因我要上院牧義工訓練的關係, 所以遲了入埸, 去到時剛做梗話劇, 幸好金梨還未出場.............
跟住到女子組合ETERNITY唱歌, 我曾經在電視上見到她們的訪問, 佢地唱個首"回家" 好好聽, 有機會都要擺上我blog度先.............

今次音樂會有點特別, 有中場分享時間, 將我們分開一組組, 而且有專人跟我們分享神的福音信息, 對未聽過福音的人來說, 的確是一個機會, 果然是個好方法, 唔駛只坐著, 睇完就走, 起碼大家都有交流過...................

金梨同Kei Kei終於出場了, 佢地指揮好勁, 唱腔成個莫華倫咁, 哈哈..................

感恩 ! 感恩 ! 阿Ginny和阿Ann都在今日決志信主, 真係估唔到阿Ann可以咁快決志, 再一次證明神的作工是多麼奇妙, 勁................

雖然Alice還未領受到神的恩典, 她被假偶像阻撓住, 求神軟化Alice的心, 使她能明白和相信神的信息, 使她能不靠自己, 不靠偶像, 只靠耶穌, 阿們....................

諗番自己家人都未信主, 特別是我父母, 看見他們年紀漸大, 身體亦不斷有毛病.........最近阿爸覆診時, 驗到佢的糖尿病又嚴重了, 如下次驗的度數還是高的話, 要打針, 加上佢有一隻眼視力已出現問題, 而阿爸又不願去尋求醫治隻眼, 真是令人擔心...................我真係好想在他們有限生命當中, 能遇見神, 求神派位天使降臨在我家人當中, 叫他們都能認識到祢....................

肉痛
今晚放工約了惠儀去中環買洗頭水, 由於8月開始加價, 所以我入多2支洗頭水和護髮素, 加埋買了枝搽頭, 本來想買多枝搽頭的, 但實在太貴, 算吧了, 唯有自己再慳點用, 埋單$2,xxx............

跟住我們再去旺角, 約了Maggie去看她的護膚品, 結果又買了一套, 盛惠又$3,xxx, 佢地講到套護膚品天下無敵, 又真係試下係咪咁勁,當然希望係有效就好了..............

駛錢真係容易, 一晚就用了我6仟幾蚊, 好好好...................肉赤呀

到要找咭數時, 死得...............

今日課題是病人的心理, 教我們怎樣觀察病人的表情, 有些病人做到表面堅強, 實質內心非常脆弱, 有些病人就不斷怨天尤人, 我們就要按著他們不同情況, 去幫助他們.
我們做院牧義工的, 最重要是首先關心病人, 和他們建立關係, 有機會才向他們傳福音, 千萬不要只顧傳福音, 而忽略了病人的感受, 這點應對我沒有問題, 反而要我一開始就傳福音的話, 就有難度了, 哈哈.......

原來這2堂理論堂已完喇, 跟住上的堂, 就不是只聽理論, 要開始同學之間的實習, 下一次是要學習聆聽, 我要繼續加油, 努力 !!!!!!!!!!