起身冇野做好悶呀,之後係度打日記...........等到五點去南屋企等佢搞掂再出旺角,我地先去朗豪坊睇衫,睇到好多衫都好靚好想買呀,有件我好中意佢地毛呀,我一定會買果件架,之後入0左一間買好多公仔0既鋪頭,送0左一個掛係個門柄0既公仔俾南,之後健威就黎0左喇,之後就去搵野食,食完再去潮特睇衫,買0左件長tee,d時間又係過得好快呀,最後我地好快咁行番去朗豪坊,佢係leivs買番果件褸~~~

心情指數：7.8

由月頭到依家未放過,今日同聽日都放呀,yeah

訓到十一點幾先起身,開電腦聽歌歌,洗頭,食0左少少野,之後傾msn同打日記,有好多日未打呀,要快d打先得喇,到4點幾同人傾0左陣電話之後換衫衫,六點去到旺角同南南行街去到地鐵站之後南南打俾我,佢同我講話佢d同學想見我...我搭緊火車果陣都估到佢地想架喇......但南係佢d fd面前講到我...........咁,唉..................終有一日如果俾佢地見到我唔係點算呀,果一刻真係有dd唔開心,我寧願佢講真話呀....不過算喇,佢地係唔想俾d fd叫佢落先咁講0者><

之後我地去0左一間鋪頭食雞飯,食完再去隔離果間食雲x河,佢地整得太快喇,搞到d雲x都未熟晒0既,d服務態度又差喎,都唔知點做野架食完之後我地行0左去Leivs睇褲,果度d褲好貴呀我覺得,不過都幾靚0既,佢試0左幾條同d皮帶..,有條我覺得佢著得幾靚,最後都冇買到......跟住去玩0左一局射藍球喇,去0左潮流特區狂睇衫,睇睇下我都好想買呀,因為我都睇到有幾多靚衫......雖然係貴,但著得耐d麻,我見到d靚衫唔買但都想慢慢睇架....不過時間唔多,去0左另一間度買0左年衫,件靚好靚好襯佢.......果個女仔叫佢買番條鏈襯果件衫會好d,就去0左睇鏈喇,試0左幾條,要自己中意0既梗係要試耐d喇,唔經唔覺已經就黎十一點喇,佢話想去番果間鋪度買番果件褸,之後我地行得好快好快,點之去到都收0左鋪喇,唯有下次黎過喇,冇睇到BB相添,d時間過得實在太快喇........之後就行去搭火車番屋企喇,番到去好累呀

P.S 今日都算幾開心0既,希望次次都咁開心喇

心情指數：8.2

今朝都幾開心喇,d人又係咁0既,一黎就黎好多呀,又黎新租,又要幫入面開門俾果d"好人"入去,又有人黎交表,又有車出咁,搞到我地亂晒呀,真係一冇野做果陣就悶到死,有野做果陣就忙到死呀到一點幾另一個上0左去我埋數果陣亂到佢都登錯晒d車呀,之後我地猛係度諗點好呢,可以整錯飛俾人添架,唔知駛唔駛賠$呀,一直搞到放工都未諗掂呀

番到屋企之彼傾msn,傾0左一陣之後4點幾訓0左,因為真係好累好累好眼訓呀又,訓到六點南打黎叫我去陪佢,因為佢好唔開心,唔知點解心情好暴燥呀,唔好咁喇><到八點幾我自己走先,落到去先發覺冇拎到電話番上去拎番同南送0左本聖經俾我^^v

