| «‹ September 2016 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | |
|
2008 年 8 月 30 日 星期六  |
| 一個字的晚上 |
分類: 未分類 |
正!
黎幾張相。(from JP&fash)
「下巴兜兜,老年唔洗休。」呀詩講過既好耐之前,我都係睇番剪報咋....
香港人壽送左部單鏡反光相機俾呀詩。
雖然好唔好彩坐山頂位,
但真係睇到好high!!!!!
呀詩一出場,哇!好型!hahahaha!
件衫好靚架!可惜只可以睇mon.....
成場show呀詩特登問過好幾次你地食左飯未,
有睇九十年代d歌手做show應該知點解,ha.
唱crystal果陣勁好笑,
呀詩中途出黎果陣個mon影到個形睇唔到樣,
第一刻唔知係呀詩黎...ha....
同師兄d表情動作搞笑到.....
咁不少得感性的歌既,
好似愛變了這世界襯衣咁,
好好聽!
唱濃情化不開果陣呀詩好似眼濕濕咁,
一路聽一路望住佢,
不禁有d感觸....
最尾四個一齊唱,
勁勁勁勁勁high,
呀詩話係時候企起身,
幾乎全場企哂,
真係未試過咁high架囉,
我終於感受到投入一個show的感覺,
親身感受到個氣氛係唔同d既。
因為係山頂位,
望落下面d觀眾,
見到個個企哂起身一齊high緊,
果種氣氛真係難以形容,
好正啦總之就!!!!!!!!!!
雖然有d歌真係無聽過,
但又唔會有種陌生的感覺,
個show咁正真係好想多d人睇,wahaha.
其實九十年代的歌真係有另一番味道,
老實講,主流果d所謂好流行的流行歌,
一定做唔到咁的效果。
最後係度一齊嗌encore,
得呀詩出番黎,
問唱自己歌好唔好,
之後抵死到話d人係度揮bongbong棒姐係話唔好,
最後唱左光明會同木紋,
唱光明會果陣菇徒們跟住跳,
個地震哂,真係high到認唔住跟住唱,
起勢fing支螢光棒,
成場係度fing隻手都米話唔攰。
好啦,
一來唔想係度打咁多,
二來講多都無用,
睇下個小小的大匯集,
不過始終係現場睇正好多,
呢點睇片都未必確切咁感受到。
lag機的話自己禁入youtube睇啦。
個show真係好正,
到而家唸起,
個心都會有種好特別的感覺。
對不起,這是暑假以黎最興奮的晚上。
|
| 2008 年 8 月 27 日 星期三 |
| 眷顧 |
分類: 未分類 |
總覺得,不是太大型的音樂會,
真的沒必要這麼緊張買貴飛。
haha...不過不論大細緊係都好想去!
小生錢不多,看到很貴的飛真的不捨得買,
也知道我不可以買,
因為我不能再用這麼多錢,
這樣的景況我做不出這麼.......
當然,我總有大洗的時候,
但我會盡我所能把錢拿回來,
所以有時候會看到我看戲不看,
買小吃不買,
有function也未必出.....
可免的花費也避免,
但,從來沒有別人迫我「填數」,
一切都出自內心。
說了些不太相關的話.......
好了.......
我是想說,今天我很高興。
早上托人拿不到am730,
也收不到ifc電話有828門票給我。
曾想過在網上bid飛或是在垃圾論壇買飛,
但不是我覺得還可以更便宜,
就是有人截了糊。
可是我抱著的心態是,
那些人賣不出就會平放,
我不用急著去買什麼。
到了中午以後,
幸運就眷顧了我,
12點2x分,看到HOCC IFC在菇校開post,
未收到組長電話的IFC菇徒可pm攞飛,
結果我在12點30分送出了pm.
看回這個post,開post時間是12點23分。
這次我勝眷在握,
但還是有點擔心,
因為等左很久也未回覆,
只知道我的pm是給看了。
在我發完pm不夠後,
廳中的電話響起,
不必要下不接電話的我接聽了,
因為一來某某剛上了樓上,
二來來電是某某某。
「細路!如你所願啦!....」
還沒說完就知如什麼願了,
某某某在灣仔那邊的一條天橋上幫我拿到了am730,
真的不明白為什麼12點多了還未派完am730,
不過這就是我的幸運嘛.....
