今日心情都唔係幾好,又係唔想出聲,一見到有人黎泊車就好忟,唔想同佢地講野,都唔知點解自己成日都係咁,放工番屋企諗住換衫落去跑.但又冇跑步鞋再加上我隻腳實在太痛喇,今日落樓梯果陣好似跛0左咁,個大脾超痛.so冇去跑到,跟住洗頭沖涼,搞到六點幾同豆去職工盟,等0左一陣,阿堂佢地買完送番黎就開始煮野喇,好開心呀,第一次同一大班人一齊煮飯,好搞笑呀佢地,一路煮一路嘻嘻哈哈咁,好熱鬧,到八點幾終於食得飯喇,都整0左好多送呀,佢地係度爭食,見到都開心,d雞翼煮得好好味呀,食完之後就執野洗碗,跟住就抽獎喇,我同豆都抽到個音樂盒,都幾靚架,本來得幾個,點知fankie問晒我地全部邊個仲想要喎,跟住就一人有一個喇,抽完獎之後就各散東西lu,fankie話四個搞bbq唔知係咪真架呢,好想成日都有成大班人一齊0既活動呀

p.s今晚d送真係勁勁勁勁勁浪費呀,買0左咁多又冇乜人食喎,仲有好多好多全部唔要,好想食多d架,不過咁多人係度費事喇,唉..............

心惰指數：7.5

今日放假,訓到十點起身換衫去那打素抽血,抽完之後搭小巴去大埔虛火車站再出旺角,去許留山買0左柸"紅豆小丸子"飲,跟住就行去澳海城,今日係果度有個招聘日,不過都冇岩我0既工,得好少份咋,結果睇0左一陣就行番去旺角喇,去睇衫,食晏,阿豆打黎同佢傾0左半粒中,就去地鐵站搭去荔枝角上堂,去到我以為淨係得我一個,原來仲有一個男仔未黎,唉...........都唔知咩學校黎架,得咁鬼少人上堂,呃$呃到出汁呀話就話四點半開始,但到成五點先上,上到六點半,跟住好悶好悶咁一個人係道行黎行去,去0左旺中睇衫,去到邊都係聽到d慘情0既歌,so一直行緊果陣都係好唔開心,行到十點幾去搭火車番屋企,番到去隻腳好鬼死痛,help!!!

心情指數：5.7

第一次去跑步..................

今日都收到幾封利是,其中一封係個的士俾架,佢好好人架放工搭到去大埔虛落車行0左去圖書館諗住申請張證借書,點知張from話要住址證明喎,唯有拎番屋企下次再黎過喇之後周圍去睇下d書,睇0左教煮野食0既書,好多野都好想學整呀,不過好難有時間lu,睇0左半個幾中就走人,之後去0左大埔虛睇下有咩野買,見到d菜同西芹平就幫媽咪買0左,跟住周圍行,經過一間叫"鍋貼大王",間野好多人幫襯,好好味架d野,買0左五隻鍋貼,細老買過,都幾好味丫,行到富善街見到栗米平又買0左喇,之後就番0左屋企lu,夜晚唔開心呀

心情指數：5.2

今日好累呀,又係廁所訓0左半粒鍾喇,嘻嘻有個男人好好人呀,唔識架,係黎搵管理處果d人0既,無喇喇俾封利是我喎,之後又有個時租車主俾到0左放工喇,去0左睇袋,我睇到果個袋好靚好想買呀不過要$1080,雖然有八折,八百幾都好費呀,跟住去sasa幫家姐買野之後番屋企,番到去傾0左陣msn就訓lu,六點訓到十一點起0左身,冇食飯呀,家姐買0左腐皮壽司番黎,好好味呀,仲有包包同蛋撻雪糕,之後打埋日記訓lu

呢排日日都冇乜野做,拎0左本書番去睇,覺得好多野都講得好岩,究竟應唔應該咁做,我都唔知呀,我淨係知當好唔開心果陣成日都咁諗諗本書講0既野,但當我好開心想去關心0既時候又好似唔想我關心,唔想我煩!!!!跟住換黎又係唔開心,我都想開開心心咁做人,咩都唔想諗,得唔得呀~~~我真係好煩呀!!!!!!!!!!

心情指數：6.2

放工係廣場行0左陣..................

唉........................

今日放假呀,訓到十點幾先起身,起身果陣落雨喎,好黑人憎呀,仲諗住早d去添馬覽玩架麻!!!!!!!!!

