好事1. 行到村口, 就來了間小巴, 不用企在馬路邊呆等和暴曬...............

好事2. 因每朝返工時間等車, 都係來來去去個幾個, 其實大家都已熟口熟面了, 只是平時大家都好Cool咁, 目無表情, 只有其中有一個女仔, 每次見到佢都會點頭, 講早晨, 但就從來沒有交談的, 但今日終於有機會傾計了, 佢剛好坐我隔鄰, 我們就開始閒話家常, 我地傾到落MTR先分道揚鑣, 雖然我都唔知你叫咩名, 但真係好高興可以認識到你..........

好事3. 重未發生, 重等梗, he he ............  

嘆完我個日式藍莓飽和荳奶後, 開著部電腦update下我個blog先, 自從有自己blog後, 原先都怕自己會係"有頭威, 無尾陣" 個隻, 但而家寫寫下又覺得幾OK, 將自己生活點滴記錄下來, 日後再睇番曾經發生個咩事, 都是一個不錯的回憶...........................

寫寫下發覺部電腦又開始有毛病了, 有d想hang機, 為免我寫了的日記會突然消失, 我都是給電腦抖抖, 比較穩陣了. 打開電視機, 一如所料, 個個台都係播扒龍舟, 睇now又係播d睇咗N次嘅戲, 唔該喇, 明知假期, 就播番d好戲, 照顧我地呢d無聊人呀麻.

突然見到原來我有花樣少年少女套DVD, 好照殺, 好過無啦........................

睇睇下都無想像中咁悶, 雖然都係一貫劇情, 男主角點樣犧牲去保護女主角, 而吳尊樣貌和角色的討好, 又確係難怪有咁多少女都鍾意佢喇.  而我sorry,已一把年紀, 唔會對偶像有興趣了..........

嘩!!!不經不覺已成8點鐘了, 老公都已放工, 好嘢!!!!!!! 等到有晚飯食, 因我成日就是食了3個飽而已, 超肚餓..................

唔好意思老公, 你工作咁辛勞, 都要你回來煮飯我食, 無辦法啦, 鬼叫你老婆我咁懶, 又唔識煮, 其實有時我都覺得對你唔住架...........................

多謝你老公, 多得有你對我寵愛, 我先可以繼續懶惰, 哈哈..........................

今天教會邀請了橋路通的黃錦培弟兄來分享佢的見證, 司徒就是參加了佢地個會, 時常和呢位黃弟兄上廣西做短宣的工作, 而今次8月的短宣, 我們亦是參與他們的............

值得一提的黃弟兄是一位盲人, 但佢都不怕辛苦, 不怕盲了帶來的唔方便, 甘心接受神為佢開的道路, 完全順服神的意思, 將宣教工作帶到中國大陸偏遠地方, 當然最初佢都不是立刻去順服神的意思,要經歷很多失敗,先可以到今日的境況, 但從佢的見證當中, 看得出神是很懂得用人, 就算你是身體有缺陷的,神就是知道你有這能力...................

神創造每一個人都會有佢專長, 雖然到現在我還未知道,我有什麼恩賜能被神去使用, 就由神繼續為我去開路.......................... 

今天我老公要幫朋友搬屋, 惠儀又要陪佢阿爸飲茶, 慶祝父親節, 我又約了金梨2:00返教會做本通訊, 無人陪我食午飯, 唯有唔怕醜咁同惠儀的爸媽一齊飲茶, 唔好意思呀, 你地家庭樂多了我這個外人, 哈哈................

飲完茶返到教會, 金梨還未到, 就去搵下今個星期五小組唱咩歌(因我要帶哂全程), 正在苦惱唔知唱咩的時候, 原來有人通知今次頭2part又係合組, 而且是由金梨負責帶敬拜, 哈哈.........辛苦妳喇.

好不容易等所有弟兄姊妹用完部電腦, 輪到我地用了, 今日金梨身體十分唔舒服, 但為了本通訊, 都支持住回來, 真係令我有點唔好意思, 不過幸好有你同我一齊整, 如果唔係, 我都無從入手, Thanks............................

我們弄本通訊到差不多6:00, 大致上都可以, 只欠其他資料就可以完成, 希望趕到預期時間出版....................

跟住我約咗老公在深水埗等一齊去銅鑼灣食晚飯, 因今晚要同爸爸慶祝父親節, 更難得係我大家姐可以今晚有時間到, 佢是一個超級大忙人, 我們一年算得出見過幾多次, 一齊食飯一年都有一次的,去到銅鑼灣時間尚早, call家萊知佢同阿儀係K2買衫 (阿儀係因為佢部notebook腦幹死亡, 要找姐夫急救, 所以去咗荃灣), 見到佢地又有收穫, 真開心, 我為了慳錢, 就忍忍忍......................

係Sogo meet 埋大家姐, 去行Tiffany, 原來我大家姐想買生日禮物俾我, Oh !! so sweet.....之前只是係電話同佢提我睇中了隻介指, 估唔到真係有, 而且重買埋條手鏈俾我, 超開心, 咁大個人第一次擁有Tiffany, Thanks my sister!!!!!!!!!!!!!!!

我們今晚食晚飯地點係利舞台-客家好棧, 爸媽已在樓下等我們, 真係好開心, 除了有禮物收外, 當然係可以一家人一齊食飯, 在我們來講, 這些機會是十分難得, 真是要好好享受呀............

Thanks God !!!你賜我有愛我的家人...............

Thanks 爸媽 !!!你們對我咁耐以來的體諒...................

Thanks 家姐 !!!你賺錢咁辛勞, 但對家人都咁十分慷慨.................

Thanks 阿儀 !!!因有你參與, 使今次家庭聚會更加完美................

Thanks 家萊和你的愛人 !!! 雖然你地笑我手指肥, 帶介指唔好睇, 但都好多謝你地嘅意見.........

Thanks 老公!!!你對我家人的體貼.....................