冥冥中某某某經過那條天橋,(她是不知道am730在什麼地方派發)
事後她說當時派的那個人也只剩手上幾份。
這兩件事加在一起就成了這天為我的幸運日。
有時候上天給你霉運,
有時候上天給你好運。
人生就是這樣上上落落,
你捱不過今天的霉運,
就享受不了明天的好運。
撐過去 遠地會綠油油
寂寞也不傷心 要有的總會有
聽晚睇呀詩啦!!!!!
不過希望ifc的飛唔好真係係綠區啦......
唔知點解....無左有得去的興奮,
可能因為d飛多到唔係ifc的菇徒都有得攞,
感覺上就失卻了拿到飛的喜悅。
對了,剛不知道打什麼好,
看了看出廳,
風扇在轉動,
就想說,想起來,
我很多日也沒有開過風扇了!
很認真的,我沒有替文字捉蝨,
冷氣也沒有開。
熱嗎?不太。
流汗?少許。
怎樣?沒有。
不要以為只是我這邊的氣溫不高。
真的,不要開冷氣了.......
地球這麼熱,就是拜大家所賜。
真的頂不住,開風扇好了。
對不起,請支持環保連乞丐都做到。 |
| 2008 年 8 月 25 日 星期一 |
| 閉幕禮 |
分類: 未分類 |
唔閉住。
唔係播緊HER STORY的唔該REFRESH。
HAHA.....
HER STORY
作曲：馮穎琪
填詞：黃仲凱
編曲：王雙駿for Double C music group
監製：王雙駿for Double C music group/HOCC@GOOMUSIC
寒暄聲音 她不想應 不會應
陪酒 若是命令 別怪她不會敬
流言幻聽 在這爛店未免摧毀雅興
人來復去 大概亦記住了她的個性
寧死不屈 而這一刻
她的想法 很好勝
停留於 如此光景 絕對不得要領
如同贈興 若世俗注定與她不對應
拳頭做證 在這夜決定去找新風景
這漫長故事 由她出發開始
尋找偏遠的 不相似
瘋戀過瘋子 還勇救過勇士
還有下次 下次更別緻
隨心出走 她的感性 也很理性
沿途的 全新掌聲 熱烈護送她那狠勁
原來任性 就算令笑面兩邊不對稱
同伴仍能盡興 為記念發現了北歐之星
這漫長故事 由她出發開始
尋找偏遠的 不相似
〔愉快地拍著每節手指〕
假裝過公主 還與惡棍對峙
〔努力去造次 永遠要勇過上次〕
還有下次 下次 再下次
〔每個結尾也是開始〕
世界更壞也未會害怕
她會散發最自信優雅
縱要面對幹未會害怕
她會YA YA YA YA
世界再大也未會害怕
也要建造最自我的家
縱要撐下去未會害怕
她會YA YA YA YA
她叫YA YA YA YA
開幕禮無完全睇哂,
閉幕禮就真係由頭睇到尾....
未8點之前無綫係度播中國攞金牌的選手,
又得閒去下沙田個外景up幾句。
睇左唔知幾耐的時候,
我行左去電視無幾遠前睇下部電話收唔收到,
之後放番低電話就唸住行番去梳化前坐低,
點知我一行到過去轉身坐低,
就見到呀詩,
其實真係唔知呀詩有去到沙田個function,
forum無講過有所以好多人都唔知,
但唔知點解有d人又會知囉......
見到之後即刻標番去電視正前方睇,
呀詩之前曬完太陽真係黑左,
不過都係咁好睇,hahaha!
不過都只係講左幾句。
播完閉幕禮睇番個錄影發現原來我都miss左好幾秒,
因為佢地係一齊講同一句野,
呢d時候不嬲都係聽到其他人把聲多,
所以我察覺唔到........
