-唔知點解,我好享受依排既校園生活,感覺就好似故意去逃避某些事,但感覺依然好好,日日可以同大家係學校發下顛咁,原來係好好玩的~起碼有一刻開心,唯一缺憾美係,好似咩科都唔太想聽書"直覺話我知今次全班既成績會遜過上次,因為學習氣氛完全不及上次~

-最近既心情起伏不定,同最近既近況差不多成正比例,一尾剩係唸住新年,新年就會好過些,因為新年總是會讓人開心,無憂無慮一般~

-今日得閒得制,同菠蘿釘冇野玩玩到剪ling妹支水,唸住佢望住菠蘿釘剪,實知道漏水掛,點知佢原來唔知道的,跟住放係書櫃度,一本書中曬招...唉"下次都係唔好玩水咁過份,更加冇唸到ling妹會唔知..."

-放學又係度發顛,做左間碟,搶左阿龜個書包,跟住肥峰又知道左我幫Brain,掉埋我...跟住入到課室搶菠蘿釘武器,點知走唔甩比佢地三個圍- -...接著跑出去有支援,水桶同拖地把,掃把迎面飛來飛去,我地將個校工激死了.."跟住一輪亂戰後,ling妹話訓導上緊黎,跟住當然個個都執書包閃人,但個走廊同班房比我地整到好亂"..唔知聽日會唔會挨鬧呢,但,咁樣玩幾開心,可以暫時放低包袱...

                                                                                      一刻也好~

-今日返左大陸,去深圳姨媽度睇新屋,有好多親人,但好多都唔識"接而去隔離個"翠竹園"食飯,姨媽話要成萬蚊依餐,姨丈請曬三圍人,叫我地食多D- -..送係幾好送菜既,龍蝦,魚翅等,但我都係覺得係東門食個兩盒章魚小圓同牛肉圓更好味,接著去左東門幫小慧,薇,睇衫,兒姐同肥哥哥買左兩件好鬼可愛既衫比佢地,total唔超過100$,底玩,呵呵~之後一直咁買衫,行到其中一間童裝店,見到個銷售員勁似阿胭!!,仲憎些以為係= ="...啞左...如果佢著便服,我可能仲會問佢係唔係阿胭都似,實在太相似了"不過衣著憎太遠嚕~冇得同阿胭比~笑,跟住買野個時,個銷售員竟然話d衫冇得講價,好笑,我都未聽過東門貨冇得講價.跟住買完就返去姨媽度坐陣便回港了,係火車站,有個人同我講佢冇錢搭車,想去廣州,希望我幫幫佢,唸住ok啦,車費最多十幾姐我唸,坐d舊火車應該都唔貴,但佢叫我幫佢出70$車錢!!我以為7$..70$車錢,我的士都未坐過咁貴,坐火車,一張票要70$?意識到佢可能係呃錢的,但又怕佢真係有難需要求助,結果我給左20$佢,佢都仲係纏住...後尾實在冇辦法,我話趕時間就走了"70$坐一程車,我唔知應該點信你好"但冇唔理由唔幫你,希望20$幫到你"