或者我今日可能係懶左啦，因為我今日冇做到功課，邊個叫d功課超難做喎，一篇已經做到我暈架啦，仲要係打孖黎添喎，係咁都算啦，重要寫每一段既段落大意，中文就話比較好ar，今次係寫英文呀，唉....不過算啦，始終都係要做架啦，長痛不如短痛，都係速戰速決好....

雖然今日係星期日，但係我既心情就好似今日個天咁，一樣都係唔開心...

我今日一早10點幾起身，跟住就跟左阿媽出去「環遊天水圍」。

原來要的起心肝去搭輕鐵真係唔容易架，不過都係算啦，其實我同阿媽去天水圍既原意本來就係要搜集資料，搵多d天水圍既中學，因為我地要升中一啦，其實根本我覺得呢次淨係幫阿妹搵中學既，因為天水圍比較多中學比阿妹「精挑細選」ar嘛!!!本來我地要去埋屯門架，但係由於我同阿媽已經冇氣，所以就冇去到啦!!!跟住我地就去到新元朗中心度，見到個度有個「書展」，所以我忍唔住就入左d貨啦，到最後，我同阿媽去左大家樂食野，我就食左個「炭燒豬排包」，而阿媽就食「牛奶麥片」。

重有呀，我今日都有雖然好少，但係就超難既功課要做，應該會做到我成隻野架啦，所以唔講啦，88!!!

今日真係慘呀，本來我要去「掃墓」既，但係由於我唔想去既關係，所以就惟有老豆自己一個人去啦。

但係經過阿媽三番四次勸我同阿妹之後，我地最終都係去左上水。

去到上水之後，我地就會合左老豆。首先我地去左一間麪店，我就叫左個牛肚麪，但係D牛肚起世咬都咬唔開，可想而之係幾難趙呀!!!

跟住我地就去左「上水廣場」度shopping，嗰度實在太多嘢賣啦，較到我花多眼亂呀，不過我總算買左D「戰利品」返黎，都算係對自己有交代啦!!!

唔信牙?!比你地睇啦!!

唔講咁多住啦，第日再傾啦，88!!!

今日好開心呀，因為我已經做好哂聽日要交既功課啦，今次係我第一次喺星期五、六做哂所有功課咋!!重可以玩好耐既電腦添，唔講啦，88!!

我今日好開心呀，因為頭先我同屋企人一齊去左「昂坪360」度玩。

首先，我地去左搭昂坪纜車，因為呢個係繼續旅程既「必經之路」，之後，我地就去左好多個地方，我地首先去左四間昂坪360禮品店(包括﹕東涌禮品店、昂坪纜車站、與佛同行和靈猴影院)。到回程既時候再去shopping。

跟住我地就去左「東薈城」既大食代去食野，我重食左個「鰻魚鍋飯」添，唔講啦，88

今日好開心，但係同時又好唔開心+慘。

先講唔開心既嘢先啦，就係我今日喺視藝堂比李老師鬧呀，因為我幅畫得唔啱，攪到我差D想喊呀，好彩我EQ(情緒指數)高，如果唔係既話就會好「收家」架啦。

好慘既嘢呢就係今日我要去睇牙醫呀，因為我要做「牙科保健」，唉......今次係我最後一次喺嗰度睇牙呀，升上中學之後，就要自己去搵私家牙醫check牙啦，唔講呢D咁唔開心既嘢先，講番D開心ar......

開心係因為我地嗰組喺「小型辨論比賽」入面贏咗呀，中文老師-李老師答應我地，送嘢食比我地嗰組添

希望聽日都可以咁開心啦，唔講啦，88

今日好開心呀，因為我囉獎呀，係我喺四至六年班裡面第一次囉獎咋!!!心情好興奮，但係同時好緊張......你地知唔知呀，我琴日驚到差D就掉咗個心出黎呀!!(p.s: 呢句係有D誇張成分)

唔只呀，我今日Dictation囉到97分呀，真係可喜可賀!

不過有開心既嘢，就緊係有D唔開心既嘢架啦，就係:我今日第一個小息比劉老師佔用咗呀，因為我本數學作業要重改呀，真係慘呀>.<不過好彩有其他同學陪我，我先至冇咁驚咋.....

好啦，今日講住咁多先啦，88!

今日好開心呀，因為我今日得四樣功課咋，唔只呀，我重可以同黃芷晴去三聯書店shopping添!!我地約咗四點半去，但係由於我有D功課唔係好識，結果又遲咗一陣先返到屋企，唔洗問啦，一定又係遲咗去三聯書店去meet黃芷晴啦，好彩我遲咗少少咋，原來佢重喺度傾緊電話架，結果我冇進賬，因為我揀唔到有咩想買，但係就同阿媽買寶貼，唔講呢D住啦，講我琴日喺呢幢大廈既嘢啦!!

琴日我補完習返到屋企之後嗰幾粒鐘，突然之間又響警鐘喎，我地就以為係火警演習啦，點知原來係火警呀，我地就急急腳用樓梯行落去平台啦，跟住又有班差人同消防員上咗去着火既地點-----廿七樓。我當時都幾驚架，所以就狂send message比黃芷晴，佢又好care我，又send咗幾個message比我，不枉係我既老友呀!!到最尾既時候，我先至知道原來唔係火警，而係廿七樓有人裝修，裝修既時候就緊係有D天拿水味架啦，點知道唔知咩人就以為發生火警，於是就報警啦，跟住D人上到黎之後就check清楚哂，唔係火警啦!!我好似講得太多啦，88!!

今日好唔開心呀，因為我今日差唔多七點鐘先返到黎屋企，因為阿妹做數學習題做耐咗，又要做抄書喎，我本來重有一樣功課末做架，但係因為我喊黎，所以就放棄咗呢樣功課啦，原定今日去買禮物比個friend做生日禮物架，又係因為遲咗返屋企又要廷遲到聽日先去啦，但係嗰日要學琴，又唔可以逛兩粒鐘，真係慘呀﹗