| «‹ March 2020 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | 31 | |
|
2007 年 1 月 12 日 星期五  |
大陸好涷呀,又大風,涷死我喇><  |
分類: 未分類 |
尋晚點幾先訓,今朝訓九點幾起身,好唔想起身,好累呀><之後洗頭換衫去阿婆度,一去到以為佢走執好晒d野走得架麻,我同佢講話我要番屋企拎野,因為我阿媽尋晚執好0左叫我"一定"要拎架麻,點之佢就係咁叫我唔好番去拎,又話我著d衫唔知似乜,我都話去我屋企食晏架喇,果陣都已經好趕時間架喇,佢仲係度執呢樣執果樣又唔快d喎果一刻覺得佢好煩呀,阿媽叫我地一點到上水架麻,整野整到成十二點四先出得門口,去到都成點幾喇,一上車我就好激氣咁打俾我阿媽,佢又好激氣喎,佢部手提都唔知做咩,成日都聽唔到我講野架,我越講越激氣,阿媽聽到我地仲搭緊火車佢就話自己番去拎野,我地就係上水等佢,今日都唔係好多人過關咋喎,一路行佢地一路係度大聲講野,好煩呀!!!!!!!我都唔想同佢地行,後尾搭巴士果陣我自己一個坐,坐坐下就訓著0左喇,搭0左一個中度,去0左補牙,個doctor好慢呀,補0左成兩個幾中先補0左三隻,但係佢做野好細心囉,好多人都搵佢睇牙0既,補完之後同媽搭的士去"賴"醫生度睇,係度等佢老婆同一個女人執藥,等到六點幾就坐綿羊仔去巴士站搭車,因為我地太耐冇食野0既關係,搭完之後就好想嘔喇,之後去買0左兩磅粟子食,幾好味喎,十點度番到屋企~~~~~~
心惰指數：7.2
|
| 2007 年 1 月 11 日 星期四 |
同豬豬去大中^^  |
分類: 未分類 |
番工都係咁喇,放工之後行0左一陣就搭車番去喇,唉........真係唔小心呀我,係toile打破0左樽洗面奶呀,拎0左個盒仔裝住倒瀉出黎果d,冇0左好多呀,都唔知係邊度先買得番 之後又要抹番乾淨,搞到遲0左好多先同到豬豬出大中,陪佢去買電腦0既野,之後再買0左撈撈食,經過尋日去食中華律壽司之後,我已經愛上0左食喇,好好味呀真係 跟住就去買0左"茶葉蛋"俾阿媽食,佢之前話好想食架,最後去0左百佳叫豬豬申請番張咭,逛0左一陣就番屋企lu
番到去開電腦send相俾豬豬,send得好慢呀><今晚仲係好涷呀,又話回暖,都呃人0既
心情指數：6.5 |
| 2007 年 1 月 8 日 星期一 |
今日好開心呀^^  |
分類: 未分類 |
番工又遲大到喇,7點九先番到去呀 ..............
心情指數：7.5 |
| 2007 年 1 月 7 日 星期日 |
部腦終於整好喇,好野^^v  |
分類: 未分類 |
好涷呀,好唔想起身呀番到去d數又計死我喎,原來係佢地寫錯晒,攪到計0左好多次先岩呀.計到隻眼好累好累,又有少少痛喎,好想長眠不起呀,到0左放工,係廣場行0左陣就搭火車番屋企喇,一番到屋企見到細老玩緊部腦呀,好野,整好0左lu,原來佢叫0左佢d fd上黎整呀,真係勁呀,咁都俾佢整番好喎,好開心呀,已經好多冇玩喇,d日記又冇打喎 ,家姐整0左curry fishball,好好味呀真係,食0左幾粒,之後打日記&傾msn,打完日記就同0左豬豬落百佳行0左陣,之後又想去佢屋企坐喎,佢阿嫂係度so冇去到,豬同我影0左張相後就番屋企喇~~~
心惰指數：7.2 |
| 2007 年 1 月 6 日 星期六 |
| 去食韓燒^^ |
分類: 未分類 |