心情指數：5.2

朝早同豬豬係msn嘈,我都唔想架,但唔知點解因為我一時激動得制,咁就同佢嘈0左喇,其實過0左去0既野我係唔應該再講番0既,但佢同我講0既內容有d都令我唔開心,我好想知點解呀,不過算喇........對唔住呀豬豬,唔好嬲咁耐喇,同佢嘈完之後個心一直都勁想喊,上0左去係冇人見到我果陣忍唔住喇...........係咁喊,係咁喊,好似停唔到咁...................等到放工先好番d...........番0左屋企之後就打電話俾我學英文果度果個負責人睇下我果單野點,佢話我要交番幾個月0既學費就唔會有人黎追我數,同埋幫我整遲d下年新年後先番學,佢同我傾緊期間話0左我d野,我都覺得自己唔岩,呢個課程係我自己話要讀0既,但我就唔緊張,唔去上堂,唔去交$,仲有佢話得我岩架,我有野就搵佢,冇野就唔搵佢,呢樣野始終都要面對架麻,我下年一定會俾心機讀架喇

傾完之後諗住訓架,不過冇時間喇,到五點幾換衫出去上水同南,華一齊去食飯,去行去酒樓果陣有駕車駛過果陣d水潑過黎,整wet我隻腳呀食飯果陣佢地兩個分0左飯俾我食,d雞都唔好食0既食到七點幾行番去教會,番去果陣又落雨喇,一把傘三個人"0者"呀,呵呵...........

番到去之後等到八點度alice佢地黎晒lu就開始今晚0既團契,今晚係美詩帶我地唱歌........d歌我都覺得幾好聽架,我一定要快d背熟呀,唱完歌之後一齊讀聖經,永勝派0左張紙俾我地,叫我地日日都要讀聖經,我地一定會做得到架^^之後係度傾計,果陣我真係好累好累,好想訓呀,隻眼合唔開喇,我見到盈盈都好累呀,傾到十點幾完lu,之後我錫0左盈盈一啖呀,嘻嘻走果陣一直都係落緊雨,又勁凍,勁大風呀,南南仲著短袖衫喎,凍屎佢喇><之後番到太和南南叫我"0者"佢番屋企...我番到去差唔多十二點,好好好好好好好好好好累呀,想打埋日記先訓呀,但頂唔順喇,坐係度都訓得著呀,之後去0左訓喇

心情指數：6.3

番工好悶呀,今日係last一日交表喇,d人仲唔緊張喎...........都係交得好少呀...........等到放工喇.......到六點果陣又去0左南南屋企傾計喇

心情指數：8.2

今日好鬼死累呀,好想係屋企長睡眠唔番工呀.......真係超眼訓呀好在今日唔係好多人黎交表0者,如果唔係實累死,挨到放工喇..........番屋企訓到5點幾起身,之後去0左南度傾計.........八點幾番屋企食飯睇肥田,嗚嗚.......肥田就黎大結局冇得睇喇,唔制呀

心情指數：6.3

星期日d時間過得特別慢架.........今日都係好悶呀,一諗到番唔到教會就唔開心,真係好想番呀,又冇得放星期日喎,真係慘呀!!!今日個主管問我地下個月要咩假呀,我已經book 0左廿三廿四號喇,因為一日係教會搞0既嘉年華,一日係唔記得0左喇.......希望俾到我放喇到放工喇.............呀.........點解到依家仲係咁熱架..究竟幾時先凍架,......快d凍喇,我要著靚衫呀番到屋企好悶呀.......之後同豬豬傾0左陣電話.........之後去0左南屋企,健威同華都係度打機,之後我去廁所果陣諗住放番好個花灑,點知跌0左落地喎,之後同華落去買番條喉上黎整,跟住佢地打多陣機,打到7點幾走人,0左翠和打波,跟住我自己就番去先

心情拍數：7.5

今朝搭火車果陣幾搞笑呀,過閗閘果陣個男人係我前面架麻,但我"口都"得快過佢喎,俾佢過0左喇........ ....我地兩個望望下,佢又"口都"番俾我過喎番到去都冇mood做野喇,因為好累呀..........隻眼真係好累好累呀....又冇放過假喎.唉........點解咁架................成日都好悶呀,唔想再係咁喇.......番到屋企洗完頭打埋日記訓0左陣...到八點到落0左去睇南佢地打波..........一個鍾到番0左屋企,番到屋企食0左少少野,阿媽今晚炒蟹呀,好好味呀十一點幾沖涼,沖完涼執野,又係十二點幾先訓呀,唉.............

