好攰呀!一連4日都要夜返，真係開始有d吃不消呀...
因為琴日差唔多3點先訓(24號0個日12點幾先返)，所以12點幾先起身，本來冇咩咁大不了，但係今日教會(我好耐都冇返過去喇)舉行左聖誕聚餐，所以我就非常之被迫咁去，0個道都冇乜好食，我又唔鐘意去應酬人，所以...我成日都係黑口黑面架，唉...
之前阿媽同姨媽約好左我地成家今日5點要去佢屋企食盤菜，但係阿妹又hea左好耐喎，較到要5點半左右先至搭到紅van去姨媽屋企，真係比佢吹脹 = . =" 去到之後，婉姨一家、基舅父都0係哂道，過左一陣，雪美舅母同表哥都黎埋，我同阿妹睇左陣電視，跟住就去左整遊戲0既道具--紙條。無幾耐就開飯喇，我同阿妹+表妹+佢阿哥+婉姨一枱，阿媽佢地一枱，開餐lu...我地0個枱就有少少盆菜0既食物，咖哩雞翼等等，較到唔少大人都要黎我地0個枱夾餸食...食完之後，我地就開始玩遊戲喇，最刺激0個個遊戲就梗係阿妹設計0既「拮爆氣球」啦!我同阿妹之前已經0係每個氣球各塞左1張紙條，跟住攞0個d氣球黎玩遊戲，開始0個陣，我地就播音樂---小酒窩(冇咩特別原因)，跟住我唔可以見到佢地，因為我要控制音樂，音樂停0個陣，邊個攞住個氣球，邊個就要拮爆個氣球，睇下氣球入面張紙條寫咩，再跟足指示做!玩完之後冇幾耐，我已經開始覺得悶，所以我就提議玩UNO，此UNO不同彼UNO，佢係轉轉樂版0既，仲刺激過玩平時0既UNO呢~
|