放0左工番屋企沖涼洗頭,之後同華,花生,thomes &永勝搭去旺角同alice佢地一齊食韓燒,寶玲同婉婷,南南都有去呀^^今日係alice同雪羊生日呀,等齊人之後就行去喇,去到好多野食呀,分兩圍檯,我,南南,寶玲,婉婷同華一檯,我地食食下果陣見到永勝佢地燒蝦,我地又出去拎0左黎燒,我地四個將d蝦放落獲燒果陣仲係道狂跳呀,好搞笑呀,其中有一隻俾我同寶玲分屍呀,呢六隻蝦俾我地幾隻馬騮玩到死得好慘呀真係,我地一路玩一路笑呀,華同就係度睇住我地玩,佢覺得我地好殘忍呀,想過隔離檯呀,搞到好多人都望過黎呀 食到7點幾度.呢間野又好似趕人走咁0既,食0左三粒中都冇呀,不過都食0左好多野好鬼死飽呀,食完之後就行去搭車番屋企,係火車同寶玲,婉婷佢地又係度玩,婉婷同華同南南係度影相,又拎電話同地址咁,仲成日都話要黎我地屋企搵我地添呀,真係搞笑呀佢地兩個,話咁快就到太和要落車喇,今晚都玩得幾開心呀,真係唔想咁快番屋企呀,我想我地四個都咁fd呀,成日可以一齊玩,一齊去街呀
P.S happy brithday to your happy brithday to your happy brithday to alice & 雪羊 happy brithday to your ^^V
祝你地日日都過得開開心心,快快樂樂喇
心情指數：6.5
|
| 2007 年 1 月 5 日 星期五 |
唔夠訓><  |
分類: 未分類 |
尋晚兩點幾先訓,訓得4個幾中咋,好累呀,放工番到屋企就訓0左喇,之後五點幾度南南打0左,就去0左佢度喇
心情指數：6.7 |
| 2007 年 1 月 4 日 星期四 |
| 唔開心咁唱k |
分類: 未分類 |
番工果陣有d唔開心呀,因為...........估唔到會咁,放0左工番屋企等同keykey去"尖咀港晶"同coco & 浩唱k,唱k果陣好唔開心想喊呀,不過我要忍住唔可以俾佢地見到我喊架,之後出0左去拎壽司同其他野食,都幾好味呀0既,不過食得唔多囉,唱到十二點幾果陣唔想走呀,最後都係唱到一點幾搭的番去,coco好勁呀,同個司機講到有七折喎,番到大埔果陣勁涷呀,涷死我喇><番到去兩點幾,冇心惰的一晚
心情指數：4.4 |
| 2007 年 1 月 3 日 星期三 |
| 好想改變自己呀！！！ |
分類: 未分類 |
今晚同南 & 華一齊番教會,去0左上水新開果間野玩0左陣射藍球,之後去0左食野再番教會.....今晚永膀叫我地要定07 年0既目標,我想自己唔好勆都唔開心同唔好咁易喊,識控制惰緒呀,仲有唔好成日郁d就鬧人呀,仲有一定要變一個靚女呀,求主你保估我丫媽咪,豬豬,keykey,我知你地好關心我同緊張我架,我係知道架,我都會好錫你地架,但除0左你地之外我都想有第二個人關心同緊張我呀,唔想成日都受氣,做唔到,唔"痴"住就鬧呀!!!!!
心情指數：5.9 |
| 2007 年 1 月 2 日 星期二 |
| 玩到唔想番工添>< |
分類: 未分類 |
又係番工放工咁,真係好唔想番呢份呀,真係好悶,好無聊呀,究竟我岩做d咩工呀,邊個可以話我知呀?
心惰指數：5.6 |
| 2007 年 1 月 1 日 星期一 |
| 出兩次大中!! |
分類: 未分類 |
訓到十二點幾打俾kelykey,之番兩點度出大中睇&買0左d衫,行到五點幾,因為keykey要去fd屋企玩,之後就行番屋企喇,番到去隔一陣我又要出去喇,我阿媽就係度話我又成日出街,唔痴家,我都唔想架,之後等到七點度再去大中搵豬豬陪佢行,yeah^^v
心惰指數：7.5 |
| 2006 年 12 月 31 日 星期日 |
| 教會BBQ.....之後去0左廣場,勁識呀,頂!!!!!!!!!! |
分類: 未分類 |
今日係教會BBQ,放工之彼番屋企打俾寶玲,婉婷問佢地去唔去BBQ,佢地開頭話唔去0既,但婉婷係後面講就話去,我就洗完頭換衫再等埋KEY KEY,六點幾度就一齊搭車去上水LU,就黎行到去果陣打0左俾佢地,係佢地樓下等,再一齊行去,去到佢地已經開始緊喇,之後我地就見人地走開0左就坐落去燒喇^^同佢地BBQ都B得好開心,因為有塊牛排果舊巾我咬極都咬唔到呀,跟住寶玲係度猛咁搖我呀,我地四個係度狂笑呀,笑死我地喇,之後終於食到喇,YEAH!!