心情指數：4.6

今日竟然冇帶鎖匙喎,放工果陣先發覺,冇得番屋企呀,諗住番去訓覺架麻,梗係尋晚拎0左出黎唔記得放番落去喇.........冇計喇,唯有自己周圍行下喇.....去0左廣場0既"狗仔店"睇衫,我覺得d衫件件都好靚靚呀,而且有d有折添呀,咁我一定要買番幾件喇....我拎0左三四件去試,覺得幾靚喎就要0左喇,開頭話買三件0既,果個女仔同我講話差百幾蚊我就有manber做,之後我再簡兩件去試,買多一件,夾埋買0左四件,好野,又有張會員咭喇

買完之後搭火車諗住去百佳搵阿媽0既,點之去到兜0左幾次都唔見佢喎,都唔知佢去0左邊咁我就買0左d野去豬豬屋企食,豬豬好慘慘呀,佢病得好嚴重呀,真係食咩嘔咩呀,去到佢屋企睇到佢勁辛苦個樣真係好可憐呀,佢訓又訓唔到喎,佢係咁話好辛苦呀,咁我都知,冇幾耐佢又嘔喇,唉.......都唔知點解會咁架,都叫佢早d訓架喇,成日係度挨夜聽所謂佢老公0既節目,依家終於挨到個身體差晒喇,都唔聽我講0既,正一係衰豬黎架係佢屋企訓0左一陣,醒0左原來佢家姐黎0左喎,佢就係咁叫豬去睇醫生,我陪埋佢地一齊去........去到同豬豬打0左支針,真係痛死佢囉,嘻嘻,之後搭的番屋企,搭完之後我好頭痛呀,又想嘔呀但我都有諗過今晚係度訓陪佢架,不過可惜我聽日又要番工喇,好想同豬豬一齊放呀最後十二點到先走人....

心惰指數：6.5

番番下工果陣諗起d野係咁喊呀,唉.......點解我做人咁唔識堅強架,郁下就係度喊..邊個可以令我變得堅強,番工雖然係有d野做,有d黎慣黎熟0既男仔會同我吹下水,但日日都真係好唔開心,好悶呀..........究竟我幾時先可以走出呢個地方呢,唔想再係度挨呀,呢度一d野都學唔到.......日日都好似自閉婆咁..............唔想再俾人覺得我咁後生做呢行喇,好唔開心呀放0左工之後係屋企等南放工番黎,同佢去百隹買野食,買完上0左佢屋企,..........

番到去睇肥田,今集好好睇又好好笑呀,如果我係肥田0既話我一定會嫁俾佢呀,佢又咁中意自己,又對自己咁好唔mind自己肥喎,好難得架麻,就算佢唔係有$$人都嫁俾佢喇,睇完之後沖涼,跟住同家姐係度傾計,傾計果陣我又想喊喇...............今晚又係要到十二點幾先訓,呀.....我死喇

心情指數；2.9

尋晚好似失眠咁呀,夾埋訓得果兩個鍾都唔知有冇,訓下又醒下咁.................到今日番工果陣勁眼訓呀,簡直眼訓到死呀,坐係度寫野果陣又成日寫錯喎終於挨到放工喇..........番到屋企又係冇即刻訓....洗頭之後打埋日記先訓...........訓到差唔多七點起身換衫去上水搵南 & 華,之後一齊番團契,番到去又係傾十二月嘉年華d野,之後永勝問我地邊個遊戲邊個負責,我就話做陪玩員,即係識朋友,問佢地拎tel等..........傾完呢d野之後就幫靈西慶祝佢聽日16歲生日呀,Alice整0左個cake俾佢呀.唱完生日歌就分cake食喇,個cake都幾好食丫,最尾同南 & 華坐政歌車去火車站搭火車番屋企....番到屋企之後又唔開心喇......因為...........唉.........依家唔想晚晚都係屋企添呀,點算呀,想晚晚都去佢度添..........但唔可以咁諗架