聽說呀詩走果陣呀vic姐無啦啦競步,
呀詩又跟住競步,
最後連菇徒都一齊競步,
想像下個場面都幾好笑既,ha...
22號開始係度等一個電話.....
因為IFC有飛輪,
係828去新城個音樂會.....
不過到而家都未收到電話,
27號之後就打哂電話,
所以真係有d無奈....
話哂我對上一次收到電話係n個月前.....
唸唸下唸多左個問題.....
之前改左電話係66087367,
但無幾耐又用番63186883,
既然我繼左會sd埋e-mail,
都可以有三次誤會我會籍過左期,
咁.....聯絡電話問題.....會唔會盡未幫我改番63186883....
唉....愈唸愈慘....好想去呀!!!!!!!!
識的菇徒個個都收到電話........
唉........
無啦...唉.................
講下個閉幕禮,
無咁好睇,
不過都正常。
最想係踩部大輪車,haha...
最無聊的係聽成龍果堆人同另一班女人唱歌果兩part.....
唔記得講添,
閉幕禮做之前播d金牌選手,
又打左講埋d人幾歲,
睇到郭晶晶好勁,
字幕打20歲!hahaha!!!!
另外,鄒凱兄真係點睇都唔似20歲。
今屈睇左好多項目,
以往好似一次都未試過完整睇過一個項目的比賽....
跳水體操舉重排球劍擊拳擊游水划艇賽艇
撐竿跳射擊射箭跆拳道摔跤彈床藝術體操
羽毛球籃球乒乓球沙灘排球曲棍球馬術單車
帆船十項全能三項鐵人賽跑跨欄馬拉松
韻律泳!!!!!!!
唔知有無漏...haha......
咁緊係有d只係睇左一陣啦.......
閉左幕唔係好習慣.....
有時真係睇奧運盡好睇過d劇集.........
另外又講下,邊條友仔話北京奧運辦唔成.....
所以話所謂的預言唔係百分百.......
有時d野人定勝天,
有睇今日重播的多啦a夢劇場版－雲之國就知,
呢個世界唔只一個未來。
對不起,千字文睇死你。 |
| 2008 年 8 月 21 日 星期四 |
| 感言 |
分類: 未分類 |
愛上不該愛的人,是一種淒美。
愛上愛自己的人,是一種福氣。
愛上不可能愛自己的人,是一種傻氣。
愛上你,是一種幸福無可媲美。
你說過,你可能只是我們人生中的一階段,
當我們大了,
也可能就沒有更多的時間心機可放在你身上。
或許這會是事實,
但真的很想,
我不會是可能的一個。
時間過得很快,
愛上你幾乎兩年了,
從前無緣陪你走過,
確是我的遺憾。
每當聽到你提到我們陪著你走,
更有些從一開始便陪著你一起成長,
心裡真的有點遺憾,
陪你走的日子太短。
貿然想,從一開始便愛上你就好了。
我想,每個愛你的人,
也會從你的身上領會到不少,
每次聽到你說你有一種責任感或是使命感,
要向我們傳達正確的訊息等等,
真的很窩心,
也感到安心。
你說過,你是一個很幸運的人。
你能夠有這麼一對好父母;
你能夠成為偶像的唯一女徒弟;
你能夠因而成為現在我們的偶像;
你能夠..............
在我眼中,你的幸運要詳數真的難。
除了運氣,
還需要你的努力。
別人說,這個圈很是黑暗,
沒錯,是很黑暗,
但你出於污泥而不染,
在這裡一直光明著。
外人可能認為這只是我們看不清,
但只要是真正的了解過你,
就可以知道,
你有這麼的成就,
除了運氣,
還是靠你的努力、堅持、執著,
以及你的實力。
在你身上滲透出來的,
正是你獨有的魅力。
假若你是那些普通的"偶像",
我相信我絕不會愛上你。
這是其他人沒法明白的,
我也不求有人明白。
這是上天賜給我的福氣,
這樣看,我也是一個幸運的人。
從你身上得到的無法盡訴,
就只有我最清楚。
在我最脆弱的階段陪我渡過,
讓我成長了許多。
從你踏足我的生命開始,
人生彷彿繽紛了,
兩年來,
你一直是我唯一的留戀。
因為你,
我得到了愛的享受,
沒錯,愛你絕對是一種享受。
上天讓我愛上你,
就是我最大的幸福。
若然人馬座是花心的,
或許不是我另類,
是你讓我不得不只愛你。
對不起,我心中你永遠完美。 |
| 2008 年 8 月 20 日 星期三 |
| 莫名 |
分類: 未分類 |
奇妙。
今早,準備行落去攞頭條,
一出左閘見到個女管理員就經過,
佢同某某講野,
之後話埋俾某某知無哂頭條,
又話d人睇奧運,
所以特別快無哂......
