今早7:30準時在旅館樓下集合,
開始我們今日的行程,
就是又要呆坐10個鐘的車程,
在車上我們享用班姊妹為我們預備的早餐,
水和2隻烚蛋加埋Walter加料的面包和油炸鬼,
食到我們津津有味.....................

食飽後, 各人係時候休息,
班"睡寶寶"繼續發揮佢地功能,
真是佩服...............
真好 !回程感覺跟去時感覺好得多,
好似無咁辛苦咁.

好不容易終於到達羅湖了,
中途司徒跟小玲, 文浩和阿任先行下車,
因佢地要去小玲的家鄉,
我們其餘的人就決定在羅湖食埋晚飯才回香港,
攪下攪下返到九龍塘MTR都已10點幾,
老公一早已在MTR等我,
咁就正式結束了廣西五日之行..............

***********************************************

在這五日當中, 有很多印象深刻的地方,
如班姊妹很辛勞地為我們預備的食物,
真係好好味.

阿愛英姊妹的見證分享,
令我要好好反省自己對神的那份倚靠的信心.

跟大家在崇拜中, 一邊唱歌,
一邊跳舞去讚美我們的主,
那份投入和團結的精神.

在髮型屋傳福音的情境,
令我知道只要願意放膽去做,
神就會賜我能力和勇氣去成事,
神真的一早已預備了莊稼,
只要我們肯行出一步, 就能收割的......

還有很多意想不到的事,
想不到間旅館的冷氣是超凍,
差點連被也頂不住,
當初重擔心會停電,又擔心唔夠凍,
而家真係夠哂凍了..............

想不到我都有機會同人決志,
在香港真是好難的...............

想不到我所得到的相比我所付出的,
是可以多出咁咁咁...............多.

想不到再短短五日中,
教我體會到咩叫直正豐盛生命,
我覺得自己在這幾日過得好充實,
完全無工作, 電視和出街的誘惑.

感謝主 !
賜我一個機會參與當中,
能有機會跟大家一齊努力,
向著目標勇往直前,
實是神給我的一份恩典,
我希望日後都有機會能與大家,
一起參與每一次的短宣............

今早行程是分兩組進行家訪,
另外特別余sir帶領Rebecca, Walter & Susanna,
去龍崗教會崇拜,
輪到Rebecca 要分享見證, 加油呀!!!!!!!!!!
而我要暫被調去另一組,
好 miss 我個組呀, 要暫別一陣了.............

我們跟司徒去到一個農村地方,
原來是去謝傳道婆婆的家中,
閒談中原來佢是叫謝傳道返教會的,
但佢自己就無返喎,問佢點解,
佢話在心中就得了, 真奇怪 !!!!
司徒已跟佢講好耐, 最後都沒有決志,
不過唔緊要, 交托給神吧............

我們趁空閒時間, 出去跟其他村民傾計,
原來謝傳道已每人派了一本書給他們看,
我就試試找下目標人物,
感恩 ! 我跟2位女仔傳了福音並決志了,
後來再跟另外一個女仔傾計時,
佢都唔多願意講, 我唯有離開,
後來小玲都有同這女仔傾計,
這女仔重在我們半推半就之下,
跟了我們返教會, 因教會下午有個青年聚會,
返到教會, Elaine個組和余ir個組還未回來,
因有剛才女仔, 為免佢悶, 我們唯有玩遊戲緩和氣氛,
一路玩時, Elaine個組也回來了..................

後來不斷都有新朋友的加入,
玩到青年聚會開始,
我到這時候都已精神耗盡,
坐在一旁休息.....休息........
殊不知沒多久, 個女仔唔同其他人玩,
坐在我旁邊喎, 咁咪同佢傾下計,
有機會又講下信仰咁,
不過佢一提到信仰問題, 就唔多願答你,
跟住又叫我陪佢出去行,
咁我就跟佢企在門口出面,
其實我個刻真是身心疲累,
好想佢能主動話返番入去裡面,
好彩佢最後話要返屋企,
唉 ! 咁我終於有機會抖下了........

