今日點幾先起身，尋晚勁夜訓。跟住玩左一陣電腦，然後就出左去葵涌村打波。又要搭44M，e條線越黎越悶。去到見何B、牛演、Stella，又係「四窮人組」。跟住搓左一陣波，因為太曬既關係去左另一個地方打，又係打左一陣，太熱既關係又去左7仔休息。跟住係7仔不停傾計，各人都食左d凍野。之後又去左公園玩。玩「Dom Dom」轉，玩到想嘔= ="之後就返屋企。

妖，聽日又要返去對分同埋個個社際數學比賽。

p.s.快d練波啦！

今日放假，係屋企到冇野做，睇左《變形金鋼》，冇想像中咁好睇。打鬥場面勁爆混亂= =''，爛鐵滿天飛，只係見兩舊金屬物體不停相撞。不過都有d gag位，個隻迷你狂派(反派)用回力鏢攻擊d人類時，d人避開左，跟住個回力鏢打返隻野，臨死前話：「Oh Shit.」哈哈，搞野。

對我黎講有d失望，幸好上年冇去戲院睇。

為期三日既中國女排大獎賽—香港站今日結束，中國隊以三戰全勝奪得香港站冠軍。六場賽事唔得記得，講講四隊參賽球隊啦。

古巴：終於一睹小路易斯(1號，主攻手，香港譯音為露絲，但我覺得小路易斯適合d)既威力，打過三屆奧運會既老將，今年仍然打主力。雖然冇第二位古巴主攻手既彈跳，但有速度、經驗，好少機會被直接攔死，而且佢個人好親民！其實我覺得古巴得第三唔太意外，係第一場對中國隊既時候有一段時間超水平發揮，我想同古巴個兩位二傳手/後二有關。Santo(2號，二傳手兼接應二傳，香港譯音為珊道絲)攻擊力超強，2號位修正波好多都打穿攔網得分，但係係後排作為二傳手技術較拉美利絲(6號，二傳手兼接應二傳)粗糙，拉美利絲係前排都有唔少得分，不過冇之前瑞士女排精英賽咁瘋狂，暴力打手出界。但係兩個二傳手都會突然失常，有數次傳球個陣都出現失誤，整隊古巴隊攻擊力大大減弱，正正係對手追分既好機會。Carrillo(3號，副攻)表現平平，之前睇其他比賽佢好利害，打二點五都攔佢唔住，可能中國隊既趙蕊蕊(9號，副攻)、薜明(10號，副攻)俾佢唔少壓力。總括而言，古巴隊都係要解決二傳手穩定性既問題。

意大利：Gioli Gioli Gioli(17號，副攻)！！專打暴力背飛@@"，上年既世錦賽奪得最佳攔網、最有價值球員，係現場見到啦！！比中國劉亞男(4號，現為接應二傳/副攻)"小劉飛刀"速度不遜色，比美國Bown"暴力坦克"力量不相伯仲，最後扣球手，實至名歸！我幾喜歡佢，希望係北京奧運會再次見到佢。Aguero(5號，接應二傳)！意大利另一暴力人物，我好欣賞佢，因為佢由古巴隊既奧運金牌選手嫁到意大利，然後慢慢靠自己實力成為國家隊之一，又要承受賣國既指責。尋日意大利對古巴既時候，牛演話Aguero打緊自己既同胞，@@"有咩問題呢？係佢自己既選擇，同埋睇波點解要睇埋人地既背景呢？睇波唔係睇技術既咩？？無論點都好，我欣賞Aguero。還有Cardull(10號，自由人)，相比日本既自由人佐野優子(6號，自由人)Cardull可能冇咁"神"！但係佢既防守不容忽視，今日中國對意大利時，王一梅(1號，主攻手)係空網時既強力扣殺都被佢接到，製造左反擊既機會。

日本：好失望，根本冇出正選球員。高橋美雪(5號，主攻手/接應二傳)、栗原惠(1號，主攻手)都冇咩點打，栗原惠係今日既日本對古巴出左一局既後段，哈哈，我忍唔住大叫佢既名，令到前面既男人都望下我。雖然有出場，但係表現平平，不少扣球被古巴隊直接攔死，可能狀態唔好所以今站賽事唔俾佢打。高橋美雪，唉，冇機會一睹佢同竹下佳江(3號，二傳手)既平拉，上次睇奧運資格賽佢係日本隊既主要得分球員之一。再一次唉。木村沙織(12號，主攻手/接應二傳)超利害，年紀輕輕就打主力，哈哈，好多人都話佢靚女。竹下佳江參加今站賽事咁最佳二傳手都走唔甩既啦，見識到佢既技術超凡，完完全全係日本隊既重心，冇左佢，成隊日本隊既速度打唔出黎，同埋佢既防守好勁。

中國：都係唔講啦，打足個幾鐘都唔會完。最愛蕊蕊。呀！唔講唔得既係馮坤(2號，二傳手)。中國幾場比賽中都出左馮坤，配合方面大部分都冇問題，馮坤既出手速度令中國隊進攻速度提升不少。防守比較弱，希望快d恢復返。

