哇~今日係去海洋公園嘅大日子  原本就無落雨嫁  去到8點半到就開始落毛毛雨啦
我地就走左去新雨天庋排隊喇   去到9點3到  我地就出發去海洋公園喇
沿途都幾大雨  好彩...喺我地去到海洋公園果陣已經停左雨啦  keke
原本就係我地五個人去玩的  點知曾偉誌被大大佢地遺棄左  我地就叫佢跟埋我地一齊玩
我地開始坐纜車啦  老實講 我有小小畏高  所以去到咁上下高嘅時候我就捉住枝柱啦  餃子又係到嚇我喎
雖然唔係好驚  曾偉誌就打開個窗  d雨狂喺度入晒黎  超正  跟住我就盡顯我嘅壞學生嘅本性
我就對住個窗出面吐...    嘿嘿...

跟住我地見到阿如,陳浩儀同埋歡歡啦  我見餃子行去唔知邊度  我心諗  仲唔係走嘅好時機   keke Xd
我就拉左曾偉誌走  跟住再同阿如佢地會合  (好有計劃咁樣逃走  K e K e)  我周就成為左兩男三女1嘅組合(兩文三語? !)

我地第一站就係去...水母館喇   入面好似好大咁  其實係好細下  入面好鬼多鏡  搞到我以為好多人=v=
跟住  我同曾偉誌諗住去坐摩天輪  阿如佢地就去睇海洋劇場  我同曾偉誌就左排摩天輪  點知因為落雨而暫停開放
我就同曾偉誌  就去左食lunch啦   哇!都野幾平啊  唔比人買餐都有嫁  我就同佢一樣買左兩個包  冇買野飲 
我地食完之後  阿如佢地先睇完  好彩我地食左先渣  如果唔係就有排搵位啦  
跟住  我地去左睇魚魚  睇完之後  我地就去左排摩天輪啦  我地排左兩次到 先有得坐  d自由行又喺到打尖  超9囉

原來陳浩儀同我一樣都係畏高嫁  我地兩個一齊驚啦  K e K e

跟住我同曾偉誌就玩飛天千秋  阿如佢地又驚喎  咪我地兩個玩囉  唔好玩的  之前都玩過類似嘅遊戲  

跟住  我同曾偉誌就去左玩海盜船啦  超正啊   喺搖到最高果陣  曾偉誌喺到大叫  "我見過鬼唔怕黑啊!!!"勁無奈
我地玩完之後  阿如佢地就食野  曾偉誌就去左玩飛鷹  就係睇都好驚  狂轉  佢竟然連扶都唔扶同我地喺度打招呼
跟住我同就去左好多好多個地方   累到我死咁制...