我覺得上堂其實就冇乜野ｏ既∼只不過係日日都要拎書返學啫∼拎黎拎去∼學校又唔比擺書喎∼重死人喇∼今年ｏ既中四點過呀？唉．．．煩屎人喇∼搞到周身都好痛呀！攞命咩？都唔知咩學校黎ｏ既∼如果有人幫我拎書返學拎書返屋企，你話係咪幾好呢？不過我諗應該冇咁傻ｏ既人嫁喇∼！∼哈哈∼如果有人肯幫手拎呢我都覺得好唔好意思∼＞＜∼講起都發火喇∼
今日第一堂就係文學喇∼我都覺得ｏｋ嫁！個ｍｉｓｓ幾有笑容丫∼睇到佢講書果陣都好似開心ｄ咁喎∼冇咁悶呢∼只不過係有ｄ野唔多明囉，岩岩先學文學咋∼唔明係應該ｏ既∼我要比心機ｄ喇！！ｍｉｓｓ話而家要準備吓新會考果ｄ野喎∼因為轉左好多呀∼所以要加吓油用吓功先會攞到好成績呀！
中史２堂呀∼過得好辛苦呀∼我都唔係自願要讀中史ｏ既∼睇到中史書都想咩喇∼咁厚嫁∼！ｍｉｓｓ今日第一堂佢就派ｄ ｔｅｓｔ黎考吓我地喇∼基本上係我亂估同埋識果幾題咋∼２０題入面我係岩左８題咋∼算係好嫁喇！我致憎中史嫁喇∼煩死人∼又要背ｄ咩野咩野喎∼我唔鍾意呀！！之後佢講話所有測驗一定要合格∼果陣我開始有ｄ壓力喇∼如果唔合格呢要留堂補測∼測到合格先準走喎∼好攞命呀∼未測之前就都已經驚定先喇∼！慘死∼佢講完ｄ重要野之後又叫我地第二日返屋企備課呀∼！！唉．．．好彩打鐘喇∼得救喇！
上英文堂先白痴喎∼個ｍｉｓｓ ｄ英文係勁呀∼但係佢一味講英文我地係唔會明嫁嘛∼佢又話唔可以講中文喎∼咁會犯規喎∼唉．．．致慘ｏ既係我竟然係英文科長∼ｏｈ！我唔掂嫁喇∼第時有排受呀！好彩佢都唔係好惡啫∼起碼有得傾呀！又係２堂呀∼時間係咁過∼到時食飯時間喇∼ｙｅａｈ∼
上左荔景呀∼話去茶樓食飯ｏ既∼點知話內部維修∼我心諗係咪間野想轉命呃人地員工ｄ錢咋∼我諗可能係 "汁左笠"喇∼哈哈∼之後咪去左第二間食飯囉∼ｄ野普通啦∼咁我地想問佢拎ｄ紙巾ｏ既∼點知講完比佢聽又當冇事發生過∼之後我地再問過第二條友仔啦∼好彩佢都識ｄｏ，比左我地∼唉．．．飽飽咪返學校囉∼上到課室就嘆吓冷氣先啦∼哈哈∼攰屎人喇！！跟住又準備上堂ｌｕ∼
數學堂呀∼我都幾鍾意嫁∼今日教有理數果ｄ囉∼經過呀ｓｉｒ一番ｏ既解釋∼我都唔明喎∼咁咪再問過呀ｓｉｒ囉∼之後就明ｄ ｌｕ∼哈哈∼呀ｓｉｒ講過ｄ野勁好笑喎∼搞到我地笑到唔停口囉∼跟住呀ｓｉｒ問我地呢個速度去教書快唔快呀∼我話照返呢個速度ｏｋ嫁喇∼點知佢又話如果照返呢個呢就教唔切書嘛∼跟住我心諗咁你問黎托咩？我驚呀ｓｉｒ教得快得滯我會入唔到腦，好亂呀∼慢慢黎我先會明嫁嘛∼！！呵呵．．．數學堂過得好快∼
中文堂冇乜野ｏ既∼ｏｋ丫∼呀ｓｉｒ講野我地答啫∼唔係好難∼都幾好丫個呀ｓｉｒ∼好彩唔悶咋∼哈哈∼＞＜∼
地理堂就辛苦喇∼ｍｉｓｓ入到課室就講吓規舉咁啦∼開左幾本簿呀∼講左一大堆野呀∼佢又話會有好快功課做呀∼好多ｔｅｓｔ呀∼之前ｄ同學仔又話佢比功課真係起多∼做到好夜囉∼我驚驚呀∼每隔一個星期好似話要做吓剪報喎∼功課唔可以抄人地ｏ既∼唔識ｏ既就自己去問ｍｉｓｓ∼仲有呀∼佢話要我地買ｄ練習做喎∼要操吓我地喎∼唉．．．好攰呀∼！
唔得喇∼呢幾日成日都胃痛，都唔知係咪有野添呀∼我又好驚啵∼睇完電視之後仲驚∼點算呀？好痛呀∼媽咪呀∼嗚嗚嗚．．．聽日都唔知點喇？．．．丫丫丫．．． |