果陣個個都已經執野喇,但我地仲未飽喎,不過我地都唔好意思繼續燒喇,同埋佢地會覺得我地淨係係度掛住玩而唔幫手執野呀><其實今晚十點廣場果度有幾個藝人黎0左架,不過唔知去唔去睇好呀,寶玲佢好想去呀,之後我都係俾寶玲拉0左去睇,走果陣我聽到ALICE講"同我拉番FANNY番黎",我聽到之後覺得好搞笑呀,個寶玲真係好大力呀,KEYKEY同婉婷都跟住我地去喇,之後我話去0左M記請佢地食雪糕,婉婷一路食一路講鬼故,寶玲話佢講到一舊舊咁,之後我即刻噴D雪糕出黎,唔小心噴到KEYKEY呀,我地四個又係度狂笑喇,佢地講果陣我諗番起個情形又係度笑,婉婷好驚我再噴呀,叫我唔好望住佢,寶玲個FD打0左兩次電話黎吹,我地食完就走喇,去到勁多人呀,都冇位俾我地睇喇,我覺得又熱又悶喎,我都好想走呀,婉婷都好想走呀,之後見到頗上有位企喎,我地就搭上去諗住企架麻,我地行過去果陣勁爆多人呀,行都行唔到,又勁迫喎,有個男人拖住個仔係度勁講粗口鬧呀,咁佢又唔係鬧得唔岩0既,咁果度行人路黎架麻,D人係度係咁影相把咩,又唔係有咩大粒明星
點之上到去一定要係入面食野先入到去睇架,跟住我地見到冇得睇就走0左喇,走果陣有個死人阿伯摧過黎呀,我差D趺到呀,好彩有KEYKEY係度扶住我咋,跟住我地就同婉婷佢地分開走喇,我地本來想去尖咀架,佐果陣出到去都成點喇,我又唔想咁快番到屋企喎,難得新年想出晏D麻,係度猛咁諗去邊好呢,住火車果陣打0左去Neway問幾$,佢話要三點先有房喎,咁梗係唔想喇,又打去沙田問,佢話all時段都full晒喎,冇計喇,就同keykey番太和去0左7-eleven買0左兩枝"藍妹"啤飲喇,我飲0左一枝0既一半就俾埋keykey飲喇,跟住keykey又話想食野就陪佢去睇下收0左未喇,點知收0左喎,最後keykey去我樓下買0左一串fishboll同魷魚就番去喇,本來話去keykey度訓架,但都行到我樓下喇,我又唔想行番過去喎,sorry呀keykey
心惰指數：7.5 |
| 2006 年 12 月 28 日 星期四 |
| 決定0左去添馬覽喇^^ |
分類: 未分類 |
決定0左2月13號同豬去添馬覽呀,到時一定一定要玩個痛快,要win好多好多公仔先得呀,諗起都開心呀放工去行0左陣就番屋企lu...........番到去冇野做就織頸巾喇,織0左陣就訓0左lu,訓0左一兩個中度起身食飯喇,食完之後就打日記,唉............部腦load得好慢呀,上d網又慢到死喎,我又有好多日記冇打喇,要打番晒呀
心情指數：6.3 |
| 2006 年 12 月 25 日 星期一 |
| 聖誕好想去玩呀>< |
分類: 未分類 |
尋晚差唔多兩點先訓,番工果陣唔眼訓架,但放工果陣超累囉,企係火車都訓得著呀,仲要中下中下咁呀 ,原本諗住番屋企沖完個靚涼同換完衫就同keykey出去架,不過我真係冇乜動力喇,so要訓陣先同keykey出去,keykey咁好人,唔會怪我架可
唉............最後都係冇同keykey出到去,因為我太眼訓喇,訓到唔想出呀,sorry呀 keykey
心情指數：6.7
|
| 2006 年 12 月 21 日 星期四 |
| 好累,好想快d放假>< |
分類: 未分類 |
番工果陣好唔開心呀,諗到d野好辛苦又喊喇,點解我會成日咁架放工番太和,原本好想去百隹買一樣野飲,因為果陣太唔開心喇,最後都係去0左大昌買0左枝"白葡萄香檳",好好飲架,再去萬寧買少少野就番屋企喇.........番到去果陣我細老條女又黎0左呀,阿媽番到黎又係冇叫到,好黑人憎呀！！！！！隔0左陣佢地就走0左喇,我玩0症陣msn就訓0左喇,因為個人真係好累好累呀,十幾日冇放過假喇,好想快d放呀由7點幾訓到十一點幾起0左身,打完日記之後訓喇,今晚唔想食野呀~~
心情指數：5.9 |
| 2006 年 12 月 20 日 星期三 |
| 又有新衫喇,好想買呀>< |
分類: 未分類 |
番工去toilet果賡場經過間"狗仔店",又出0左d新衫喇,好靚架,係冷衫質地,d公仔又靚喎,真係好想買呀,不過淨係得個想字,如果再買埋架話就冇$$架喇,果間野d衫雖然有折,但折0左都係好貴,唉............月尾又要交學費$1377,又要幫手出$供我細老讀大學,真係負資產喇
放工去0左又百隹買野喇,之後番屋企玩0左陣msn同打日記,打日記果陣我隻手又勁凍結冰喇,到0左七點幾同南南一齊去上水番教會,今晚傾埋23號嘉年華分配公作0既野,,傾到十點幾度番屋企lu,唔知今晚係教會我會點呢,開心定唔開心呢????
