今日小羊食完午飯, 響休息室梳化小休"昏迷"既時候, 突然香鐵人事部打俾我, 叫我去多次抽血, 小羊問多次係乜野野唔夠標準, 佢話係因為小羊既血紅蛋白低過標準, 所以要進一步抽血化驗, 睇下有冇貧血既問題.

所以急急腳咁拿左no-pay leave, 即刻飛去九龍灣抽血...

大假已經放晒, 但係no-pay leave冇得拿半日, 要拿整日no pay. 所以今個上午我係一個服務市(刁)民既義工~

不過, 如果香鐵果度搞掂左既話, 果三四百蚊有乜所謂丫~即管豪俾呢個硬膠政府部門啦!

而家都好, 知道香鐵唔係話我膽固醇過高, 而係血既問題.

小羊響三年前做過驗身, 其實醫生都話我有呢個問題, 當時小羊冇捐血既習慣. 醫生覺得小羊既數據, 似係因為有隱性地中海貧血基因所致.  不過唔會影響正常生活既.

 另外, 香鐵人事部話, 驗身係睇下我身體能否應付到日常職務, 如果冇乜大病既話, 佢地多數都會聘用~

 下星期二三就知請唔請, 小羊唯有繼續禱禱, 交俾主主安排啦~

尋日同小羊既同grade同事, 響洗手間時談起, 佢已經考到統計署既公務員位, 黎緊8月15日離職.

回想返小羊響2006年3月扎職至今, 同我一齊入黎既都各有發展... 其中一個去左水安百貨做市場主任, 今次呢位就坐正做公務員, 唔駛做政府既二奶工.

如果計埋小羊既話, 咁我呼貪果度就會響九月前走左兩把掃把, 打回2005年8月時既原形

不過冇所謂啦~ 如果真係想搞好個工作環境, 管理層唔應該用埋D屎忽招請人 - 即係連非公務員合約(二奶)條款都唔用, 反而經人力資源公司請人(情婦)幫手, 果D人名義上係幫政府做野, 其實真正既僱主係果間人力資源公司.

而家走一個二奶, 就搵一個情婦sip位. 到而家都冇聲氣開公務員位, 響裡面繼續做既人, 一響出面搵到好路數既話, 就梗係走啦.  況且而家個電話中心既表現下降, 我諗唔駛一年就會摺埋交俾1823政府熱線. 到時就可以玩遣散嚕

小羊有一名下屬 (其實佢都經驗豐富, 之前佢響牡丹樓快餐店做manager既, 不過"落難"所以去到呢度做), 佢同我講, 話我老闆問佢, 有冇興趣sip位升做掃把.  我同佢講, 如果掃把份約唔係二奶而係情婦既話, 就真係唔好劑... 人工唔多得幾多, 就連二奶既保障都冇... 況且佢而家係二奶合約, 梗係留低唔好去啦~ 一做左情婦之後, 就返唔到去做二奶, 真係完全冇保障. 

讓市場力量繼續懲罰呢班腦部長期受盆骨壓著既 "管埋層" 啦!

小羊幻想緊九月時 "前" 公司既光景 - 得番一個二奶掃把, 三個情人掃把,電話越來越多, 加上垃圾級既"時時必死"客務系統, 真係心都涼晒~ 

 另一方面, 小羊仲未收到香鐵既消息... 希望聽日會有消息啦~

 訓先.

早幾日香鐵既驗身, 收到診所既電話, 佢話小羊既血有D野出現少少 "擲界" 既情況.  而家小羊怕怕香鐵唔會會因為呢個原因而唔請我喇

記憶所及, 小羊響2005同2006年既驗身, 報告係話我既總膽固醇度係borderline, 我估今次香鐵既驗身都係指呢樣野.  之後我同香鐵人事部傾, 佢話下星期會知道請唔請, 因為我既驗身報告會交俾officer級既人睇...

無論香鐵請唔請, 小羊要開始再審視自已既飲食習慣...

朝早我好多時都係食一個"加鈍" 圓餐包或牛油包做早餐, 不過呢D包都係有油既成份, 甚至有D係反式脂肪油... 所以而家改食燕麥片, 由聽日早餐開始... 希望可以減底膽固醇量... 

同埋而家開始要戎即食麵, 同埋減少食量... 出街同朋友飲啤酒唔飲一樽, 只飲500ml為限, 以免吸收過多熱量.

哎... 希望香鐵份工唔好出事啦...

