經3點，
3點幾已經開始蒸蛋同煎肉，
個訓練員叫我係廚房頂住，
頂唔到叫救命，
最後我都忙到傻，
係去到7點幾先有早更D人返黎轉人囉，
我都要8點先放工，
之後返教會，
1點幾就同教會朋友去酒樓食飯，
我都係2點15分返到屋企訓覺。

 今日係第四日洗野囉，
已經洗到悶，
都無計啦，
尼個星期都係得4至5個人返工，
其他人都去請大假，
最後佢地一返黎好好洗野啦，
我都洗到眼訓，
好想返D返學，
至少唔使洗咁多。
唸得黎都差唔多放工囉，
之後我個訓練員話，
"我個表妹黎見工，佢會黎做M記！"
所以佢見完工同填完表就等佢表哥，
但佢表哥都差唔多8點幾先放，
所以我同另一個訓練員去餐廳等佢地，
去到都有一個同事同朋友一齊食野，
之後等多一陣佢地都黎埋，
大家又傾下傾下，
知道佢係17歲同埋住邊，
係通燒更到佢係最細個，
但佢把聲就好哇哇聲，
覺得佢好得意咁，
不過我好希望佢快D返工，
學晒D野返一至四及日，
至少我都係返五六。

 今日係第三日洗野囉，
又一日囉，
時間過得好快，
返下返又多一個月，
不過之後既日子都係要返學，
返一年學，
希望成功啦，
我遲早都轉工既，
依家都係學多D野，
第時都多D經驗。

 今日係第二日洗野囉，
洗呀洗呀，
希望快D洗完，
洗到4點幾先完，
之後出廚房幫手整包，
整到瘋狂囉，
少人返工真係好多工作位置要理，
等都要等到7點先有人返工呀，
次次做到7點至8點先收工。