心情指數：6.3 |
| 2006 年 12 月 19 日 星期二 |
快d暖番喇><  |
分類: 未分類 |
呢幾日都好凍呀,個人都結冰喇,隻手由番工凍到放工,究竟幾時先暖番呀番0左二去0左百佳買野,去0左兩次,第一次係幫屋企四早餐食0既野,拎完番屋企又再去過,今次幫我家姐去買野飲,因為佢話想飲野,佢放工又放得晏喎,未叫我幫佢買囉,順便買0左d自己食0既野買0左好多野呀,到七點幾食飯喇,我要加油努力呀!!!!!!!!!!!!!!到0左十點幾我阿媽同阿爸又嘈喇,唉............我真係想佢地..............
心情指數：5.2 |
| 2006 年 12 月 18 日 星期一 |
| 又買衫喇 |
分類: 未分類 |
今日都有d野做^^,放0左工去0左廣場行,入0左"沙沙"買0左貼係身度0既暖包,之後愛key打俾我,同佢傾0左一陣,去0左"地理凡師"買0左一個提子酥同朱古力鬆餅,個提子酥我食,朱古力鬆餅俾阿媽食,好好味呀真係 ,之後去0左間"狗仔店"試0左冷衫質地0既間條衫衫有三隻色,尋日已經睇中0左架喇今日就去買喇,都幾靚架我都中意,買完就搭車番屋企,番去放低d野之後就去0左南南度一陣喇~~~~~~~
心情指數：7.4 |
2006 年 12 月 15 日 星期五  |
| 屋企打邊爐^^ |
分類: 未分類 |
今日終於都冇咁大風喇,好好多朝早都幾多野做0既,唔駛咁悶lu,好快就到十二點,又幫佢地去買飯喇,今日我冇買呀,因為唔想食咁多飯,so自己帶0左野去沖.........食完隔0左陣上去行喇......好奇怪喎,下午三點幾入0左一駕車之後到五點幾先有,平時星期五好多車入架麻,可能主保估我呢兩日都唔多野做喇,呵呵今日佢地可以早d出黎呀,唔駛等到六點幾先走,差唔多六點就走得,放0左之後就去0左"隹寶"買野今晚打邊爐,買0左好多丸呀,仲有芝士腸,蜜糖腸,急凍蝦同"金姑"就搭火車番歸喇,番到去就話同阿媽整d野食先,等大家姐番黎,佢都買0左好多野番黎呀,好在有d我冇買咋,我冇買佢就買0左,如果唔係就有好多喇,佢買0左肥牛,豬頸肉片,羊肉片,豆腐 & 菜等,晏d老豆同細老都番埋黎,媽因為今日太累喇,佢訓0左冇食到,我地就開始打喇,好多野食呀,樣樣都好好味呀,我都好想食好多呀,不過要忍肚呀><好想快d到聽日呀,alice話個教會整到好靚呀,番去又有得同佢地玩喇,我要做召集人呀,yeah^^v
心情指數： 6.5 |
2006 年 12 月 14 日 星期四  |
| 第一次放六點,好累呀>< |
分類: 未分類 |
唉...........上水真係超涷超大風同超大雨呀,仲要幫佢地出去開門添,出去果陣真係好唔想番工呀,真係涷到頂唔順呀,上去果條路食風食到正......好似打八號風球咁.......唯有頂硬上喇好耐冇食過雞飯喇,晏就去幫埋佢地買,好好味呀d雞,今日收六點,因為d車主選車位,佢地去0左間房度做野,要等埋佢地執晒野出黎先走得,到六點半度我走先,走果陣越黎越涷呀,帶0左條頸巾同手x暖好多 番到太和果陣撞到南南同個女仔,佢地去義工訓練,我都想一齊去呀之後番屋企喇,今晚繼續^^
心情指數：7.4 |
| 2006 年 12 月 13 日 星期三 |
| 開始涷番喇>< |
分類: 未分類 |
今日出門口入0左闡果陣先發覺冇帶手提呀,即刻打番屋企叫我老豆拎落黎,佢黎到之後話唔見我手提,果一刻我真係想番屋企拎架,冇帶手提成個人都冇晒心機,之後我老豆俾佢果部我,就搭車番工喇~~~~~到0左十一點幾果陣落大雨呀........死喇,越黎越涷呀,又大風又大雨,著少0左衫添,聽日實好涷架0者放0左工係廣場行0左陣,買0左兩樣野之後搭車番去喇,隔0左陣,去0左南南度,今晚開始日日都要十一點訓喇
心情指數：6.4 |
« | 1 | 2 | 3 | 4 | 5 | 6 | 7 | 8 | 9 | »
|
