原來病左0既感覺真係唔係幾好架，又要去食藥...不過我都係入返去正題先喇，今日係我個妹間學校0既家長日，而我...就好無辜咁又要跟埋阿媽去，因為阿媽話舅母就黎走喇，所以就要同佢餞行，話說我地出門口0個陣已經11:50左右喇(阿妹要12:05見家長，仲要搭輕鐵喎)，0個陣時差唔多會遲到架喇，但係好彩，唔係遲左好耐，佢個班主任仲見梗家長，跟住我地就去左填問卷，不過我覺得有好多人望住我，可能係因為未見過我掛，跟住阿妹0既中文老師又問我讀邊間中學，咁我咪答佢囉，阿媽終於都填好問卷啦，跟住我地就去阿妹0既課室，佢今次0既成績超差，梗係啦，佢都冇乜點溫書，又點會有好成績吖...

見完家長之後，我地就去左酒樓食野，當然唔少得姨媽同舅母啦，但係阿妹就要擺返d書+換校服先黎，我地黎之前，姨媽同舅母已經黎左喇，跟住佢地就點左野食，到我地黎0個陣，d野食已經差唔多黎齊哂lu...等埋阿妹黎之後，阿媽就嗌左甜品比阿妹食，而我都嗌左豆沙鍋餅食，超好食呀!

食完野之後，我就要返屋企同我d功課「駁鬥」，唉...

嘩，今日真係熱到爆呀(梗係啦，咁熱我仲着住件冷衫!)，較到我想問個課室有冇開風扇添呀(但係其實已經開左)，係喇，今日我地班調位，我本來係調0係角落頭位架，但係班主任又叫我調去一個「筍位」坐，不過唯一0既缺點就係我要同1個成日都尖叫0既男仔坐，吼，我真係忍佢1日以經有d頂唔順喇，仲要忍佢成個月，唉...真係慘...

放左學之後，我就撞到歐寶晴+Helen，不過我地傾左幾秒就say goodbye喇，真係超想快d再撞返佢地呀!

有一樣野黎講我係覺得又愛又恨，就係...捐血喇，愛就係因為我可以幫到人，恨就係抽血會超痛!!!所以話呢，唔捐好過捐呀!另外，我聽日有一個講座要聽，所以我唔洗上1堂中文堂+音樂堂，嗚...我親愛0既音樂堂，居然冇得上...啊...但係又冇Geography堂上，唉...我都係要加油努力，比d心機0係學業上面，唔再理埋哂d無謂野，嗯，我2009年0既目標就係要平均分加多20分!

唉...唔經唔覺聽日就要返學喇，真係慘呀,因為我而家仲未打到電話比中文科科長呀，所以唔知道中文隨筆做乜，救命呀，點算呀，中文老師超惡架，我如果唔記得左做0既話，我0既後果...不堪設想呀!!我而家超想大嗌呀，ah!!!!!

 yeah!History pass左，我有覺好訓喇，再加埋返埋聽日之後 ，我就可以放新年假lu...幾正呀，不過可惜，唔夠我個妹正，佢今日就開始放喇，較到我想打佢，打到佢落花流水先收手就正啦!

其實我覺得今日都幾熱0下架，雖然我着左1件冷衫...不過好彩我阿媽同我一齊返屋企，如果唔係比我抽住袋超重0既野返屋企就唔係幾好啦!!!

今日超開心呀，因為我上P.E堂0個陣時見到歐寶晴+陳可楓呀，佢地應該係上完P.E堂啦，所以我見到歐寶晴塊面紅哂，仲要飲水添...食完lunch之後，我要幫阿妹買佢班friend 0既birthday present，不過就貴左少少，40蚊左右啦，其實我覺得都ok啦，起碼我都算比得起...

話時話，咁多位覺唔覺今日有dd熱呀，我放學0個陣都流左少少汗(梗係啦，我着左2件冷衫嘛！)，返到屋企之後，我就同阿媽講我0既考試成績，目前黎講，我d成績都算ok 0既...不過...我有1科fail左，咁就梗係會有少少唔開心架啦，但係我唔應該因為咁而冇哂心機，應該要努力d，係喇，其實我好似淨係得history未對咋，唉...千拜託萬拜託，呢科一定要pass呀!!

實在太耐冇寫blog喇，sorry!不過大家都會問我﹕咦，點解你0係呢個時候寫blog 0既?咁係因為我讀0個級考完試，但係其他年級0既師兄師姐都未考完試，所以我今日就唔洗返學喇!

唉...點算呀，我超掛住2個表姐+1個表妹呀，雖然星期六同佢地傾過電話，又傾過msn，但係我都係覺得唔夠，想見到佢地呀，不過最少都要等到今年11月架喇，嗚...不過我都係要專注0係學業上面會好d，如果唔係0既話我就可能會留級架喇(千祈要升到班呀!!!)，希望我科科都合格，特別係普通話，我好有信心我會0係呢科囉到滿分！yeah!

Merry Christmas!今日係一年一次0既聖誕節，我同阿妹都超開心，因為...蔚蔚表姐+詩凱表妹+Emily舅母+江舅父都黎左我地屋企呀，而且我仲有機會同表姐+表妹「交流」一下「整人大計」添！

跟住我地仲去左「新北江」呀(住天水圍0既人一定會知道「新北江」係咩黎)，0個道超多野賣，不過我地都係去左「冒險樂園」玩先，我同阿妹+表姐and表妹都羸左好多飛呀，我+阿妹之後就去左扭Yes!!card添，不過其中最美中不足0既就係居然0係0個道比我撞到林禮軒先生，好彩佢見唔到我0者，都算係不幸中之大幸啦！之後我就去左shopping，shopping之前就梗係買杯野飲黎解下喝啦，不過我都有買野架，0個樣「戰利品」就係1個銀包喇，哈哈！

到最後，我地就搭輕鐵返元朗，再去埋「明星海鮮酒家」打邊爐，我地食左超多野呀，食左「7分飽」，之後我就冇乜點食野lu...

之後我同阿妹就「目送」表姐佢地成家+堅舅父搭taxi返屋企...

今日超熱呀，不過都影響唔到我去姨媽屋企0既family gathering！

初初阿妹話要留0係屋企，點都唔走架，但係經過我同阿媽對佢一番激烈0既「戰爭」之後，阿妹先至去咋！

去到姨媽屋企，我先至發覺我地原來係第3個family去到，重有江舅父同佢0既屋企人(=我同阿妹0既表姐+表妹)再加埋基舅父。

yeah！佢地終於黎喇，佢地搭埋同一架taxi黎姨媽屋企，我同阿妹+表姐+表妹就0係姨媽屋企個偏廳(唔知算唔算)plan下點樣整我地0既2個表哥(基舅父0個2個仔)，最後基舅父仲話佢有「10大酷刑」對付0個2個表哥添，笑到我地碌地！

到到真係最後0個陣時，我地就以超快0既速度去討論點樣去整0個2個表哥，但係都係冇時間，於是我地就用msn傾喇！

唉...好期待快d可以去camp呀！

今日都係同之前一樣，都係咁凍，冇辦法啦，邊個叫而家係冬天咩﹖唉...真係好想快d到聽日，因為聽日我放假，所以我就可以0係屋企「補眠」喇！

梗係啦，因為我差唔多每日都要「開夜車」，冇12點都訓唔到，救命呀，周公又黎搵我喇，真係慘！

難得有一日假放，就梗係去歎下架啦，如果唔係又點對得住自己呢﹖

最後，希望自己「補眠」一日就可以透足精神返學啦！