到0左兩點幾終於停0左雨喇,好開心有得去玩喇,跟住換衫,叫我媽幫我補番個袋袋,於是整野同等媽補完等到四點幾先出去,去到金鍾站等南南,之後佢去0左m記食,食完就去玩喇,一去到我地就周圍睇下邊d攤位易dwin公仔,後尾行行下見到有第二隻射藍球都幾易入喎,又幾多人玩喎,之後就玩0左幾次喇,仲wim 0左四隻唔同colour 0既狗仔添,有金，紫，桃紅同淺藍色,我都想玩架,見好似好易入咁,不過都係冇玩到，之後用0左好耐好耐時間排0左一個機動遊戲"鬼屋"，仲諗住入到去會有d出黎嚇我地添,點知冇喎,琉完出黎之後覺得好無聊呀,淨係坐係隔車度,帶我地遊花園,一d驚0既feel都冇,無聊!!無聊!!無聊呀!!side晒我地0既排隊時間!!!!\/跟住排"感影院"，開頭見到有個白色0既野係度郁下郁下以為咩黎架添,入到去果陣原來好好玩架,全程係度係咁笑,左搖右擺,之後再玩一個未玩過0既機動遊戲,好好玩呀,跟住就見到佢d fd,到十一點幾行去搭車番屋企喇,番到去一點喇,好眼訓呀~~~~~~~~

心情指數：6.5

今朝好眼訓呀,又去0左廁所訓0左幾個字喇,嘻嘻,之後去完中銀去渣打入數.番到去上去抄完牌落黎又係咁"企"仲以為今日會好多野做,點知又係悶,唉................................><不過上去0既時間有個時租車主真係好好人呀,佢見過我兩三次咋,今日就俾0左利是我喇,佢仲同我講"見下面咁多人唔敢俾我,淨係得我一個先俾我喎",真係好人呀佢終於挨到放工喇,都係好眼訓呀,就即番屋企喇,搭車果陣企係度都訓得著呀,等到五點幾南上0左黎睇佢叫我幫佢錄0既"爭霸"睇完就走,唉...................不過好在佢早D走喇,因為佢走0左冇耐家姐大就番0左黎喇............今晚又冇心情食飯喇.跟住打埋日記訓覺,真係好眼訓呀,都唔知聽日去唔去好................

心情指數：6.5

今朝隻眼好累呀,因為尋晚................今日終於冇咁多車喇,因為係赤口0既關係,d人都唔去拜年lu,仲有今日都少0左人俾,d時間好慢呀過得,放工後自己一個由林村河行去海濱,,一路行一路d海風吹過黎好舒服呀但係條路好長呀,行0左成半個幾中先行到去,好多人跑步都踏單車呀,見到佢地我都想踏呀,不過我又唔識><行到去盡頭之後又行番番黎,行到隻腳已經有d痛喇,之後0左張chair度坐0左一陣,跟住再行去大中睇野同買野,行0左冇耐就返太和同南南逛0左陣就番屋企喇,之後家姐買0左壽司番黎,正呀!!!

放晚個肚不停係咁叫呀,可能係因為飲完兩盒奶再飲奶茶"架"啡消化唔到喇屎喇,今晚咁鬼夜先訓,聽日實累死架喇,咁鬼死多野做

心惰指數：5.9

今朝番工果陣繼續勁down,唔想講野,唔想做野,唔想對人,食野都唔想食,心情簡直趺到落谷底,個心成日都勁想喊....d時間都過得幾快,話咁快又放工喇,放工去0左廣場行,睇岩0左件衫,不過冇黑色得番白色,打0左去幫我訂,下星期去拎,之後入埋優之良品睇下有冇家姐中意食果樣野買,點之又係冇晒貨喎,就行去搭車番屋企喇,番到屋企食0左少少野, 冇食野真係好暈呀,食完就開腦即打日記~~~~~~

雖然我成日都係唔開心,但從來未試過因為一d野令到我咁唔開心架唔開心架,今次係第一次,成日都好想食安眠藥之後入醫院一宜係咁訓落去,因為呢個世界實在太煩喇,依家我聽到人地係咁講野都覺得好煩呀,真係好想死呀,死0左就唔駛咁多野煩架喇

                           "這個世界只愛美,用美醜判(段)人"

依家好少人會睇"心地"呢樣野,心地好,關心人,對人好又點,好多人都唔會知,只要靚女,身材一流就得,so呢句歌詞勁岩呀

心情指數：3.9

尋晚兩點幾先訓,因為訓唔著,好想喊呀,到今日番工果陣全日都冇心機做野,十分十分十分.............之down,差唔多成日都係度喊,我都唔知點解俾人用d好難聽0既字眼同用d惡0既語氣對我我咁都忍到,係因為我唔想咁快放棄一樣野......我相信終有一日會等到佢變,不過會唔會為0左我改呢,我值唔值得佢咁做,我都唔知呀~~~~~唉.........搵一個愛鍚自己,對自己好,溫柔0既人都咁難????????