心情指數；5.5

放0左工番屋企,到六點幾同南去0左大中剪頭髮....剪完之後佢勁唔like呀,咁又係0既,我都覺得果個男仔cut得好求其呀,好快就cut完呀,d態度又唔好喎,幫佢洗頭果陣d泡泡都未同佢洗乾淨呀........嘩.....真係勁掂呀呢間野

不過雖然係short 0左,但遲d就好睇架喇,都好過之前咁長丫麻,唔好咁喇"興"喇......之後行0左一陣就番0左屋企喇......番到去玩電腦等睇我至like 0既肥田喇...睇睇下去0左沖涼冇睇到添..........之後十一點十二點幾到就訓0左lu

心情指數：7.2

番工去0左新達幫豬豬拎西裝褸......之後去0左"屈人錢"買0左d野食俾我家姐,買0左兩本KIN拿出奇蛋0既野,有得玩.好益智架,之前豬豬話想要0既,咁我未同佢一人一本囉,希望佢睇0左之後會中意喇睇0左一陣衫就諗住番屋企喇,之後南打黎...叫我去大元喎,咁我未去搵佢囉,橫掂我都唔想咁快番屋企...........行到去Ｍ記果陣係度ＳＡＬＥＳ信用咭果個男仔就係咁叫我申請,我話唔駛,佢係咁叫我淨係幫佢填野,又係度推我同行得勁近喎,我未係咁話要走囉=="之後南黎M記搵我,同佢行0左一陣就走喇,跟住去0左裕記買野食就番屋企喇

心情指數：7.5

今日超累呀,四點先訓,番工果陣想訓又冇得訓喎,累死喇,呀........終於挨到放工喇..............之後快D搭火車番黎.............番到黎去萬寧買0左D野.......番到屋企玩0左陣電腦,由五點幾訓到十點幾,冇睇到肥田添,呢幾集都冇睇到呀跟住起身唔想食野呀,SO今晚就冇食飯喇傾多陣MSN,又係十二點幾先訓

心情指數：3.5

今日冇乜野做,一直想快d放工番屋企等今晚去唱k同生日南慶祝佢十八歲生日呀,大個仔喇,要乖d,聽話d呀番到屋企洗頭之後訓0左陣起身再沖涼.....之後到八點幾打俾阿南,佢係度訓緊呀,因為佢病病仲未好番呀,真係慘慘呀到八點半我同愛KEYKEY一齊去..........今晚有六個人同南慶祝生日,有我,KEY,豬,Emma,華同健威呀......之後冇耐豬豬就黎0左喇,佢黎0左之後個氣氛好d.........因為佢係傻豬黎架麻,一定會整到我地好開心0既...........我地唱0左幾首歌之後佢叫我同佢出去拎蛋榚........咁我就拎住個蛋榚入去.........豬豬就係度影相,個waiter拎埋籠壽包入黎.......跟住南開香檳,幾搞笑呀,佢向住豬豬開喎,個塞射向豬豬呀,整到我地係度大笑呀,呢個情景梗係有影低喇,哈哈哈哈豬豬真係傻架..狂搞笑.......整跌蛋榚,又倒瀉野喎.又要麻煩人地入黎抹喎......玩到癲晒咁,笑死我地喇,之後我地又係度勁影相,我地一人拎一個壽包放係生日南面前影,之後個個都同佢要影一張,梗係喇,佢生日喎.....呢個衰豬丫,成日同我地影完一張之後又叫"再黎"喎,影0左好鬼多張呀,我同key就同佢影得最多=.="'''''  之後我地點0左好多首兒歌呀,佢地唱得好搞笑呀,d兒歌又好好聽喎,又豬又雞咁,唱超人果陣應該做埋動作丫麻........個屎人阿華丫,成日都唔肯唱歌喎><之後唱"勁歌金曲"果陣豬豬就話邊個唱錯0既話就用蛋榚整邊個......南同華都中招,整到件衫之後繼續係度係咁唱歌,係咁玩,玩得好開心呀,我地係度大聲嗌歌呀,嘻嘻嘻嘻嘻^^.........到0左點幾到喇Emma走先,之後隔0左一陣阿華又走喎,到0左三點幾我,南同件雞走埋...........豬豬同key key接力.........我都好唔想走架,想繼續同你地唱到通頂架.不過聽日要番工冇計喇,唔駛0既話一定一定同你地唱架,你地唔好怪我呀下次再唱過..........要唱通頂架

