隆隆......................幾下雷聲, 把我從夢中驚醒過來, 看看鬧鍾, 只是凌晨4點多, 想起今日要去南丫島郊遊, 就立刻祈求神, 保守朝早天氣轉好........................

 嘟嘟嘟......................今次係俾鬧鐘聲弄醒, 要起床了, 再看看天空, 正................., 冇下雨了, 可以照原定計劃, 本來約了Alice 和Charles9:45係中環MTR IFC 出口等, 又係自己衰, 想食埋早餐先, 於是又搵埋Rebecca 係坑口間大快活食早餐, he he.......,唔駛講又遲咗d到, 好彩Charles重遲個我, 但Alice就一早到了, 重出錯出口, 幸好左約右約之下, 大家都安全到咗碼頭, 趕得切搭10:30班船, 昨晚雷電交加, 今朝天色晴朗, 且非常熱, 好快到咗榕樹灣碼頭, 大家都好醒目攞齊防曬工具, Sherman最堅, 咩都有齊, 黑超, 帽, 傘, 蚊怕水, 防曬用品...................講得出都有 .

南丫島我都有7,8年冇踏足了, 環境依然冇變, 我地就係陽光勁射之下, 由呢個榕樹灣出發, 沿路都有d鋪頭仔, 其實條路都唔難行, 但天氣實在太熱了, 惠儀第一個已經頂唔順...............好嘢!!!!!!!!!!率之到了洪聖耶灣, 第一時間品嘗豆腐花, 其實大家想休息下......., 係咁熱天氣下, 食碗豆腐花, 確有消暑功效..............大家實在唔想再行住, 就係呢度自由活動時間, 阿Denis最開心, 捱咁耐, 終於有得玩, 玩沙的, 玩水的, 影相的, 我就企下沙灘咁啦 , 我呢d老人家, 企一陣已經唔得啦, 要返番豆腐鋪坐下, 再嘆杯冰凍豆漿, 超爽爽........................在等梗其他人時, 我地就商量下一個行程是怎樣, 繼續用個幾鍾頭時間行去索罟灣, 定係返轉頭, 當然我地呢班老人家梗係選擇行返轉頭啦, 哈哈!!!!!!!!!!!!!!!!!!但是我地係民主的, 要等埋其他人的意見(呢d就叫假民主............)

就係咁我地最終決定行番轉頭係榕樹灣食飯, 好彩我們有呢個決定咋,如果唔係, 我地可能俾雷劈............... 因行到中途時候, 竟然下著傾盆大雨, 又行雷, 又閃電, 同頭先炎熱天氣, 簡直係極端, 正所謂"天有不測之風雲" 一d都冇錯, 而且體驗梗, 呢場狂風暴雨, 令我們全部人都濕哂, 有傘都死個隻, 不過最慘係金梨, 原來佢好怕雷聲, 真係嚇到佢喊!!!本來我地計劃去食海鮮, 但實在係太........大雨了, 我地隨便走入一間茶餐廳食飯便算了, 海鮮餐下次啦

因為我地鞋襪都濕哂, 所以有d人都忍唔住去買拖鞋著(咁都好, 都叫做shop下ping), 之後我地搭3:30船離開. 就咁結束南丫島之旅, 點呀 !!!係咪好無聊呢........................初頭我都有咁諗法架, 真抵打.............後來第二日收到金梨個e-mail, 寫得好好, 即刻覺得唔係無聊, 重好開心有呢個機會同大家風雨同路, 我真係好希望係我往後日子當中, 無論遇到咩事, 都有大家相伴......................

金梨語錄: 

 今天，

  

好耐好耐都未試過一早5:00已要起床準備, 天還是黑黑的, 雨還是下著的, 但都無損我的心情, 因今日終於有機會去跟班姊妹去黃麻布村教會(上次因有病, 不能同行), 其實我都有4,5年時間, 沒有返大陸, 深圳變成怎樣, 我都不知道. 我們一行4人, candice, sherman, 老公和我就由太子搭黃巴士到黃崗, Rebceea 就由藍田在黃崗等我們, 我們很快已到了黃崗口岸, Rebecca 已在黃崗呆等我們(sorry !!係我地去咗食早餐, 先遲咗小小), 非常順利到了深圳, 再meet 埋 Walter坐他的車直去黃麻布村.

