今天是本學年的最後一天上課天，很有感觸，有想哭的感覺。 時間過得太快，當２Ｂ班主任一年，做了一個不稱職的班主任一年，到了今天就結束，很不捨得，有點接受不到日後可能不會再見到２Ｂ。
２Ｂ的學生其實都很乖，頑皮，多口，搗蛋，一定有，我也做過學生，也頑皮過。即使是那六位既英俊又瀟灑而愛搗蛋的男生，說真的，我也從不覺得他們壞，男孩子是這樣的。班內經常搞的小圈子，令到某些同學很不愉快，這其實是小朋友無聊的玩意，也是很平常的事，我讀書時候也有，女孩子是這樣的。 希望他們都可快點成熟過來，懂得為前途鋪路，以學業為重，因為世界是殘酷的。
陳筠，可愛的愛狗女生，對我卻忽冷忽熱。陳欣，全班最大聲既女人，坐佢隔離都幾難頂。張敏，個樣好似好乖，其實都真係乖既，最得意佢面紅時全身都跟住紅。鄒彥，很有藝術天份的小女生，藝術家性格，唔知點解，覺得佢蠱蠱惑惑咁。馮希，彈得一手好琴，包容，唔好喊咁多。幸儀，溫柔，上進，成績好，學生的模範。繆婷，講野成個師奶咁，煮Ｄ野食都ＯＫ啦，多謝你的心太軟。高嵐，英文好過中文，都唔知係咪中國人，成日講馬，我都唔識既。林言，成日寸人，友善Ｄ得唔得?？吳茵，我冇笑過佢既高度，活潑可愛，人緣幾好。溫瑩，喜好獨特，我初頭以為你信邪教，嚇死。黎津，津大人，等你練成老鼠筋肉津啦。岑綸，英文高材生，其他科都要努力呀。石儀，好火爆，好易嬲，成日比佢鬧，但其實都有可愛既一面既。蘇微，好似好聽話，但係成日點我做野，係街撞到扮唔識我。李茵，唔好成日跟尾，一定要做番自己啦，咁先型架嘛。黃怡，得意，但好活潑，過度活潑，又惡。馬鴻，班中思想最成熟，最幫得手最做得野，但係成日好忙。
嚴均，一個小朋友，愛發ＢＢ脾氣。林賢，生得高，但話極唔聽，比心機讀書啦。何賢，轉筆神手，散學禮後仲未?得番枝筆。鄧彥，品性純良，頭大有腦，就差少少信心。朱聖，成績就好喇，但係欠交回條，欠簽名既情況．．．黃康，成績ＯＫ，但係成日閃閃縮縮，唔夠大方。黃曜，日日都係度搞笑，第日唔靠把口搵食就浪費了。柯軒，滿灑不?，間中都肯聽話，改下牛皮氣啦。何明，借書稱王，把口成日得罪人。譚銘，又一個小朋友，最鍾意爆頭，但我鍾意摸你個頭。方健，本來好乖既學生，我睇好既學生．．．只剩一張可愛的臉。邱洛，熊貓洛洛，話極都唔肯比心機讀書，懶到死。劉賢，六壯士最黑個位，成日駁咀，激死老師。葉康，樣貌英俊，性情內歛，好難捉摸呀。鄧豪，討厭朱古力的怪人，木無表情。鄭鎏，傻下傻下，醒Ｄ得唔得？劉進，有潛質，但愛打機，浪費人材。余華，鍾意打羽毛球，但超多口，激死某老師。彭朗，改下自己扮聰明既性格啦，你又唔係真係好．．．伍邦，欣賞你夠膽色，夠ＭＡＮ。鍾暉，講野細聲，要寸人都大聲嘛。鍾俊，睇你唔出成績又好左Ｄ，可以改下Ｄ壞習慣就好喇。
全班應該數齊無漏卦？
這年的班主任，我當得很開心，很慶幸能遇上２Ｂ，和ＭＩＳＳ ＭＡＮ，ＦURLONG仔拍檔，多謝你們給我寶貴的回憶。 | 