心情指數：3.0

嘩........................我真係好痴線呀...........尋日五點一直訓到今朝六點幾起身番工呀,我覺得自己好變態呀,學0左我家姐咁添,一訓可以訓好耐

今日放工番到屋企好激氣呀,因為部電腦狂hand機0既關係,搞到我要一開就要即打日記,打0左十幾個字又hand,開0左好多次打0左好耐先打完一0既日記,果陣好嬲呀之後到九點幾開多次部腦,今次好d喇,開到好耐呀,俾我打0左幾0既日記....唉........都唔知幾時先買到部新腦番黎,我家姐話問0左人喇,希望快d喇

今晚.............好想昏迷呀.................

心情指數：4.2

尋晚冇咩點訓,今日好累呀,放0左工番屋企玩一陣電腦,到五點就訓喇,訓醒一覺見到我家姐就問佢幾多點,原來十二點喇,都係冇起到身,連食飯都冇,因為真係真係好累呀,so一直訓一直訓..........................

心情拍數：6.7

放0左工之後即番屋企,到五點度就搭火車出旺角搵南南,因為佢做gym果度送0左張facso劵俾佢,去到旺角等0左佢一陣,之後去0左藍球機射藍球,玩完之後由地

到兩點幾家姐黎0左上水搵我,咁我梗係叫佢等埋我放工喇,放0左之後就去0左廣場換衫,可能新年就黎到0既關係,so廣場間間鋪都勁多人呀,跟住同家姐去0左"kfc"食,食0左成個幾中,去0左 a+b 度睇衫衫,睇0左好耐,家姐買0左一頂冷帽同一條裙,間野低至四折so好多人呀,有d都好抵0既,睇完衫後去0左"Delifrance"度買0左買個鬆餅俾佢地食,再周圍行0左一陣,去埋"優之良品"買0左兩盒野,再去0左上水中心睇衫,之後家姐話好想食ok新出果隻蓋莓味ice-cream,去到OK諗住買果陣竟然話賣晒喎,仲話供應商果面冇蓋莓味ice-cream,得番香芋,咁我地就買0左一枝香芋兩份食喇,之後行0左去出面個涼亭仔坐住黎食,岩岩對面有一對兩公婆同埋佢地隻狗喎,係"史納沙"黎架,好得意唷,佢地食緊m記,隻狗係咁企起身想食喎,又猛咁聞個袋喎同跳上張chair度,真係好好好好得意呀,食完我地就行去搭火車番屋企lu

心情指數：6.2

今日放假呀,訓到十一點幾愛key打黎,同佢傾0左一陣,好鬼死涷唔想起身呀,訓多陣一點度起0左身,之後又包壽司食喇好悶呀,係屋企冇野做呀,聽下radio同執下屋咁囉,到0夜晚7點幾無喇喇唔知做咩又呵又嘔喎,又有d頭痛,肚痛添,死喇,今晚開始又勁涷喇,諗起都勁唔想番工呀依家要開始搵工喇

心情指數：5.5

今朝好辛苦呀..........因為尋晚發燒,其實發燒唔係好辛苦,到今日先辛苦到想死咁,搭火車番工果陣未到上水已經好想嘔,忍到番到去,之後真係嘔0左呀,嘔0左d黃旦水出黎呀,果陣真係真係超級無敵勁辛苦,辛苦到想喊,好想叫人黎頂我,好想番去訓,但係又得兩個人,唉..........到0左十點幾度好番少少冇咁辛苦喇,挨到放工,番0左屋企就訓,訓到七點幾,八點度起身食0左d野,之後到十一點幾先再訓

p.s 今日又開始涷喇,大家要著多幾件衫呀,知麻,唔好涷親呀

心惰指數：6.2

到晏就果陣有少少喉嚨痛,點知到0左夜晚就覺得成個人忽冷忽熱喎,之後發燒喇,11點幾已經係張床度喇,成個人熱到訓唔著呀,之後我家姐入0左黎,我就話我好凍,佢就搵隻手摸我個頭,之後就出去拎0左d藥黎俾我食喇喉嚨勁痛呀,之後係咁合埋隻眼都係訓唔著呀,12點訓,訓到一點又醒0左喇,熱到真係訓唔著呀................

心情指數：4.5

兩點幾去0左富善街間"紫竹林"買0左三個下午茶：腸粉+珍珠豆槳 番屋企俾我家姐 & 細老食,我同細老食完喇,我仲記得以前我地二個係屋企果陣成日打去叫外賣黎食,隔0左咁耐冇食應該好好食先岩架麻,今次都唔好食0既,d豆漿又淡喎,多水到死><隔0左一陣阿媽番0左黎lu,唉.........我家姐仲係度訓緊呀,佢冇食到,之後費事放得太耐唔好食,我就叫細老同我一齊食0左佢喇,我阿媽都食0左d,食完就打日記lu............好想出mk行呀,不過又冇$$喎............就黎月尾,又要交學費喇,真係死得喇............不過我依家真係好想好想快d番學呀,好想學多d野呀,好想搵第二份工呀,好.........挨多一個月多d我一定會搵第二份工!!!!!!!!!!!!!!!!!!!!

心情指數：6.9