但不是我的工作, 相反我這星期公司十分free,所有日本人都返哂去日本放暑假, Simon幫我租了2套VCD在公司看, 真係好, 今日有節目, 唔駛悶, 哈哈 !!!!
我今日睇了"綁架"和"心中有鬼", 隻"綁架"還可以, 但"心中有鬼"就麻麻了...............

至於私事就真是好忙(對我來說是), 今個星期1,4,5 都要返教會, 星期六下午要上院牧堂, 晚上去Winnie媽媽嘅喪禮, 星期日返完祟拜, 重要上短宣訓練 ..................

本來約了Ruby明天一齊吃飯慶祝大家生日, 但實在太多時間不能在家吃飯, 我身體機能會頂唔順, 所以唯有犧牲明天的飯局, 甩了Ruby底, Sorry !! 

好耐都未試過咁充實, 有點唔多慣, 希望所有要忙的事快些完結............

今日Fanny call我, 約我食生日飯, 但又是推了, 要等到廣西回來先可以食...............
預計20號回來後, 又是忙於同人補祝我的生日.................. 

今日終於下大雨了, 可以為炎熱的天氣降下溫.........................

21位南韓基督徒義工, 還在阿富汗裡, 他們幾時才能被釋放 ????
點解總是要無辜的人民來成為政治的犧牲品??????

又時常都想追求下浪漫, 最好就算結咗婚, 老公都識得唔係淨係特別日子先有禮物, 平時最好都有點小驚喜, 個時唔知係咪睇得電視劇和漫畫多, 鬼死咁多不切實際的諗法, 自己都覺得自己有病, 哈哈...................

到今時今日, 已沒有什麼感覺和期待的心情了, 因好多朋友已各有各忙, 重有慶祝的, 只是兩三班的要好朋友, 同老公亦沒有什麼節目, 寧願係屋企食飯就算, 送花而家真係唔要了, 要我拿著d花我都覺得肉酸, 同埋真係好浪費, 我都唔知點解個時咁恨要................

所以話結婚時間一耐, 所有咩浪漫, 都唔會再有所期待, 而自己亦都唔會去渴求, 反而現在只想兩人能一起, 健健康康咁過平靜生活, 每日都能同佢睇下電視, 有時說下笑, 都覺得好滿意了............

人真係到了唔同階段, 就會有唔同諗法, 就快又大一歲喇, 而家我目標只想唔好浪費我的每一天............

早上返完教會, 和惠儀, 金梨食個午飯, 就分道揚鑣, 佢地兩個去恩福堂的祈禱大會, 我同老公meet埋阿麗個女就出發去朗豪坊UA, 去到時間尚早, 就行咗去隔鄰遊戲中心度, 本來都係睇下別人玩, 點知我老公見人挾到公仔, 佢又心郁郁就去挾, 咪玩啦, 結果又冇咗50蚊, 超無聊呢!!!!!

都唔知我係咪太累的關係, 我睇睇下套戲竟然睡著了一會, 幸好都無miss咗重要情節, 雖然其他人都話第五集麻麻地, 但我又覺得並不是太差, 只是覺得哈利仔真是佬咗好多, 同埋唔多like張秋個副懶楚楚可憐樣唶, 都埋佢地kiss個幕太牽強了..................

睇完戲之後, 就約番阿麗食晚飯, 食完出發去又一城睇我份生日禮物, 終於在Anges b睇中個袋了, 總算解決了我份禮物, 多謝晒喇..................

真係年紀大了, 返到屋企已經好勞累, 諗起重要做敷成粒鐘個mask,就...................
不過無辦法喇, 女人唔補好易老, 幾累都要做.................

Good Night !!!!!!!!