cｏlＯuｒ大嘉欣!?
賢重~~@@"
kayan1990 : 個人主頁 - 相簿 - 訂閱  [ QOOZA - 論壇 - 登入 ] 人氣：12323
kayan1990
暱稱： 大嘉欣
性別： 女
國家： 香港
地區： 葵青區
«‹ June 2026 ›»
SMTWTFS
123456
78910111213
14151617181920
21222324252627
282930
最新文章
•做到要灑淚
•有邊個唔想人工高丫~
•希望是鄭仁
•只想見到金材昱
•火大
文章分類
•全部 (1032)
訪客留言
最近三個月尚無任何留言
每月文章
日誌訂閱
尚未訂閱任何日誌
最近訪客
最近沒有訪客
日誌統計
文章總數： 1032
留言總數： 81
今日人氣： 8
累積人氣： 12323
站內搜尋
RSS 訂閱
RSS Feed
2005 年 10 月 13 日  星期四   晴天


唉...大發現呀．．． 滿足 分類: 未分類

　　陳燕萍同林聖傑....唉...真係好咩呀!!算啦~唔想講佢地呀~費時又話我口多啦...不過我真係睇得好清楚o既...!!哈哈...總之係好好笑啦~~
發表時間：2005-10-14 10:15 PM  [ 訪客留言(0) ] [ 編輯日誌 ] [ 分享至FACEBOOK ]
2005 年 10 月 12 日  星期三   晴天


心煩氣燥 不安 分類: 未分類

　　唉．．．今日過得唔係幾好，次次都要咁玩我ｏ既∼我唔鍾意做英文科長∼乜野都唔鍾意做．．．我淨係想做返個普通人．．．呢幾日為左ｄ野係咁鬧人．．．唉．．．學校ｄ野真係好煩呀．．．見到都唔想返呀．．．

　　聽日測文學呀∼我預左會肥佬嫁喇，真係好多野記，ｄ野又深又難，又多喎，想攞命咩？搞到我而家好唔鍾意囉∼唔係默書就測驗∼好攰呀我！！

　　奶魚奶左野喇∼唉．．．邊有人仲咁傻嫁？？係我就唔會好似佢咁喇．．．

　　整親隻手指呀∼勁痛呀．．．打字果陣都係忍忍仍痛添啦．．．搞到唔可以用果隻手指喎∼好啦∼

　　自從呀詩教左我玩果個占卜之後∼搞到我而家日玩夜玩喎∼勁好玩呀，又要計數喎∼玩到我傻咁滯．．．玩成個鐘都未玩完∼哈哈

　　講住咁多先啦，哈哈
發表時間：2005-10-12 07:08 PM  [ 訪客留言(0) ] [ 編輯日誌 ] [ 分享至FACEBOOK ]
2005 年 10 月 11 日  星期二   晴天


電車男呀∼∼∼ 愉快 分類: 未分類

　　今日細尾卉卉約左我去睇戲呀，電車男呀！！

　　細尾遲到哦．．．我地睇早場呀∼１０點２０分果埸呀．．．細尾１０點１５分先黎呀∼哈哈∼好彩仲未開場啫∼哈哈∼入到場啦睇到好似好小人咁．．點知睇睇吓就越黎越多人喇∼卉卉話好悶喎套戲∼細妹話都唔係好好睇，只不過係搞笑咁啫∼我同佢地完全唔同∼我非常鍾意呢套野喎∼可能係岩我呢種人睇啦∼我都幾孩子氣嫁！！鍾意人又唔認果隻呢！哈哈∼岩晒我啦∼我由頭睇到落尾呀．．．卉卉睇ｄ唔睇ｄ囉∼總之套戲好好睇啦∼我終於明白點解ｄ男仔唔鍾意同返男仔一齊睇呢ｄ戲喇∼哈哈∼