後來見佢地手工藝班得Rebecca和Susanna,
於是我坐埋去幫手教其他人串天使,
感恩當中2個新來的少女,
得Rebecca & Susanna努力,
又成功在神名冊上記名了,
可喜可賀..............
Rebecca重是第一次收的小羊仔,
真是一個新的開始,
以後繼續努力, 加油呀.............

晚上司徒還安排一個特別節目俾我們,
就是要我們去髮型屋洗頭兼傳福音,
吓 !!! 聽落真是有點不可能,
但都沒辦法喇, 要順服麻,
於是照慣例又是分2組去進行,
我同惠儀就決定咗唔洗的,
其餘文浩, 嘉麟和Elaine都是洗的,
結果場面好搞笑,
好似我同惠儀是阿媽帶住班仔女去整頭...........

真係出乎意料, 原來真是可行的,
髮型屋中有4個人, 當中3個都願意決志信主,
神的作為真是奇妙, 哈利路亞!!!!!!!!!!!!
其中有位女仔知我們要明天返香港,
竟立刻流露出唔捨得的表情,
但我同她當時只傾了5,6分鐘的時間,
真是好好好感動呢....................

今晚是最後一晚在廣西,
明早就要起程回香港,
當中真是有點不捨,
不捨同大家一起這4天同心同行的感覺,
不捨那種彼此守望, 彼此和睦感覺............... 

今日其實發生了一件唔開心的事,
司徒交托給我的相機,
都唔知係咪我個袋曾經趺個落地下,
發現個LCD screen 裂了,
個刻好驚, 雖然最後都知道可以修理得到,
但個心始終唔係咁舒服,
唔開心的並不是因為金錢上的損失,
而是覺得別人交托我做的事,
不但沒有做好, 還弄爛了,嗚.................

今日每一位都準時到達,
早餐照舊是湯粉和粥,
但一樣是很好味.............

今日行程是分2組人去唔同教會,
我個組就跟余Sir去古龍教會,
同行的還有謝傳道和愛英姊妹,
我們包了一架Van出發,
沿途上愛英姊妹還分享了她的經歷,
好感人的一個分享,
原來她曾遇過婚姻的失敗, 身體的疾病,
但她就是憑著一顆倚靠神的信心,
一個又一個難關都捱過了,
最感恩是到現在, 神已給了佢最好的賞賜,
神賜給佢另一段的婚姻, 重要是異國情緣........

我們到達了古龍的教會,
去到時還沒開門,
過了一陣, 終於有人開門,
今日原定只是惠儀分享見證,
我只負責拍照就可以,
點知在亳無心理準備下,
余sir竟叫我也出來分享見證,
咁我就在超緊張而又唔知自己講梗咩情況下分享了,
結果梗係好差了, 明明寫好的一篇見證,
到分享時已忘記哂, 重講錯咗說話.............

崇拜過後, 又係時候食午飯,
我們去了當地一間鋪頭食湯粉,
唔知係咪超肚餓定實在太好味關係,
我地都忍唔住各人encore多一碗, Yummy !!!!!
食飽飽後, 我們返回教會,
好感動呀 !!見到他們原來全部都沒有離開過,
為的是等我們回來, 我們於是立刻開擋,
量血壓的, 織十字架的, 實在應接不暇,
幸好我都有機會同小朋友傳福音,
後來惠儀加入埋, 成功了.............
還有嘉麟都成功地同幾個小朋友決志,GOOD!!!!!!!

是時候回程返回太平, 大家竟有依依不捨感覺,
不斷好熱情地揮手送別,
我們是坐公車回去的,
第一次搭公車, 感覺唔係咁舒服,
好彩只是這次.................

返到旅館, 司徒那組還未回來,
我們可以返房休息,
等到他們回來了,
知道他們各人都好勞累和辛苦,
所以大家都需要休息........

今晚是在太平教會裡有聚會,
敬拜時大家都又跳舞, 又做手語,
氣氛超正, 加上有小玲, 嘉麟和Walter的見證分享............
今晚又有人決志信主, 哈利路亞 !!!!!

今天晚上, 終於有張厚被用,
再唔會被凍醒掛, 應該??????????