之後佢話睇下有無人唔睇之後攞黎放係我地門口,
呢句最岩聽。
不過某某係問佢頭條'新聞"囉....
跟住我行番入花園,
企係度聽佢地up野....
upup下個管理員話:「乜你個女減肥咩,瘦左唔認得佢。」
WHAT!?
講到我好肥之後狂減暴瘦咁既......
之後某某又答佢係囉.......
唔緊要....但認唔到我係米太誇張呢...?
咁耐除左聽過某某話我塊面真係瘦左之外,
佢係第二個咋wor....
咁係米姐係都唔係好明顯呢?....
點解會話認唔到呢?....
不過念在你可能真係攞到份頭條黎,
算........
果陣其實我一直扮沉默,
因為我咬住包野黎飲,
無停過,
咁所以無同佢講過野又無同佢hi過啦,
haha....
我就係d咁的人......
通常唔熟的打招呼可免則免,
可避則避。
試過有個鄰里,
都唔係好鄰架啦...
我地第六街佢地第七街......
成日搭巴士放學見到佢同佢個女,
唔係就佢等佢個女,
講講啦...佢個女大個我架......至少一年。
呀,佢唔知邊日見到某某,
同佢講我....
某某話番俾我聽話:「
乜你見到佢地無打招呼咩?
佢話你成日一支箭咁標左去,
又唔同佢地打招呼wor.
盡話佢個女想同你打招呼,
但你行得好快都追唔到你。
不過呢,佢話你係好有自信的人,
同埋........」
唔好意思..我唔記得佢讚我咩啦.......
無錯,歷史中我同佢擦身而過同佢hi左次,
但我唔知係唔係我火羅左,
佢好似無見到我咁.......
之後就真係想避啦,
撞正同一班車,
唔係行快d就係行慢d係佢地後面....
唔記得講...兩位人兄行路係超慢...
.所以我多數簡前者,
唔係就會好辛苦啦....寸步難行?
well...乜打招呼有分先後?
why係要我打先呢?
then我有時都無避法行得好近兩位,
why無聽過有人同我打招呼?
講真,
你同我打招呼我米會打番俾你囉,
有來有回,
我唔會唔應你架wor,
乜你真係咁想同我打招呼咩?
我見你都無咁的舉動先每次行快d費事唔知點咋wor.....
呢種人真係得意,
話人地唔同佢打招呼,
自己又唔同人打招呼.....
不過,佢個女另計啦,
感覺上佢唔似佢呀媽咁,
係個好乖的女仔,haha.......
自問我內向唔會主動同唔熟的人打招呼架啦,
講十次都係啦....
曾經,同班fd一齊行,迎面係某同班同學,
「byebye!」
我地又同番佢say bye.
曾經,自己一個行,迎面係某同班同學,
「 !」
見唔到我打咩?
緊係啦,都無講野.......
我實在做唔到厚住塊臉皮同唔熟的人say hi囉......
如果話唔熟但有曾經真係同我打招呼咁我都會既,
但成班fd一齊唔計,
我總係覺得,
d人唔係同我say,
只係同我身邊某些朋友say.......
點解呢,
就算同行的fd同某同學唔熟,
都會有主動向我地打招呼,
但當得番我一個的時候,
同一個同學就直行直過呢?
咁當然唔係介懷呢d啦,
不嬲慣左俾人當透明架啦,
最主要想講,
你唔同我打招呼都唔好話我自己行左去,
搞到你想打都打唔到ar....