中意比賽，勁討厭d人喝倒采，中國隊不利既又叫，人家意大利去投訴又叫。極度體現出香港人既"好客精神"，多得你地，令第五局咁快完。

今日比賽完哂後，我、Stella、牛演、何B、Kammy去等女排加旅遊巴，我地同意大利既球員揮手，佢見到呀，只係同我地揮手，勁爆開心，好似係意大利既9號主攻手。跟住等埋中國隊，老遠我地就揮手，李娟、魏秋月都有同我地揮手，跟住佢地架車就係我地面前經過，我地做出致敬既動作，王一梅見到呀！！！跟住對住我地微笑呀！WoW多激動呀！短短4秒鐘，居然能夠同中國女排眼神接觸！開心到爆。原本去等埋日本隊，但等左3、4分鐘都唔見，最後連架旅遊巴去駛走埋，跟住我地就走lu。

今次大獎賽收獲都幾豐富。

(1件Tee、扇、排球仔、水、排球仔錢包)

蕊蕊，妳是我的姐姐多好！！

今朝起身去游水，遲到了。太夜訓，唔想起身。去到見呀rock、匡，跟住換衫去。話就話游水，都冇咩點游，浸住水傾計，講左好多野，哈哈。淫匡還是不改佢本色，期間向黎生下毒手。xD"

之後上水走人，去左呀Rock屋企打機，先玩排球game。呀Rock被我屈機之嫌，當電腦hand機時就轉玩PS2。- -玩Winning10，太好啦，一搶到波就亂射xD"笑到傻。第一場-6地贏左，其後第二場1:3輸左，感覺被屈機。~.~"不懂玩。

跟住返屋企，去左商場買短褲，$130，跟住就咩買夠$200就-$50，= =跟住加多左件T，計下計下又$160。- -$160，+多$40早d買2%個件襯衣！man, i need money.....

~v~暑假都未正式開始，就黎悶死我啦，倒不如做暑期工，不過夠歲數咩？

p.s.I miss my voice,and.....something i love.

今日返去學校接受現實，派卷。成績如下：

佛學：58/100

Bio：66.5/80

Eng.Vocab+Gramma：102/160

Eng.Reading：16/20

中文：忘了，剛合格。

數學：50.5/100

激烈運動後憋氣、用力呼吸　恐引發頸部皮下氣腫

激烈運動後不能憋氣，呼吸更不能很用力，否則可能出現胸口疼痛的症狀。頸部皮下氣腫發生的原因，是因為肺泡氣壓增高導致肺泡破裂，氣囊沿支氣管與血管途徑從縱膈腔跑到胸部或頸部皮下，所以才會產生胸部悶痛或是有壓迫感。

一般民眾容易因為感冒時用力咳嗽，或是氣喘、劇烈運動時，調息動作不正確，憋氣時間太久，也會有胸悶呼吸困難的現象。通常這樣的輕微症狀大約3到5天就會自我痊癒，但如果持續超過3天以上，建議民眾還是要到醫院就診，切勿自行服用成藥，以免延誤就醫時間。

by yahoo news

- -"唔好玩啦，我幾乎訓唔到，就係因為e樣野。大家記得下次唔好咁大力咳！I can't hardly breath."

p.s. If I die,plz let sb. know.

今朝返去考Listening，遲到。=v=被faked了。根本聽唔到，只係聽到快速既心跳聲。= =god，help me.我想，整份英文listening炒硬。中文好快考完，跟住飛的去體育館打波。

感覺好特別，好似將條垂死既魚放返落水。同時亦發覺，如果冇左排球，冇這班人。@@"

What a fun day!

p.s.我就是喜歡。So what??

長達一個星期多既期終考試即將結束，辛苦呢？現在就由小弟訪問時下學生考完試有咩感覺啦。

小弟問：請問你考試前有咩感覺？

答：冇呀，考試前幾個星期都有U.T.，就係個陣養成左去自修室既習慣。Hea下hea下好快過。

小弟問：請問你考緊試有咩感覺？

小弟答：冇呀，考英文個陣咪想起一句說話囉：「You wanna be on top?」；考數學個陣咪想起「後二呀，2.5呀！」；中文咪想起「得馮，天下可能她手上。」有野唔記得個陣咪想起「Make me a supermodel」囉。xD"

小弟問：請問你就黎考完試有咩感覺？

答：有呀，我感覺身輕如燕、飄到天上去……(下刪數千字形容)

小弟：好啦，時間差唔多啦，訪問就此結束，多謝e位Model既真心分享。「考試886」下年再同大家見面，byebye。

=v=考試考到快癲了。返黎個陣發生左d意外…………撞車。見到工程車撞天橋，搞到塞車，等左10分鐘巴士先再行使。返到屋企，睇《不能說的密秘》，期間有d失望、唔開心，估唔到會係咁，但結局好感人，尤其周生衝去彈琴個段，完全感受到個份愛，如果寫佢死左我都接受，加多幕小倫同小雨係天堂相遇也不錯。v_v"

p.s.《黎多件衰鬼上帝》都幾好睇。

@@"一年先得一次大考，努力爆盡佢!!哥利、栗原惠、楊昊、馮坤、劉亞男、竹下佳江幫幫我吧！= =唔好引誘我。。

還有12天！