引文至 http://blog.mingpao.com/kinng.htm

曾先生，你叫香港人請不要內耗，要面對將來的問題共同努力？請問你這句說話有沒有止痛劑？沒有？那麼請先看以下兩位同世代的人的故事。



颱風過後，做完gym去吃壽司，鄰桌有一個男人對他的男朋友說：「打風喎，有同事要回公司。可是沒有政府車，叫我們自己坐車回去。八號風球要上班，自己坐 車不是問題。政府是有規舉不可以由家車回公司的，說怕人濫用。可是，如果有甚麼冬瓜豆腐，我們這些合約工，勞工保險是不會受理的。有同事住在天水圍，回到 公司已經全身濕透了，要她坐在辦公室『等有事發生即時回應』，一邊吹冷氣一邊打冷震，看見就可憐。誰知，我有一個同事跟大老闆說風暴天上班的種種問題，那 人渣竟然說：『如果你一出地鐵，看到一地也是水，你會如何？現在你不是好好的在這兒嗎？有甚麼危險？』



「哈哈哈，現在好玩了。最近出了新memo，說如果八號風球紅雨黑雨你回不了公司，就要收warning letter。」那個男人啜一口茶，說。



那是簡單的邏輯。你班新一代，你想在政府工作嗎？你是合約工，你怕收warning letter嗎？八號風球上班很危險？你嫌廚房太熱，就別做吧！有很多更便宜的人可以替代你的位置。可是，如果你要做，就別那麼多聲氣。結果是甚麼？友人 A的手下，有兩個政府長工的前線工作人員，有一次天災，事發三小時才到現場了解情況。看著友人滿腳泥濘，他們交出的表情是：「我沒有政府車，我要坐公交。 我沒有車啊！阿Sir，我都好想盡快到現場呀！」現場有兩個出事地點，Ａ地點是甲管理的，Ｂ地點離Ａ地點只有兩米不夠，那個像太監一樣的政府長工甲說： 「這個地方是不是我管的？我要回公司看看才成。」一來一回，要至少四小時，那時候，可能已經死人了。為甚麼1823不可以解決市民的問題？因為，政府這個 機器現在的運作方法，是你扮工作，就可以上位。不是你的工作，別做。多做多錯，少做少錯，唔做唔錯。那麼，那些服務承諾是如何做出來的？就是靠那些榨取年 輕進取有責任心的合約工，俗稱「捽」出來的。



友人B是唸資訊科技科技工程，是董時代最吃香的大學科目。畢業後，他在一家政府學校當資訊科技助理，即是負責看管老師們的電腦，不可以讓他們工作的時候玩 ＭＳＮ。或是把學生私自下載到學校電腦的online game、明星春照刪除的工作。今年已經是第四年，學校依然是把他沒有把他當成自己人。學校閉門失竊，那些校務處的文員竟然在他面前說：「肯定不會是我們 自己人做的啊！我們又不是合約工。」之後就把視線移到友人。教育改革說要拆牆鬆綁，引入資訊科技，加入「合約制」的資訊科技助理，要年輕的大學畢業生做今 天沒明天的工作。



面對眼前的困局，你可以明白，我們每天在刀口，在生活重壓中渴望合理的回報。我們都渴望前路就算崎嶇難行，也希望有天也會好過來。別跟我說這一代是草莓族 捱不得。君不見六十年代在洋行上班的，會跟你每天工作十小時。君不見六十年代的上司看著一個年輕人，只會把他們當成工作的奴婢，而不是可提攜的後輩。 Jimmy's Kitchen的企堂大哥說，律師們星期五下午已經long lunch。現在？我當實習律師的學生，一天做十六小時啊。廚房太熱就別做？大學貸款、家用、家中的樓按、女朋友家人說要有樓才可以「考慮」結婚啊！你叫 人生三個孩子，吃喝拉睡讀書打機學鋼琴，一個孩子一年到晚至少有二三十張賬單。以前的香港人常說：「我唔食屋企三條化骨龍都要食啦！」你叫我們如何撐下 去？



不要內耗？好，那請你問一問香港最大的僱主－－政府，你們社會賢達建構出來，一向以為是持之以恆的「香港成功方程式」，是如何對待香港的中堅份子？別說我偏激。我還慶幸自己有力呻吟。當我們痛得無言，香港就絕望。

 

今日睇到某討論區, 係提及香鐵既... 佢成日彈香鐵既不是, 並且話去做非公務員合約工, 就唔會俾人抄.

小羊好憎呢D人既工作態度. 所以有以下既貼文.

願主主紀念保守小羊此刻既熱心, 因為人(羊)係軟弱善忘, 但主主剛強,  誠實正直, 衪所定立既永不動搖.

但願主主保守qooza仍能繼續經營, 以致將來小羊響香鐵做到冇力既時候, 我會睇番我當時既立志, 重拾動力!

 ...引文開始...

 ...引文完畢...