上次我咪提過, 送左包裝朱古力俾獅子大王既... 佢收到之後好開心, 仲問我係咪自己整添~  獅子大王話要我帶佢去果檔格仔舖, 買番D送俾公司同事, 當做生日禮物~

今日小羊想買D得意野氹氹獅子大王 , 不過獅子大王唔要D現成品, 要一D有特式既野...

所以我去旺角信和中心拿靈感...  好多格仔舖都係賣D Kuromi呀, hello kitty既現成野....

去到最高果層, 見到202號舖頭, 一間叫 "豬仔錢箱" 既格仔舖閃著LED燈好醒神, 所以入去一聽... 裡面有一個叫 "甜蜜蜜" 既格仔, 放左好多自製既花花朱古力 但係價錢唔貴,十蚊有四粒, 而且手工精緻獨特, 唔係一 D現成既產品所以我買左一D番黎...

另外佢地仲有個心形盒盒, 22蚊一個, 裡面佈滿朱古力花花... 遲D有個朋友結婚, 打算買個當禮物... 不週等我試試獅子大王既反應先, 聽日出街時會送俾佢... 希望佢喜歡啦~

2008年6月25日 18:31, 係主主令小羊重現轉機既一刻.

今日掛八號風球, 之後因為響11:15除下, 所以要返工... 一整日既工作要半日做晒...

正當冇氣之際, 忽然黎左兩個電話 -

18:30收工, 收到個廣告電話, 係扮政府人員sell 持續進修基金既課程, 心裡無名火起, 所以小羊凶佢話, 我係聽持續進修基金hotline既, 問佢有乜野唔明就即管問我啦! 嚇到條女唔識認, 唔夠40秒收綫.

18:31, 收到香鐵既電話... 終於有offer!  人工雖然比現時果份(折實老強金)少$128, 不過香鐵有...

1) 13個月糧 (而家果份係簽約, 我估之後會續一年, 有約滿酬金, 酬金係大約一個月既人工)

2) 有醫療褔利(而家果份冇既)

3) 一年12日大假(而家果份都係)

4) 放銀行假期(而家果份都係)

5) 六個月試月期, 之後係長期聘用 (而家果份係合約制, 一年 or 六個月咁續)

6) 免費乘車 (而家果份? 就連俾錢用佢既野都冇折扣!)

7) 香鐵供P-fund, 唔駛好似而家咁, 要九五折出糧 (超剎食!!)

聽到個電話之後, 成個人都醒神晒~ 八月左右返工train三個月, 聽日會寄聘書俾我, 之後去驗身~

而家諗緊點樣響唔影響份約滿酬金下, 同老世講拜拜~如果可以響九月先training就好呢~

做左政府二奶工差不多三年, 終於有轉機響小羊前面... 小羊要努力, 勁過呢六個月!

多謝主主!

經過上星期四既筆試後, 前幾日香鐵人事部打俾我, 話約小羊今日面試.

面試好順利, 不過奇怪在, 人事部叫我帶工作同學歷証明, 但係面試官試後冇問我拿, 我問佢地既點解時, 佢話到聘用既時候, 就會要求我出示, 同埋如果請既話會響兩星期內通知我

小羊諗起四年前響九鐵面試既時候, 甚至叫埋我去驗身. 驗身既醫生都認為, 驗得身黎都好大機會入職.  當時心情緊張, 因為果時份工冇得續約, 所以患得患失, 最後收到不被取錄. 成個人down晒, 之後幾次既申請都係唔得

天下烏鴉一樣黑, 不過我呢隻烏鴉係一隻唔識飛、唔識叫既烏鴉, 不過小羊要感激主主, 佢俾我呢隻烏鴉既肉質都尚算鮮甜, 我可以拆佢既肉同骨黎充饑, 接近三年既時間.  香鐵係一隻識飛識叫既烏鴉, 小羊當然要襯仲有D青春, 放馬去試啦~

小羊呢幾年既領會, 就係人、事、物, 要努力追求, 但係唔可以過份執著, 如果唔係, 就會好似用手大力拿沙咁, 越捉得緊, 越容易流走.

小羊等面試既時間, 浮起一段經文...

"若不是耶和華建造房屋，建造的人就枉然勞力；若不是耶和華看守城池，看守的人就枉然警醒。" (詩篇127章1節)

小羊雖然想做香鐵, 不過如果主主要阻止既話, 都會係為我好, 同埋就算唔係做香鐵, 主主已經供給小羊日用所需, 將來都會係一樣.

主主哦, 小羊想做香鐵, 不過, 如果你唔俾既話, 就阻止小羊, 俾既話就請你賜下, 小羊只係謀事, 定事在你!

今日小羊去崇拜之後, 出街行唔夠一陣就冇feel行街, 返左屋企...

之後傳來獅子大王既電話...她的手電唔見左, 係響旺角小肥羊lobby度俾人扒左

獅子大王唔開心, 小羊要諗法子tum佢開心至得...

希望有奇蹟出現啦