P.S生日快樂呀阿南,祝你乜都心想事成喇,你許0既願會實現喇^^v總之今晚真係真係玩得好開心喇,真係好想成日都成大班人一齊玩呀

心情指數：8.9

今日番教會食聖餐,番0左屋企訓0左一個鍾到喇,之後起身沖涼諗住同華一齊去架麻,訓訓下南打黎叫我去上水搵佢喎,之後打俾阿華同佢講話同唔到佢一齊去.............之後就搭火車去搵南..........跟住同佢一齊行去上水圍,去到見到Alice,華.永勝,盈盈&美詩冇耐到0左喇.........就一齊坐係度傾計,冇耐花生又黎0左,永勝話thomas佢地都病0左呀......就同佢地祈禱喇,跟住唱0左幾首歌,唱完之後我地係度商量聖誕節果陣0既嘉年華整d咩攤位俾人玩喇,我地諗0左幾樣野喎....最後阿南講0左樣野,俾永勝佢地誤會0左係...咁佢講到俾人推0左入...跟住關埋門丫麻...梗係會令人聯想到果d架喇............真係笑鬼死大家呀...........十點幾散人...........我,南同華坐政哥駕車去粉嶺火車站喇,我傻0左呀,成日都以為自己係大埔呀,就黎落車果陣竟然以為果陣係寶雅苑喎之後我地三個就搭火車番去喇,今晚都幾開心喇

心情拍數：7.8

今朝7點三起身,豬豬佢阿媽又黎0左喇,豬要九點三去到會展呀,之後佢就用好快速度刷牙洗面換衫喇,嘩........佢換完之後真係成個唔同晒喎,成個OL,行政助理 look咁喎,呵呵,大個女喇,要聽聽話話喇七點九到出門口,去0左7仔買0左盒野飲,之後佢搭火雞我就番屋企,番到去等到差唔多九點先訓,一路聽住歌一路訓,訓到十二點幾起身沖涼洗頭,岩岩洗完頭果陣南打黎叫我落去陪佢睇醫生,咁未陪佢去囉,但我果陣個頭先岩岩咋喎,仲好濕架,我想吹完先出去架,不過算喇,佢病病麻,果晚去打邊爐食0左D生蠔囉,D生蠍放0左落去唔係好耐咋麻,佢仲要食0左三四隻添呀,肯定入面未熟晒喇,搞到又呵又嘔喎,呵到佢七彩呀,真係呵屎佢呀,同佢行0左去"王少清"度睇,點之去到冇得睇喎=0=冇計喇,跟住去0左佢屋企,佢訓0左一陣,我就係度玩電腦,等到4點幾佢起0左身,之後佢又嘔0左幾次呀,跟住就去0左睇醫生喇,雖然我都知好累唔想行,但都一定要睇,去0左"林偉明"睇,睇完之後佢係津津買0左碗x番屋企喇.希望佢食完藥今晚訓番一覺聽日會冇事喇

