第一堂的課題是異象分享, 耶穌走遍各城各鄉去醫治有病的人, 去憐憫困苦流離的人, 我們也要像耶穌一樣, 走遍各病房, 去醫治病人的心靈, 用憐憫的心去關心醫院裡的病人, 最重要是有個心志是要與他們同行, 陪他們一同走過這段困苦的路, 幫助他們由黑暗走出光明.........................

嘩 !!!!聽完之後, 做一個院牧義工真是唔簡單, 還要是同一個陌生病人溝通, 點樣打開話題, 點樣建立關係, 點樣使他願意和你分享他內心的問題, 點樣去安慰他, 點樣去幫助他, 面對咁多點樣, 都未正式開始已有點擔憂.........................
加上范院牧都提到並不是我們有心想做, 就有能力去做, 要看神有無賜我們這方面的恩賜給我們, 而在實習的時候, 已會知道我們有無這種恩賜, 真是想做都未必能做得到, 唯有不斷求神賜我這方面的能力.........................

希望大家都為我在這件事上代禱, 力量大d麻, 唔該哂!!!!!

今日終於知道妳叫Maggie, 重同妳交換了電話號碼和MSN, 好開心妳邀請我星期日去妳遊船河, 但其實我是怕曬的, 加上要返教會, 所以妳的好意唯有推卻.............

都知道原來你都有返過下教會, 都相信有神, 但就未決志信祂, 覺得現狀的感覺很好, 鐘意幾時想返就返, 其實我當時好想和妳分享我的經歷, 但又驚妳以後怕了我, 我唯有鼓勵妳多返教會, 多參加音樂佈道會, 從當中可以更加了解神, 希望日後我有機會可以和妳分享神的訊息............

天父 ! 求祢在Maggie身上動工, 使她能認識到主祢, 經歷到祢大能, 賜福在她身上, 使她願意打開心門, 讓耶穌成為她的救主, 她心中有阻礙的, 求主祢為她移開, 奉主耶穌基督聖名, 阿們!!!

今晚要上手語進階班第二堂, 但上一堂的手語,已有些唔記得了, 死啦!!!
有人話你打過全身麻醉藥, 會記憶力變差, 咁我近呢三年, 都打過幾次麻醉藥, 唔怪得我d記性真係愈來愈差...............

放學後, 搭小巴返屋企時候, 坐我隔鄰的女仔, 見我對手郁郁 (其實我當是溫番剛學的手語), 就瞄了我一眼, 佢梗是以為我是short short 地的, 我唯有停手唔做, 但佢真是好似俾我嚇到了, 見佢都有望我, 真係搞笑................

瞓了一個唔知有無瞓的覺, 朝早7:15已要起床梳洗, 唔知係咪神體恤我們辛勞, 恢復供電後冷氣勁夠凍, 居然要蓋被, 好舒服...................
由於昨日好早食晚飯, 今早起身已十分肚餓, 現在又唔可以食嘢, 因要等全部人都梳洗完, 然後一起靈修完先食早餐, 唯有忍忍忍...................

終於可以食喇, 係蓮蓉飽和糯米雞, 重有荳漿, 正呀...............我食了2個蓮蓉飽和2杯荳漿, 好滿足了, 準備開始我們今日的行程-家訪, 我被安排同2位青少年一起去, 被訪家庭個媽媽已經信了主, 都有返教會, 但佢先生雖然信了,就唔願返教會, 他寧可選擇瞓覺, 所以去到時, 他還未睡醒, 還有她的一對仔女, 都是未信的, 我本來想同佢個仔傾下信仰, 但佢個仔勁cool, 對我提問完全冇反應, 弄到我十分尷尬, 唯有轉換話題, 問他學校的生活, 起初他都不願答, 到後來都有傾談, 可惜開始熟絡時又要夠鐘離開, 沖沖咁為到佢家庭祈禱, 就趕去食飯, 因已遲了5分鐘, 點知羅太十分熱情, 知我們去東江食飯, 堅持要車我們去, 但她又開不著車子, 最後我推卻她的好意, 因再等下去, 林sir佢地以為我地迷路的, 最終安全到達飯店..................

實在天氣太熱, 面對著飯菜, 都沒有胃口吃, 加上早餐都未消化完, 所以只吃了少少, 跟住我們又要趕12:30崇拜, 今日我們需要在崇拜中獻詩.
因禮拜堂裡沒有冷氣, 所以我們獻詩時都大汗淋漓, 今日又有大約十個人信主, 而我又要出動我d超普通的普通話和2個新信主朋友傾談, 感恩佢地都好友善和包容我d普通話.....................

又係時候要離開返香港了, 本來我都好擔心今日接載我們的van又是沒冷氣, 哈哈..........點知是有的, 真好................原來昨天冷氣壞了, 今日為了我們趕修理好的, 唔該哂司機哥哥............
到達黃崗口岸, 已見老公等著我, 好喇!!! 可以放下行李俾佢拿, 輕哂...................
 

今次2日一夜短宣行程, 雖然天氣係好熱, 不停咁流汗(呢2日所流汗等如我一年所流的), 又經歷過停電, 但大家都為著同一目標, 互相幫助,互相扶持, 這個體驗實在好好................
過程是有一點辛苦, 但內心是喜樂的...........................
感謝主賜我有參與的機會, 從當中令我對自己的信心和勇氣都有很多的得著, 每一部份的參與, 都對我日後在事奉方面都有很大的幫助和鼓舞...................加上今次是同但以理團的青少年一齊去, 其實在她們身上都能有所學習和提醒, 我真好希望下次有機會都能和大家一起為神國度盡心,盡性,盡力....................期待著!!!!!!!!!