　　睇完野就打比呀詩呀！跟住講左一大倫野比人拉左去行街唱ｋ．．．點知葵芳間ｋ房裝修喎∼呵．．．天助我也呀∼哈哈∼跟住冇啦啦又比人拉左去荃灣喎∼食飯飯囉∼跟住細尾佢地講講吓又話想去卉卉屋企∼講完一大倫野又行左去喇喎∼勁忙喎∼我地去鋤左陣ｄ呀∼跟住呀詩話同我玩占卜呀∼４個字時間就玩好ｌｕ∼佢話我係玩得最快ｏ既一次呀∼出黎ｏ既結果未如理想呀∼到左細尾玩喇喎∼玩錯左呀∼又重頭黎過囉∼搞到成個鐘先玩好∼唉．．．不過都幾好玩呀∼雖然係好浪費時間∼不過都有ｄ值得丫∼∼＞＜∼

　　呀詩同卉卉話我好單純好容易比人呃喎∼我又係成日比佢地呃嫁喎∼佢地講乜我都會同到十足十∼可能唔係我容易比人呃啦，係佢地講到好真咁！！細尾就唔多覺喇，緊係啦．．．跟得細尾多佢緊係知道我好多野嫁．．．哈哈！！
發表時間：2005-10-11 09:15 PM  [ 訪客留言(0) ] [ 編輯日誌 ] [ 分享至FACEBOOK ]
2005 年 10 月 10 日  星期一   晴天


補習呀ｓｉｒ好唔公平呀 分類: 未分類

　　今日心情唔多靚∼地理份小測我又唔係好識喎∼仲有係唔知寫得岩唔岩嘛∼！唉．．．呢ｄ野我都唔計較喇∼唔合格ｏ既都算啦∼順其自然啦．．．

　　過左幾堂跟住又到左ｌｕｎｃｈ啦∼同卉卉佢地計傾嘛∼佢地越講越離普喎∼佢話我如果結左婚嫁左個有錢人∼之後佢地第一時間會點丫嘛∼佢地話會去我屋企乞食喎∼仲要呃我一大筆錢啦！！跟住菁菁話我可能第時會比人包起喎∼講得幾難聽呀∼好彩我唔嬲咋∼如果唔係．．佢地晨早死緊喇∼哈哈∼∼放左學咪補數學囉∼佢冇啦啦話要背公式∼佢叫我出�嵽h寫丫嘛∼咁我唔識啦∼我拎左張紙出去抄∼點知佢拎走我張紙．．．呢樣我都唔同佢計喇∼我見到下面有條類似ｏ既公式啦∼諗住抄ｄ啦∼點知佢又要擦鬼埋佢ｏ既∼我幾激氣呀∼好鬼衰呀佢∼做人做到佢咁．．．．哼∼唔識ｏ既人結果係要罰抄５０次∼衰人衰人．．．

　　我地今日週會堂睇片呀．．．唉∼有ｄ感同身受添∼好慘呀見到個女仔同佢屋企背景∼跟住睇完片咪望吓廖俊文囉∼見到佢眼紅紅咁∼咪問佢係咪喊．．．點知佢好大反應話冇喊，只不過係打呵欠咋∼哈哈∼跟住ｍｉｓｓ又講佢係咪喊丫嘛∼搞到成班笑佢喎∼真係有ｄ唔好意思添∼唉．．．搞到佢比人笑∼唉．．．
發表時間：2005-10-10 09:57 PM  [ 訪客留言(0) ] [ 編輯日誌 ] [ 分享至FACEBOOK ]
2005 年 10 月 9 日  星期日   晴天


又係早起身呀... 驚訝 分類: 未分類

　　今日又係好早起身呀∼！９點幾呀∼我記得有發夢．．．但係唔記得發咩ｌｕ∼跟住起身去個廁所，之後再返房訓多陣∼點知又訓唔到喎∼咁咪拎ｄ相相出黎睇囉∼諗左好多野呀！

　　跟住刷牙洗面呀∼溫左陣書呀∼地理小測呀∼唉．．．

　　６點幾７點落左街買野呀∼跟住返屋企開飯．．．飽飽休息陣就沖涼ｌｕ∼跟住就玩＾＠琥囉∼∼好悶呀∼
發表時間：2005-10-09 09:00 PM  [ 訪客留言(0) ] [ 編輯日誌 ] [ 分享至FACEBOOK ]


« | 195 | 196 | 197 | 198 | 199 | 200 | 201 | 202 | 203 | 204 | ... | 207 | »