我終於今天下午book咗去照膀胱鏡,由於都係即做完即走, 所以叫老公冇需請假陪我, 就由我自己獨自去.  係公司隨便食咗個飽,就出發去St.Paul hospital了, 由公司出發去醫院, 路程唔遠, 但天氣實在太熱喇, 連我好小出汗的人, 行到醫院已汗流浹背, 諗番我只是20分鐘路程已經弄成這樣子, 難為老公每天都要係烈日當空之下工作,真係愈來愈感受到他的辛勞了, 在個一刻心想要對佢更好一點.(但只限在個刻........哈哈哈哈!!!!!!!!!!!!!!!)

去到醫院,辦理一般手續, 量血壓,體溫後, 就要瞓係度等醫生嚟行刑, 幸好今次林醫生都冇遲到, 唔駛我呆等咁耐, 除咗開頭放鏡時有點痛同埋要抽我細胞組織時就好痛外,照鏡過程總算順利, 檢查初部結果都係膀胱炎, 但為何食了幾次抗生素都唔得, 到而家重係個謎, 要等埋細胞組織化驗結果, 先再確定, 醫生唯有再開另外一隻抗生素俾我試, 希望今次真係有效啦, 如果唔係, 我就嚟食齊所有牌子抗生素了 ..............報告會在星期六有.................

原來痛苦還未結束, 返到屋企要去小便時, 邊痛邊去個種感覺, 係好好好.............痛, 雖然醫生一早已話我知, 做完後小便會出血, 但佢冇話我知係咁痛, 好慘..............., 幸好只是捱一晚唶.

感謝主!!保守我檢查過程順利!!!!

感謝主!!保守我檢查結果只是膀胱炎!!!

感謝主!!昨晚在靈修中, 你給我應許和支持, 使我有主賜的能力去面對!!!!

你不要害怕, 因為我與你同在 ; 不要驚惶, 因為我是你的神.

我必堅固你, 我必幫助你 ; 我必用我公義的右手扶持你. (賽 41:10)

感謝各弟兄姊妹!!有你們為我代禱, 使我力量更大!!!!!!

林sir一早約好我們今日上完主日學後去飲茶, 分享下去完黃麻布村的感想, 之後我, candice, 金梨和基基 一齊去旺角中心間Neway搵Charles同佢班歌友唱K, 之前已成日聽Charles講佢地唱歌勁掂, 果然聞名不如見面, 個個都係唱家班, 有個Chris唱起歌嚟勁似李克勤, 個Emily又超高音, 重有個叫阿成一樣掂, 連Charles都好得, 相比之下, 我呢d把聲勁難聽, 又五音不全的人, 真係唔好獻醜喇, 梗係坐埋一邊聽佢地唱算吧啦......... 好彩我地有阿金梨和基基頂住, 都唔輸蝕.後來又嚟多咗一個叫阿蓮的女人, 嘩.........佢重勁, 簡值是徐小鳳上身, 佢又識搞氣氛, 又好笑容, 唔知以為佢登慣台. 

其實佢地成班人都好nice, 又好好傾喎,能夠有機會識下佢地, 都相當唔錯.................起碼有免費演唱會聽,而且有咁多歌手唱歌俾你聽喎, 超值...............

晚上約埋我老公同阿麗一齊食晚飯, 跟住趕返屋企睇魔盜王第一集, 但睇到11:00度, 睡魔已急call了, 未睇完已返上床瞓喇!!!!!!Good night!!!!!!!!!!

係4月中個body check的結果度,基本最重要嘅腸和胃都冇事,但醫生話我可能係膀胱炎,於是俾咗抗生素我食, 但其實直到而家, 我小便唔舒服的問題都冇咩改善, 前日我忍唔住再去睇醫生, 當然佢梗係又想我做內窺鏡檢查啦, 吓!!!!又嚟唔好喇掛, 上次body check已經折磨死我, 加上我上次嘅checking已差不多claim盡我份保險, 問醫生大約又需要幾多錢, 佢話都要萬幾蚊度, 今次真係暈....., 我同醫生左商量, 右商量, 最後決定再食多次藥先, 睇下點喎...........佢今次俾隻靚藥我咁話, 又話如果真係膀胱炎的話, 食呢隻藥一定好, 咁如果唔好呢??????? 唉!!!!!!!!!!咁就慘喇......不但金錢上損失, 加上又要受皮肉之苦(因今次我唔會住院, 所以醫生話唔會打暈我咁話, 即是我要有知覺咁俾佢攪, 陰公), 其實令我擔心係唔知我身體又出現咩問題, 唔係膀胱炎, 會係咩病..................醫生話可能咩肺結核, IMPOSSIBLE 無端端點會有的, 佢話我做完化療後,個人身體會弱喎, 感染咗都唔知, 而且細菌會周圍走, 不過佢又話應該機會好微, 真係咩都佢講哂.......激死人!!!!!!!我睇今次我都避唔到喇,照就照啦......................

神呀!!!!我知我4月個次考驗唔合格,曾經因為未得神的醫治而有埋怨神,對你嘅信心唔夠大, 今次你是不是又嚟考驗我嗎????? 各位兄弟姊妹呀, 請快快為我祈禱吧, 祈求神賜我信心, 在今次事上, 完全交上俾神, 求神的醫治, 感謝主!!!!!感謝大家!!!!!