唔好屈我好wor....
我就係覺得我慢慢行,
同你地好近,
你地都唔會同我say hi,
我先唔想咁尷尬行快d咋wor.......
又唔見我就番到屋企真係鄰居果位聽唔到我同佢say hi?
就係人地有同我say hi嘛......
我同你say又唔見你回?
好笑。
聽唔到都見到口形啦.....
唔通又聾又盲?
o...I'm so sorry......
原來你咁可憐........
小學,
我算是模範乖學生,
老師們心中我是個乖學生,
靜靜的很聽話。
中學,
我算是隱形的學生,
老師們心中我是個佈景板,
靜靜的死物般。
上堂要舉手發問,
上堂要主動回答老師問題,
只要做到這兩點,
不論你經常上堂聊天與否,
也就是一個好學生,
一個乖學生。
對不起,
我沒有問題想發問,
我沒有勇氣大叫回答問題。
讓你課堂沉悶沒有互動,
就是我的錯,
所以,我永遠不能是什麼乖/好學生。
有多少個,
真係會記得我的名字呢?
誰叫錯過我的名字,
誰忘記過我的樣子,
誰又看過我多一眼?
所以,
眾老師當中,
給我印象最好的,
就是Poon Sir,
起碼,
補課撞到會行到我身邊hi下我,講一兩句。
佢從來都無叫錯我個名。
佢見到其他人唔會認錯係我。
佢對學生唔只係某幾個,
而係全部。
咁當然,
何Sir都好好,
會記得哂我地個名。
顏Sir都不錯,
唸兩唸都記得我個名。
班主任唔好計,
唔記得就真係唔應該....
有些還可以,
錯了一次,往後沒有再錯,
有些就真的.....
十萬次還是不能開口便叫中我的名字....
不能說是怪你們....
只是說,
感覺很不被在意,
感覺很是被遺忘,
我的名字永遠只配我的樣子,
請不要把任何一者配在他人,
或是把其他的配在我身上,
我就是...最討厭這些。
你忘了倒算了,
不要認錯好嗎?
我不想我的名字加在任何人身上,
我不想我的樣子加上任何的名字。
就是這麼簡單。
小學,真的算是朋友的朋友大概只有一個,
感覺上只是較好的同學有廖廖幾個,
但這只是我沒有信心,對他們說,我們是朋友嘛類似的說話。
那一個朋友只在我的小四階段出現,
隨著不同班別,
我們也就各走各了.....
我記得,她很好儀態,
吃東西很小口,
說話挺柔,
但與我一樣短頭髮,
喜歡玩人人認為男仔才喜歡玩的運動,
踢波......
我記得考試後的體育堂,
男的玩踢足球,女的跳繩、呼拉圈、排球。
每人也好開心的選好想玩的,
我們就被問到玩什麼,
跳繩?不。
呼拉圈?不。
排球?呃.....
我們都沒有說出我們想的是踢足球.....
最後被分得一個排球,
當時好像只有四人玩,
後來就更只餘我倆....
我們認真的玩了幾下排球,
便把排球當足球踢,
踢來踢去,
玩得很開心的....
間中看到左面的男孩們,
不擅長的也在被迫參與又被嫌棄,
真的好想也能參與其中.....
感覺像是一個小小的夢想....
想想...踢足球不是一個人可做到的事,
需要一大群人一起玩,
當長大了,
會踢足球的都練得一番好功夫,
我們這些只碰過兩三次的行外人,
又怎麼可以要求球技爛過小學生的自己參與一份?
更何況,那些是男的?
社會中的性別歧視從來在各方面的都存在著,
沒有人覺得是問題.
鐵定下來的永遠沒法改變....
認命吧!世上可有可無的無名小卒。
最後,在我快完成這篇blog之前就收到了頭條,
haha......呀詩!!!!!!
對不起,或許是時候聽聽《沙》。 |
« | 1 | 2 | 3 | 4 | 5 | 6 | 7 | 8 | 9 | 10 | ... | 32 | »
|