之後我就搭火車去新達陪豬豬換番件西裝褸喇,果間野d人幾衰呀,尋日佢明明試4架麻,點之果d人俾0左5碼佢喎,整到佢著得鬆到死呀,咁我未入去幫佢換囉,之後行行下佢話件褸個袋度狼幾張咭片好緊要麻,我就幫佢去拎番喇,入到去個死人sales用d惡惡地0既語氣問我係咪真係冇著過喎,又問我點解個袋度會有咭片咁喎,咁我未講晒俾佢聽囉,之後佢話淨係可以換一次咋,我未係咁講唔該囉,但我走果陣見到佢0既眼神仲係唔信喎,之後我講0左俾豬豬聽喇,佢就話一定要打去投訴佢喇,抵佢死喇,哈哈哈哈,今時今日咁0既服務態度唔得架喇,希望投訴完果個死八婆之後佢會冇得撈喇

之後上0左豬豬屋企打日記同睇肥田,十二點度番屋企

今朝訓到八點幾起身睇0左一陣肥田,跟住佢阿媽黎0左,叫豬豬幫佢搬張床出去喎,咁豬豬就叫我快D出門口一齊去大中喎,去到大中就入0左超級makers買0左盒奶同少少野食咁喇,之後行行下我又去買0左個個"辣鬆雞"0既包食喎,個名幾得意喎,不過都幾好味丫,之後入0左d鋪頭睇衫咁囉,最尾同豬豬去0左買禮物俾阿南,唔知佢中唔中意呢之後去0左welcome買野,買完諗住再上豬豬度架麻,點知佢阿媽,家姐果d係度喎,咁我地就番0左自己屋企lu

約0左同煦同南4點係火車站等出發去Helloween,好開心呀,終於等到有得去喇,yeah,我同南都諗住去到金鍾再搭巴士去架,但阿hei話係紅磡搭過海巴快d喎,咁就係紅磡搭去喇,點知真係好快就去到喎............去到之後好開心呀,唔知d鬼屋係點架呢.......我地去0左劇場睇0左一陣威威表演,睇0左耐冇耐覺得好悶呀就走0左喇,之後去0左一間鬼屋度排除,排0左一個鍾度喇,HEI行最前,南同我一齊行,我入去果陣都好驚D鬼撲出黎呀,當佢地撲出黎0既時候我就即係咁係度大嗌,佢地整到個樣太恐怖喇,唔想嗌都唔得,出黎果陣果阿HEI好衰呀,成日一路行一路係我後面失驚冇神咁嚇我,仲有我地行緊果陣佢叫D鬼黎"客"我呀,真係好衰呀佢再去另一間鬼屋玩果陣,我真係好唔小心,好大力咁踩0左落個工作人員度呀,搞到佢真係好痛好痛勁痛呀,對唔住呀,我都唔想架,不過果陣掛住嗌又咁暗睇唔到呀出黎之後就去行去玩超動感影院果陣威威企0左係門口我過去同佢握手,佢竟然拎我隻手黎鍚喎,呵呵..........跟住有幾個女仔整0左佢隻牙出黎喎,果度D人就好唔LIKE咁話佢地喇,玩完呢個之後就搭攬車過去玩第二D喇,搭過去果陣阿南好搞笑呀,竟然話好驚呀,因為太高喇,我地係咁係度叫D靚女,同埋影0左幾張相.............

心情指數：6.2

今日番工好累呀,尋晚兩點幾先訓呀,眼訓又冇得訓喎,就死喇,諗住番屋企訓喇,點之又係度掛住玩,到五點幾先訓0左一陣,訓0左幾個字起身沖涼換衫,約0左華7點半係火車站等,原本我諗住南都會黎架麻,點之我打俾佢佢又話唔黎喎,果陣我好嬲呀,不過唔理佢喇,同華一齊搭火車去喇,八點幾去到,仲有好多人未到齊喎,等多陣政哥就叫我地埋位坐低喇,唔幾耐,個衰仔南竟然黎0左喎,之後成班一齊唱0左幾首歌,政哥叫我地一齊感恩之後就一齊食聖餐,食完之後傾計,傾到十一點幾到走人LU,今晚又有D唔開心喇,因為俾人串,不過算喇,可能佢都係中意咁樣同我講野喇,但我唔中意囉