開會過程, 用2個字形容, "無聊", 唔係應該話係超....................級勁無聊, 剩係得個3個日本人自己係到講, 又唔知佢講咩, 我坐係度發呆, 間中問下你d嘢, 又繼續3個講, 就係咁折磨我到12點幾,都好可以同verso食lunch, 真係難得機會, 剛好她要去TST做嘢, GOOD!!!! 於是我地決定去TST食嘢, verso帶我去食個間日本餐廳, 都得得地喎, 48蚊set lunch, 又幾好味, 又唔收加一正........

本來想行下TST, 但諗下都唔好咁過份, 都係返工吧! 平時係公司好似好多時間, 但朝早唔係公司唶,返嚟就好似好忙碌咁, 懶忙個隻 .

晚上返手語班, 今晚是最後一堂, 死啦!, 之前學咗個d都唔記得哂啦, 28號重要畢業時表演手語歌,幸好我只打頭個3句, easy, 哈哈!!!!!!! 

今朝如常返到教會,敬拜我地親愛的天父, 今天我要犧牲我嘅主日學, 因要同媽咪慶祝母親節, 不過

估唔到媽咪竟然要食韓國烤肉, 我最唔鍾意食的, 但冇辦法啦, 難得媽咪高興, 食就食啦, 我揀咗去

銅鑼灣Kaya度食,  睇見餐牌價錢, 都幾貴喎, 一碗冷面都要100蚊, 都係食烤肉最抵, 佰幾蚊有交易,結果埋單盛惠770蚊, 都ok啦, 成5個人喎 !!!!!

跟住我地一行5人, 包括我老公, 媽咪, 阿儀, 家萊, 去行sogo買生日禮物俾阿b(二家姐個女), 超奇怪地阿B竟然話要Barbie做生日禮物, 真係估佢唔到........因佢平時玩開超人, 幾時變得咁lady, 莫非咁快女大十八變, 買完後, 又陪家萊睇泳衣, 係睇三點式, 真係青春無限..................

年紀大,冇咩體力, 行到呢個時候, 都十分累, 好想返屋企瞓番個午睡, 但係家萊又未知去邊, 唯有陪

多佢一陣, 去行咗銅鑼灣地帶, 買了一件T-shirt, 之後就去Jsuco買餸返屋企了, 諗住返到去想瞓陣,又忍唔住睇埋隻VCD"父子", 睇得嚟, 都係食晚飯時候, 本來想睇明珠台蜘蛛俠II, 但實在太疲倦了,明天又要返工, 重係星期一, 捱足五日先有得大休.............努力啦!!!!!!!!!!!!!!!! 

登......登........登.........面世啦!!!!!!!!!!!

第一次, 寫咩好呢？？？？？

就寫今日我家中多了２個客人，陪我度過這個無聊的星期六。佢地就係我個好潮的甥生女和我個賴到出汁的細妹，今日天大的面子，佢願意到我家中，不過佢事後都有d後悔，因為今日實在勁勁勁．．．．．．熱，無辦法啦，

幸苦你啦！

今晚佢重會請我地去食日本野，不過只限每人食２００蚊，真係分分鐘要倒貼，不過好小有機會一齊食野，又有人請，都係好開心。　所以今個星期六都過得幾好，唔駛呆在家發臭............