去到黃麻布村, 剛好林sir租用的車在我們後面, 真奇妙, 約埋都冇咁準時...............一入到教會, 第一個感覺就覺得間教會都幾大,而且都幾舒服. 他們剛好做完早禱會, 見我們到來, 就非常熱情跟我們握手, 由於太大雨關係, 我們留在教會中等待,稍後我們要去家訪, 林sir叫我們同其他弟兄姊妹傾下計, 無辦法啦, 唯有硬著頭皮, 用我極普通的普通話跟他們交通.....交通.......肯好他們都很包容我d普通話, 過了一陣, 雨還是下著, 但都要出發了, 今次我同Susanna一組 (哈哈 !! 係我要分組時, 企埋去的, 都幾奸狡架!!!!)   

我們探訪個家人姓羅(基本上成條村都係羅氏的), 他的媽媽已是基督徒, 都成80幾歲了, 而羅生就60幾歲, 他非常 ..........十分之健談, 簡直滔滔不絕, 好艱難先找到空隙同佢做份問卷, 其實份問卷真係好有用, 從問問題當中, 知道佢原來在小孩時, 已返教會, 對耶穌的名字都知道, 但由於忙於工作, 所以 都甚少返教會, 其實他屋企同教會只有幾十步路程, 況且他現在也退休了, 於是我就邀請他陣間返教會崇拜,  但他沒有答覆, 只是在笑, 當時我心想他一定唔會返了, 但神的作為就是那麼奇妙, 他居然有返崇拜, 還在呼招時站出來, 感謝主!!!!!!!!!!!!!

其實我們還去另一個姊妹家中探訪, 她是教會的詩琴, 她的弟弟因年多前遇上交通意外, 弄至昏迷, 直到現在, 只能眨眼, 沒有反應, 雖然家中遇到不幸, 但睇得出一家人都沒有灰心, 仍好努力照顧她的弟弟, 有份對神的信心, 盼望有奇蹟的一天(願神讓這家庭繼續保守著這份信心, 時刻仰賴主, 願神降下醫治大能在這弟兄身上,  阿們!!!!)

感謝主!!!!!!!!今次有6個人決志信主.

感謝主!!!!!賜我機會參與當中, 看到神供應是那麼足夠, 雖然這間教會仍存在一些問題, 人心的冷淡, 教導和跟進的人手都不足等等........ 但深信神有佢一定的預備 和安排.........

晚上再meet 埋我老公同明哥,由Walter帶我們去"魚米之香"食晚飯, 嘩!個度都幾大, 又有好多嘢食選擇, 重有我恨食好耐象拔蛘, 正正正, 我地8個人, 埋單都只係六佰幾蚊, 超..................抵呀................ 

已經很累了, 返到屋企都差不多11點, 不過今天過得咁有意義, 累些少都值得嘅.......................................

弟兄姊妹呀!!!今晚好好休息了, 我們要仍需加油, 努力為主國度盡心盡力.........................

p.s. 哈哈!!!!! 我終於食到走地雞, 好好味..............

 而家晚晚都有追"溏心"套劇, 最記得那句"甜的吃,苦的也吃" 人生總有起有趺, 順順利利的時候, 固然要好好享受, 遇到因境的時候, 也不要怨天怨地, 要懂得從逆境中取得學習, 眼見有時身邊的朋友, 沒有人生的目標, 日日返工... 放工......, 生活枯燥,乏味, 遇到心情唔好的時候, 就極慨嘆咁埋怨做人好辛苦. 其實人生命的長短, 我地唔知道,亦都控制唔到, 我地唯一做, 就是要去筐? 但我地就有絕對自由去選擇我地的生活方式, 點解我地唔去選一條是能帶給我們有盼望, 有平安, 有喜樂的道路...................神創造我地人類, 原是要同我們一齊喜樂, 去享受, 神對我地的愛一直都不變, 只是我地人類背棄了神, 認為自己所擁有的一切, 都是理所當然,忘記這些都是神所賜予, 我們被金錢, 慾望 所沖昏, 安穩的生活, 令我們經不起考驗, 如果每一個人都能識得倚靠神, 就能做到"甜的吃, 苦的也吃" , 如果每一個人都能願意被神去改變, 這個世界就充滿著愛, 如果......................................he ! he ! 太多如果了, 不過這個日子一定會來臨.

各位親愛的朋友 ! 唔好再埋怨做人辛苦, 辛苦與否, 是由我地自己去選擇. 開開心心的過每一天吧!!!!!!!!!  

 "你要專心仰賴耶和華,不可倚靠自己的聰明, 在你一切所行的事上都要認定他, 他必指引你的路" 箴言(3:5-6)